১ বংশধর 13:6 - Chakma Bible

⁶ যিহূদা দেজর্‌ বালা, অত্তাৎ কিরিয়ৎ-যিয়ারীমত্তুন্‌ গোজেন্‌ লগেপ্রভুর সুন্দুক্কো আনিবাত্তে দায়ূদ আর তা সমারে বেক্‌ ইস্রায়েলীয়গুনে সিদু গেলাক্‌। এ সুন্দুক্কো লগেপ্রভুর নাঙে পরিচিত, কিত্তে তে সিদু করূবপুনোর্‌ সংমোধ্যে থেদঅ।

১ বংশধর 13:6 Iomraidhean Croise

১ রাজাবলী 8:16

মঅ মানুচ্‌ ইস্রায়েলীয়গুনোরে মিসরত্তুন্‌ নিগিলেই আনিবার পরেন্দি মুই ইস্রায়েলীয়গুনোর কনঅ গুট্টির শঅর বেঈ ন-নেযাং যিয়েনত্‌ নিজোরে ফগদাং গুরিবাত্তে থেবারজাগা ইজেবে এক্কান ঘর বানা যায়। মাত্তর্‌ মঅ মানুচ্‌ ইস্রায়েলীয়গুনোরে শাজন্ গুরিবাত্তে মুই দায়ূদোরে বেঈ লোইয়োং।

২ রাজাবলী 19:15

হিষ্কিয় লগেপ্রভু ইদু এ তবনাগান্‌ গুরিলো, “দ্বিবে করূবো সংমধ্যে থেইয়্যে ও ইস্রায়েলর গোজেন লগেপ্রভু, তুই, বানা তুয়ই পিত্‌থিমীর্‌ বেক্‌ রেজ্যগানির্‌ গোজেন। তুই দাঙর্‌ আগাজ্‌ আর পিত্‌থিমীগান বানেয়োচ্।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

যাত্রা 23:21

তুমি তার্‌ কধা শুনিবা আর সিয়েন মানি চুলিবা। তুমি তা বিরুদ্ধে মনানি ঝাগুলুক্ ন-গোজ্য। তমা উল্লোমিগানি তে মাপ্‌ ন-গুরিবো, কিত্তে মুয়ই তা সমারে আগং।

যাত্রা 25:22

এই সাক্ষ্য-সিন্দুগোর্‌ ঢাগনীগান উগুরে দ্বিবে করূব সংমোধ্যে মুই তঅ সমারে দেগা গুরিনে ইস্রায়েলীয়গুনোত্তে মর্‌ বেক্‌ উগুমানি তরে দিম্‌।

যিশাইয় 37:16

“ও দ্বিস্বর্গদূদোর সংমোধ্যে থেইয়্যে বেগত্তুন্ খেমতাবলা লগেপ্রভু, ইস্রায়েলর গোজেন, তুই, বানা তুয়ই পিত্‌থিমীর বেক্ রেজ্যগানির গোজেন। তুই আগাজ্‌‌‌‌‌চান আর পিত্‌‌‌‌থিমীগানরে বানেয়োচ্।‌‌

গণাণা 6:27

“এবাবোত্যেগুরি তারা ইস্রায়েলীয়গুনো উগুরে মর্‌ নাঙান্‌ কুয়ো ধুরিবাক্, সেক্কে মুয়ই তারারে বর্ দিম।”

গণাণা 7:89

ইয়েনর পরেদি মোশি যেক্কে লগেপ্রভুর লগে কধা কবাত্তে মিলন-তাম্বুলোত্‌ চোমেদ সেক্কে সাক্ষ্য-সিন্দুগো উগুরে ঢাগনিগানর্‌ কাজাকুরেন্দি করূব দ্বিবের্‌ ভিদিরে জাগানত্তুন্‌ তাঁর কধানি শুনিদাক্। এবাবোত্যেগুরি লগেপ্রভু মোশি সমারে কধা কদঅ।

যিহোশূয় 15:60

কিরিয়ৎ-বাল, অত্তাৎ কিরিয়ৎ-যিয়ারিম আর রব্বা। এ দ্বিয়েন শঅর্‌ আর ইয়েনির কায়-কুরে জাগায়ানি তারা পেইয়োন।

যিহোশূয় 15:9

সেই দুযির্‌ চিহ্নোগান সে পরেন্দি মুড়োবো উগুরেত্তুন্‌ নিপ্তোহর উইফুদোর্‌ ইন্দি গেলঅ‌। সিয়োত্তুন্‌ ইফ্রোণ মুড়োবোর্‌ আদামানির কায়-কুরেন্দি নিগিলিনে সিয়েন বালার ইন্দি, অত্তাৎ কিরিয়োৎ-যিয়ারীমর ইন্দি লামি গেলঅ‌।

যিহোশূয় 9:17

সেক্কে ইস্রায়েলীয়গুনে তারার্‌ চাগালান্দি যাহ্ ধুরিলাক্‌ আর তিন দিনোত্‌ সিদু যেইনে লুমিলাক্‌। তারার্‌ চাগালাত্‌‌ এলাক্কে গিবিয়োন, কফীরা, বেরোৎ আর কিরিয়ৎ-যিয়ারীম শঅরান্‌।

১ শমূয়েল 4:4

সেনত্যেই তারা শীলোত মানুচ্‌ পাদেইনে দুনিয়ের গিরোজ্‌ লগেপ্রভু, যিবে দ্বিবে করূবোর সংমোধ্যে থায়, তার সাক্ষ্য-সুন্দুক্কো আনিলাক্। গোজেনর সেই সাক্ষ্য-সুন্দুগোর্ লগে এলাক এলির দ্বিবে পূঅ, হফ্‌নি আর পীনহসে।

১ শমূয়েল 6:21

সে পরেন্দি তারা কয়েকজন মান্‌জ্যর্ মাধ্যমে কিরিয়ৎ-যিয়ারীমর মানুচ্চুনো ইদু কোই পাদেলাক্, “পলেষ্টীয়গুনে লগেপ্রভুর সুন্দুক্কো ফিরেই দুয়োন। তুমি লামি এইনে সুন্দুক্কো তমা ইদু লোই যঅ।”