১ বংশধর 14:1 - Chakma Bible

¹ পরেন্দি সোরর রাজা হীরম দায়ূদো ইদু কয়েক্কো মানুচ্‌ পাধেই দিলো। তারা সমারে পাদেল দায়ূদোত্তে রাজঘর বানেবার্‌ আজাই এরস তক্তা, রাজমিস্ত্রি আর গাজ মিস্ত্রি।

১ বংশধর 14:1 Iomraidhean Croise

২ শমূয়েল 7:2

রাজা সেক্কে একদিন্যে ভাববাদী নাথনরে কলঅ, “চাহ্, মুই বজত্তি গরঙর্‌ এরস তক্তার্‌ ঘরত্‌ আর গোজেন সুন্দুক্কো আগেদে তাম্বুলোত্‌।”

১ রাজাবলী 5:1

সোরের রাজা হীরমে যেক্কে শুনিলো, শলোমনরে তা বাবঅ জাগানত্‌ রাজপদথ্‌ অভিষেগ গরা ওইয়্যে সেক্কে তা মানুচ্চুনোরে তে শলোমনর্ ইদু পাদেল, কিত্তেই দায়ূদ লগে তার সমাজ্যের মিল্ এলঅ।

১ রাজাবলী 5:15

শলোমন অধীনোত্‌ এলাক্‌ সত্তুর্‌ আজার কামভার পেইয়্যে মানুচ্‌ আর মুড়োমুড়িত্‌ পাত্তর্‌ কাবিবাত্তে এলাক্‌ আশি আজার মানুচ্‌।

১ রাজাবলী 5:18

শলোমন আর হীরমর কালিগরুনে আর গিব্লীয়োগুনে সে পাত্তরুন্‌ দোল্‌ গুরি কাবিনে তবনা-ঘরান বানেবাত্তে গাজ আর পাত্তর্‌ যুক্কোল্‌ গুরিদাক্।

১ রাজাবলী 5:6

“সেনত্তেই তুই উগুম্ গর্‌ যেনে মত্তে লেবানন দেজর্‌ এরস গাজ্‌ছুন কাবা অয়। মঅ মানুচ্চুনে হামাক্কায় তঅ মানুচ্চুনো লগে থেবাক্‌ আর তুই যে বেতনুন্‌ ঠিগ্ গুরি দিবে মুই সে বেতনুন্ তঅ মানুচ্চুনোরে দিম্‌। তুই দঅ হবর্ পাজ্, গাজ্‌ কাবেদে কামত্‌ সীদোনীয়গুনো ধোক্ক্যেন কাবিল মানুচ্‌ আমা ইদু কনজন নেই।”

১ বংশধর 14:2

সেক্কে দায়ূদে বুঝি পারিলো, লগেপ্রভু ইস্রায়েল উগুরে তা রাজপদতান্‌ ঠিগ্‌ গোজ্যে আর তা মানুচ্চুনোর্‌, অত্তাৎ ইস্রায়েলীয়গুনোত্তে তা রেজ্যগান্‌ বোউত্‌ ভালেদি গোজ্যে।

১ বংশধর 17:1

রাজঘরত্‌ বজত্তি গুরিবার অক্তত্‌ একদিন্যে দায়ূদ ভাববাদী নাথনরে কলঅ, “মুই ইক্কিনে এরস গাজ ঘরত্‌ বজত্তি গরঙর্‌ মাত্তর্‌ লগেপ্রভুর সুদোম-সুন্দুক্কো রোইয়্যেদে এক্কান তাম্বুলো ভিদিরে।”

১ বংশধর 22:2

নানান্‌ জাদর্‌ যিদুক্কুন্‌ মানুচ্‌ ইস্রায়েল্‌ দেজত্‌ বজত্তি গুরিদাক্‌ দায়ূদে উগুম্‌ দিলো যেনে তারারে এগত্তর্‌ গরা অয়। তারা ভিদিরেত্তুন্‌ তে পাত্তর্‌ কাবিয়্যে মানুচ্চুনোরে বেঈ নেযা অলঅ যেনে গোজেন ঘরান্‌ বানেবাত্তে তারা পাত্তর্‌ কাবিনে-চাজিচাজাই যুক্কোল্‌ গরা অয়।

২ বংশধর 2:2

তে সত্তুর্‌ আজার মান্‌জ্যরে বুদি বোবাত্তে, আশি আজার মান্‌জ্যরে মুড়োমুড়িত্‌ পাত্তর্‌ কাবিবাত্তে আর তিন আজার ছয়শ মান্‌জ্যরে তারার্‌ উদো লবাত্তে কামত্‌ লাগেল।

২ বংশধর 2:3

শলোমনে সোরর রাজা হীরমরে এ হবরান্‌ পাদেল, মঅ বাপ্পো দায়ূদে থেবাত্তে এক্কান্‌ রাজঘর বানেবাত্তে তুই যেধোক্ক্যেন্‌ তারে এরস গাজ্‌সোই পাদেয়োচ্‌ সেধোক্ক্যেন্‌ মত্তেয়ো এরস গাজ্‌ পাধেই দে।

ইষ্রা 3:7

তারা রাজমিস্ত্রি আর গাজমিস্ত্রিরে টেঙা দিলাক্ আর সীদোন আর সোরর মানুচ্চুনোরে হানা, আংগুর-রস আর তেল দিলাক্ যেনে তারা পারস্যের রাজা কোরসের অনুমতি মজিম্ লেবাননত্তুন্ যাফো সং বড় গাঙ পধেদি এরস গাজ আনি পারিদাক্।