১ বংশধর 15:2 - Chakma Bible

² সে পরেন্দি তে কলঅ, “গোজেন সুন্দুক্কো লেবীয়গুনে বাদে আর কনজনে ন-বুয়োন, কিত্তে লগেপ্রভুর সুন্দুক্কো বুয়োবাত্তে আর জিংকানিবর্‌ তার্‌ সেবা গুরিবাত্তে লগেপ্রভু তারারে বেঈ লোইয়্যে।”

১ বংশধর 15:2 Iomraidhean Croise

২ শমূয়েল 6:13

যিগুনে লগেপ্রভুর সুন্দুক্কো বুয়োই নেযাদন্‌ তারা ছয় পোইদে উজেই যাদে ন-যাদে দায়ূদে এক্কো বলদ গোরু আর এক্কো পক্তামক্তা গোরু ছঅ উৎসর্ব গুরিলো।

২ বংশধর 35:3

লেবীয়গুনে, যিগুনে বেক্‌ ইস্রায়েলীয়গুনোরে শিক্ষ্যে দেদন্‌ আর লগেপ্রভুর নাঙে যিগুনোরে ফারগ্‌ গরা ওইয়্যে তারারে তে কলঅ, ইস্রায়েলর রাজা দায়ূদোর পুয়ো শলোমনে যে উবোসনা-ঘরান্‌ বানেইয়্যে সিয়েনত্‌ তুমি সুদ্ধো-সাংগ সুন্দুক্কো রাগঅ। ইবে আর্‌ তমাত্তুন্‌ কানাত্ গুরিনে বুয়ো ন-পুরিবো। ইক্কিনে তুমি তমার্‌ গোজেন লগেপ্রভুর আর তা মানুচ্‌ ইস্রায়েলীয়গুনোরে সেবা গরঅ।

যাত্রা 25:14

সুন্দুক্কো বুয়োই নেযেবাত্তে সিবের্‌ দ্বিডাগেন্দি হেবা ভিদিরে সেই লুদিক দ্বিবে ভোরেই দিবা।

যিশাইয় 66:21

মুই তারা ভিদিরেত্তুন্ কয়েক জন লেবীয়রে ধর্মগুরু আর সেবাগুরিয়্যে অবাত্তে বেঈ নেযেম।”

গণাণা 3:6

“লেবি-গুট্টির মানুচ্চুনোরে ডাগি আনিনে হারোণর্‌ আদত্‌ দে যেনে তারা তারে সাহায্য গুরি পারন।

গণাণা 3:9

লেবীয়গুনোরে তুই হারোণ আর তার্‌ পূঅগুনো আঢত্‌ দে। ইস্রায়েলীয়গুনো ভিদিরেত্তুন্‌ ইগুন্‌ বেক্কুনোরে হারোণর আঢত্‌ দিদে পুরিবো।

গণাণা 7:9

মোশি কহাতীয়োগুনোরে কিচ্ছু ন-দিলো, কিত্যে সুদ্ধো-সাংগ জিনিস্‌চানির্‌ দেগাশুনোর্‌ ভারান এলঅ তারা উগুরে আর সিগুনোই এলাক তারার্‌ কাঁনাদ্‌ গুরি বুয়োই নেযেবার্‌ কধা।

দ্বি’লম্বর বিররণ 10:8

সে অক্তত্‌ লগেপ্রভু তার বেবস্থা-সুন্দুক্কো বুয়োই নেযেবাত্তে আর সেবা কামর্‌ নাঙে তা মুজুঙোত্‌ থিয়্যেবাত্তে আর তা নাঙে আশিদ্‌বাদ্ ফগদাং গুরিবাত্তে লেবীয়গুনোরে বেঈ লোইয়্যে। এ বেক্‌ কামানি তারা এজঅ গত্তন্‌।

দ্বি’লম্বর বিররণ 31:9

লেবি-গুট্টির ধর্মগুরুগুনে, যিগুনে লগেপ্রভুর সাক্ষ্য-সুন্দুক্কো বুয়োই নেযেদাক, মোশি বেক্‌ রীদি-সুদোমানি লিগিনে তারার আদত আর ইস্রায়েলীয়গুনো বুড়ো নেতাগুনোর আদত দিলো।

যিহোশূয় 6:6

সেক্কে নূনর পূঅ‌ যিহোশূয় ধর্মগুরুগুনোরে ডাগিনে কলঅ, “তুমি সাক্ষ্য-সুন্দুক্কো তুলি নেযঅ‌ আর সাতজন ধর্মগুরু সাত্‌তো বাশি লোইনে লগেপ্রভুর সুন্দুগোর আগে আগে যঅ।”