১ বংশধর 17:6 - Chakma Bible

⁶ যিদুক্কুন্‌ মান্‌জ্য উগুরে মুই মঅ মানুচ্চুনোরে পালেবার্‌ ভারান্‌ দুয়োং, নানান্‌ জাগাত্‌ ইস্রায়েলীয়গুনো সমারে ঘুরি বেড়েবার্‌ অক্তত্‌ মুই সে নেতাগুনোরে কি কনঅ সময় কোইয়োং, তারা কিত্তেই মত্তে এরস গাজ ঘর্‌ ন-বানান্‌?

১ বংশধর 17:6 Iomraidhean Croise

২ শমূয়েল 7:7

যিদুক্কুন নেতা উগুরে মুই মঅ মানুচ্‌ ইস্রায়েলীয়গুনোরে পালেবার্‌ ভারান্‌ দুয়োং, নানান্‌ জাগাত্‌ ইস্রায়েলীয়গুনো সমারে ঘুরিবার অক্তত্‌ মুই সে নেতাগুনোরে কাররে ন-কং, কিত্তেই তারা এরস তক্তালোই মল্লাই ঘর ন-বানান্‌।

১ রাজাবলী 8:16

মঅ মানুচ্‌ ইস্রায়েলীয়গুনোরে মিসরত্তুন্‌ নিগিলেই আনিবার পরেন্দি মুই ইস্রায়েলীয়গুনোর কনঅ গুট্টির শঅর বেঈ ন-নেযাং যিয়েনত্‌ নিজোরে ফগদাং গুরিবাত্তে থেবারজাগা ইজেবে এক্কান ঘর বানা যায়। মাত্তর্‌ মঅ মানুচ্‌ ইস্রায়েলীয়গুনোরে শাজন্ গুরিবাত্তে মুই দায়ূদোরে বেঈ লোইয়োং।

১ বংশধর 11:2

ইয়েন আগেন্দি যেক্কে শৌল রাজা এলঅ সেক্কে যুদ্ধো সময়োত্‌ তুয়ই ইস্রায়েলীয়গুনোর সৈন্য পরিচালনা গুরিদে; আর তর্‌ গোজেন্‌ লগেপ্রভু তরে কোইয়্যেদে যেনে তুয়ই তা মানুচ্চুনোর, অত্তাৎ ইস্রায়েলীয়গুনোরে দেগাশুনো গরচ্‌ আর তারার্‌ নেতা অচ্‌।”

১ বংশধর 17:7

ইক্কিনে তুই মঅ চাগর্‌ দায়ূদোরে কঅ, বেক খেমতার গিরোজ্ লগেপ্রভু এ কধাগান কোইয়্যেদে, মঅ মানুচ্চুনে ইস্রায়েলীয়গুনোর শাজন্‌গুরিয়্যে অবাত্তে মুই তরে য়েমান চোড়েবার্‌ বামত্তুন্‌, ভেড়া ছাগল পাল পিজেন্দিত্তুন্‌ আন্যং।

যিরমিয় 23:4

মুই তারা উগুরে এমন পালক্‌কুনোরে নেযেম যিগুনে তারারে দেগাশুনো গুরিবাক্; মর্ ভেড়াগুনে আর ন-দোরেবাক্ বা আগল্ পাগল্ ন-অবাক বা কনবো আযি ন-যেবাক্। মুই লগেপ্রভু এ কধাগান কঙর্‍।”

যিহিষ্কেল 34:2

ও মান্‌‌‌‌‌‌‌জ্যর পুয়োবো, ইস্রায়েলর পালক্কুনো বিরুদ্ধে তুই ভাববাদী ইজেবে এ কধাগান কঅ, প্রভু লগেপ্রভু কোইয়্যেদে, অভিশাব্ পোড়োক্, ইস্রায়েলর সেই পালক্কুনোর, যিগুনে বানা নিজোর্ দেগাশুনো গরন্! ভেড়াপালর দেগাশুনো গরানা কি পালক্কুনোর্ উজিত্ নয়?

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

মথি লেখ্যে গম্ হবর্ 2:6

যিহূদা দেজর্ বৈৎলেহম, যিহূদা ভিদিরে তুই কনমতে চিগোন্ নয়, কিয়া তঅ ভিদেরেত্তুনই এমন এক্কো শাজন্‌‌গুরিয়্যে এবঅ যিবে মঅ ইস্রায়েল জাদরে পরিচালনা গুরিবো।”

প্রেরিত্‌ 13:20

এ বেক্‌ ঘটনানি ঘদ্‌তে প্রায় চেরশ পঞ্চাশ বজর্ লাক্ক্যে। ইয়েনর্ পরেদি ভাববাদী শমূয়েলর সময় সং গোজেনে কয়েক্কো শাসনগুরিয়্যে দিয়্যে।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

দ্বি’লম্বর বিররণ 23:14

তমারে রোক্ষে গুরিবাত্তে আর তমা শত্রুগুনোরে তমা আদত্‌ তুলি দিবাত্তে তমার গোজেন লগেপ্রভু তমার তাম্বুলো ভিদিরে ঘুরি বেড়ায়। সেনত্যে তমার তাম্বুলান পবিত্র অবস্থায় রাগা পুরিবো যেনে তমা ভিদিরে জঘন্য কিজু দেগিনে তে তমা ইন্দিত্তুন্‌ মুয়োন্‌ ফিরেইনে ন-নেযায়।

ফগদাং পেইয়্যে 2:1

ইফিষ শঅরর্ মন্ডলী দূত্‌তো ইধু এ কধাগান লেগ- যিবে তার ডেন্ আঢেদি সাত্‌টো তারা ধুরিনে সনার সাত্‌টো চেরাগ সংমধ্যে ঘুরি বেড়ায় তে এ কধাগান কর্:

১ শমূয়েল 12:11

সেক্কে লগেপ্রভু যিরুব্বাল, বদান, যিপ্তহ আর শমূয়েলরে পাদেইনে তমার চেরোকিত্তে শত্রুগুনোর আঢত্তুন তমারে রোক্ষে গুরিলো। সে পরেন্দি তুমি দোলেদালে বসত্তি গুরি পারিলে।