১ বংশধর 13:8 - Chakma Bible

⁸ দায়ূদ আর বেক্‌ ইস্রায়েলীয়গুনে লগেপ্রভুর মুজুঙোত্‌ তারার্‌ বেক্‌ বলান্‌ দিইনে নাজি নাজি গান গেইয়োন্‌ আর সুরবাহার, বীণা, খঞ্জনী, করতাল আর তূরী বাজেয়োন।

১ বংশধর 13:8 Iomraidhean Croise

২ রাজাবলী 3:15

ইক্কিনে বেঈ লোইনে এন্‌ ইক্কো মান্‌জ্যরে মইদু আন।” মানুচ্চো যেক্কে বাশি বাজার্‌ সেক্কে লগেপ্রভুর খেমতাগান্‌ ইলীশায়র উগুরে এলঅ।

১ বংশধর 15:28

এধোক্ক্যেন গুরিনে বেক্‌ ইস্রায়েলীয়গুনে রঅ সারদে সারদে আর শিংগা, তূরী, করতাল, বীণা আর সুরবাহার বাজাদে বাজাদে লগেপ্রভুর বেবস্থা-সুন্দুক্কো যিরূশালেমত্‌ আনিলাক্।

১ বংশধর 16:42

গোজেন নাঙে গান গেবার্‌ অক্তত্‌ তূরী, ঝন্‌ঝনি আর অন্য বাজানা বাজেবাত্তে হেমন আর যিদূথূন উগুরে ভারান্‌ দিয়্যে অলঅ। যিদূথূনো গুট্টির মানুচ্চুনোরে রক্ষী ইজেবে নেযা অলঅ।

১ বংশধর 16:5

এ মানুচ্চুনো নেতা অলদে আসফ, দ্বিলম্বরত্‌ অলদে সখরিয়, সে পরেন্দি অলদে যিয়ীয়েল, শমীরামোৎ, যিহীয়েল, মত্তিথিয়, ইলীয়াব, বনায়, ওবেদ-ইদোম আর যিয়ীয়েল। ইগুনে বাজেদাক্‌ বাশি আর হার্‌মোনি আর আসফে বাজেদ ঝুরি;

২ বংশধর 20:28

তারা বাশি, হার্‌মনি আর তূরী বাজাদে বাজাদে যিরূশালেমত্‌ ফিরি এইনে লগেপ্রভুর ঘরত্‌ গেলাক্‌।

২ বংশধর 5:12

যে লেবীয়গুনে গান-বাজনা গুরিদাক্‌, অত্তাৎ আসফ, হেমন, যিদূথূন আর তারার্‌ পুয়োগুনে আর তারার্‌ বংশর মানুচ্চুনে মসীনার কাবড়ানি উরিনে পূজোবোর পূগেন্দি থিয়্যেইনে জোরি, বাশি আর হারমোনি বাজাদন্‌। তারা লগে এলাক্‌ একশঅ কুড়ি জন ধর্মগুরু যিগুনে তূরী বাজাদন্‌।

গীতসংহিতা 47:5

গোজেনে হুজির রঅবোলোই উগুরে উদি যেয়েগোই, লগেপ্রভু তূরীর রবোলোই উদি যেয়েগোই।

আমোষ 5:23

তমা গান রবো দূর্ গরঅ। তমা বীণার বাজানা মুই ন-শুনিম।

আমোষ 6:5

তুমি বীণা বাজেইনে গান গঅ আর দায়ূদো ধোক্ক্যেন নানান্ বাবোত্যে বাজনা বানেই থাগঅ।

১ শমূয়েল 10:5

সে পরেন্দি তুই গিবিয়োৎ-হা-এলোহিম শঅরত্‌ যেবে। সিয়েনত পলেষ্টীয় সৈন্যগুনোর এক্কান তাম্বুল্ আঘে। শঅরত্‌ লুমোনার পরেন্দি এন্‌ এক ঝাক্‌ ভাববাদী সমারে তর্‌ দেগা অবঅ যিগুনে গোজেনর দিয়্যে কধা কদে কদে উবোসনার উজু জাগাত্তুন্ লামি এচ্ছোন। তারার দলর্‌ মুজুঙো মানুচ্চুনে বীণা, জুড়ি আর বাঁশি আর হার্‌মোনি বাজাদে বাজাদে আদিবাক্‌।