১ বংশধর 12:16 - Chakma Bible

¹⁶ ইগুন্‌ বাদেয়ো বিন্যামীন-গুট্টির অন্য মানুচ্চুনে আর যিহূদার কিজু মানুচ্‌ দায়ূদো সে তাম্বুলান ধোক্ক্যেন জাগানত্‌ তাইদু এচ্চ্যন্‌।

১ বংশধর 12:16 Iomraidhean Croise

২ শমূয়েল 23:14

সে অক্তত্‌ দায়ূদে ধূল্যেচর-চাগালাত্ তাম্বুলো ধোক্ক্যেন এক্কান জাগাত্‌ এলঅ আর পলেষ্টীয় সৈন্যদলুন বৈৎলেহমত্‌ এলাক্।

১ বংশধর 12:15

সে বজর পত্তথম্‌ মাজত্‌ যেক্কে যর্দন গাঙ পানিগান পার উগুরে উদি যেইয়্যে সেক্কে ইগুনে পার্‌ ওইনে গাঙ পূগেন্দি আর পোজিমেন্দি কিজিঙোত্‌ বজত্তি গোজ্যে বেক্কুনোরে ধাবেই দুয়োন্‌।

১ বংশধর 12:17

দায়ূদে তারা সমারে দেগা গুরিবাত্তে নিগিলি এইনে কলঅ, “তুমি যুনি শান্তির্‌ মনভাব লোইনে মরে বল্‌ দিবাত্তে এই থাগঅ সালে মুই তমা লগে এগত্তর্‌ অবাত্তে যুক্কোল্‌ আগং, মাত্তর্‌ মুই কনঅ অন্যেয় ন-গুরিলেয়ো যুনি কুজুরোমি গুরিনে শত্রু আঢত্‌ মরে তুলি দিবাত্তে এই থাগঅ সালে আমা পূরোণি মানুচ্চুনোর্‌ গোজেনে যেনে সিয়েনি দেগে আর তমা বিচেরানি গরে।”

১ বংশধর 12:8

গাদীয়গুনোর্‌ কিজু মানুচ্‌ নিজো দল্ ছাড়িনে ধূল্যেচর-চাগালাত্‌ তাম্বুলো ধোক্ক্যেন জাগানত্‌ দায়ূদো ইদু এচ্ছ্যন্‌। তারা এলাক্‌ যুদ্ধোর্‌ শিক্ষ্যে-পেইয়্যে বোলী যোদ্ধা। তারা ঢাল আর সেল্‌ মারানা জানিদাক্‌। তারা মুয়োনি সিংহ ধোক্ক্যেন দর্‌গরেপারা এলঅ আর মুড়ো উরিঙো ধোক্ক্যেন তারা জদবদে দাবা দি পারিদাক্‌।

গীতসংহিতা 68:27

বেক্কুনোত্তুন্ চিগোন যে বিন্যামীন, উইয়ো যাদন্দে তার্ বংশবো, যিগুনোর আঢত্ রাজলুদিক্কো আঘে; উইয়োবু যিহূদার নেতাগুনে, যিগুনে দল দরমর; উইয়োবু সবূলূনোর নেতাগুন আর উই যাদন নপ্তালির নেতাগুনে।

যিহোশূয় 3:15

ফসল কাবিবার পুরো সময়ানত্‌ সচরাচর্‌ যর্দন গাঙর্‌ দ্বিপারানি পানিয়ে ভাঝি যেদঅ‌। মাত্তর্ সাক্ষ্য-সুন্দুক বোইয়্যে ধর্মগুরগুনে যর্দন ইদু লুমোনার পরেন্দি তারা পানিত্‌ টেঙ্‌ দিলাক্‌ এমনে উগুরেত্তুন বেঈ এচ্চ্যে গঙার্‌ পানিগান থামেল। সে পানিগান ভালোদ্‌ দূরোত্‌ সর্তন শঅরর্‌ কায়-কুরে আদম আদামর ইদু অজল্‌ ওইনে ফুলি উদিলো; আর সেক্কে যে পানিগান অরাবার সাগর ইন্দি, অত্তাৎ নুন সাগরর্‌ ইন্দি বেঈ যার্‌ সিয়েন্‌ এক্কুবারে বন্ধ ওই গেলঅ। সেক্কে ইস্রায়েলীয়গুনে যিরীহো শঅরর্‌ ঠিগ্‌ উই পারন্দিত্তুন্‌ গাঙান্‌ পার্‌ অলাক্‌।

১ শমূয়েল 22:4

সে পরেন্দি তে তা মা-বাবরে আনিনে মোয়াবর রাজা ইদু রাগেল। যেদকদিন সং দায়ূদে পৌল্যে থাইদ্যে জাগানত্ রলঅ সেদকদিন সং তারা মোয়াবর রাজা ইদু থেলাক্।

১ শমূয়েল 22:7

তে তারারে কলঅ, “বিন্যামীন-গুট্টির মানুচ্চুন শুনো, যিশয়র পূঅবো কি তমারে বেক্কুনোরে জাগা-জোমি আর আংগুর ক্ষেত দিবো? তে কি তমারে বেক্কুনোরে আজার সৈন্য বা শত শত সৈন্য উগুরে সেনাপতি নেযেব?