১ বংশধর 11:5 - Chakma Bible

⁵ তারা দায়ূদরে কলাক্‌, “তুই ইদু সোমেই ন-পারিবে।” তো দায়ূদে সিয়োন তাম্বুলান্‌ গজক্ গুরিলো। ইক্কিনে সিয়েনরে দায়ূদ-শঅর কন্‌।

১ বংশধর 11:5 Iomraidhean Croise

২ শমূয়েল 5:9

ইয়েনর্ পরেন্দি দায়ূদে সে তাম্বুলানত্‌ বজত্তি গরা ধুরিলো অার সিয়েনর্ নাঙান্‌ দিলো দায়ূদ-শঅর। মিল্লোত্তুন্‌ আরাম্ভ গুরিনে সে তাম্বুলানর্‌ চেরোকিত্তে তে শঅর্‌ বানেয়্যে।

২ শমূয়েল 6:10

লগেপ্রভুর সুন্দুক্কো তে দায়ূদ-শঅরত্‌ নিজোর কায়-কুরে অানিবাত্তে রাজী ন-অলঅ। তে সিবে নেযেইনে গাতীয় ওবেদ-ইদোমর ঘরত্‌ রাগেল।

২ শমূয়েল 6:12

রাজা দায়ূদে শুনিলোদে গোজেনর্‌ সুন্দুক্কো ওবেদ-ইদোমর ঘরত্‌ থানার কারনে লগেপ্রভু তা ঘরর্‌ বেক্কুনোরে আহ্ তার্‌ বেক্কানিত্‌ বর্ দিয়্যে। সেক্কে দায়ূদে যেইনে ওবেদ-ইদোমর ঘরত্তুন্‌ ফুত্তি গত্তে গত্তে গোজেনর্‌ সুন্দুক্কো দায়ূদ-শঅরত্‌ নেযেল।

১ রাজাবলী 8:1

ইয়েনর্ পরেন্দি রাজা শলোমনে দায়ূদ-শঅর, অত্তাৎ সিয়োনত্তুন লগেপ্রভুর সুদোম-সুন্দুক্কো আনিবাত্তে ইস্রায়েলর বুড়ো নেতাগুনোরে, গুট্টির-সর্দারুনোরে আর ইস্রায়েলীয় বংশর আজল্‌ মানুচ্চুনোরে যিরূশালেমত্‌ তাইদু আঝিল্ গুরিলো।

১ বংশধর 11:4

পরেন্দি দায়ূদে আর বেক্‌ ইস্রায়েলীয়গুনে যিরূশালেমত্‌, অত্তাৎ যিবূষোত্‌ গেলাক্‌। যিবূষীয়গুনে সিদু বজত্তি গুরিদাক্‌।

১ বংশধর 11:6

দায়ূদে কোইয়্যেদে, “যে মানুচ্চো পত্তমে যিবূষীয়গুনোরে আক্রমণ গুরিবো তেয়ই অবঅ আজল্‌ সেনাপতি।” সেক্কে সরূয়ার পুয়ো যোয়াবে পত্তমে আক্রমণ গুরিবাত্তে গেলঅ, সেনত্তে তারে আজল্‌ সেনাপতি বানা অলঅ।

১ বংশধর 11:7

ইয়েনর্ পরেন্দি দায়ূদে সে তাম্বুালনত্‌ বজত্তি গরা ধুরিলো; সেনত্তে সিয়েনরে দায়ূদ-শঅর্‌ কুয়া অদঅ।

২ বংশধর 5:2

ইয়েন পরেন্দি শলোমনে দায়ূদ-শঅর্‌, অত্তাৎ সিয়োনত্তুন্‌ লগেপ্রভুর সুদোম-সুন্দুক্কো আনিবাত্তে ইস্রায়েলর বুড়ো নেতাগুনোরে, গুট্টির-মুরুব্বীগুনোরে আর ইস্রায়েলীয় বংশর আজল্‌ মানুচ্চুনোরে যিরূশালেমত্‌ ডাগিনে পাদেল।

গীতসংহিতা 122:5

সিয়োদোই আঘে বিচেরর্ বেক্ সিংহাসনানি, দায়ূদো বংশগুনোর বিচেরর্ সিংহাসনানি।

গীতসংহিতা 132:13

লগেপ্রভু সিয়োনানরে বেঈ লোইয়্যে; তাহ্ থেবার জাগানত্তে ইয়েনই তে চেইয়্যে।

গীতসংহিতা 2:6

লগেপ্রভু কবদে, “মুই যিবেরে রাজা বানেয়োং তারে মর্ সুদ্ধো-সাংগ সিয়োন মুড়োবোত্ বোজেয়োং।”

গীতসংহিতা 48:2

গোজেনর থেবার জাগায়ান সেই সিয়োন মুড়োবো, অজলত্ বানেয়্যে দাঙর্ রাজার সে শঅরান চাদে দোল্; গোদা দুনিয়াগানরে সিয়েনে হুজিয়ে রাগায়।

গীতসংহিতা 78:68

মাত্তর্ বেঈ নেযেল যিহূদা-গুট্টির চাগালাগান সেই সিয়োন মুড়োবো যিবেরে তে কোচ্‌পেদ।

গীতসংহিতা 87:2

যাকোব-বংশর অন্য বেক থেবার জাগানিত্তুন্ তে সিয়োনর গেট্টুন কোচ্‌পায়।

গীতসংহিতা 87:5

আর সিয়োন পৌইদ্যেনে কুয়ো অবঅ, “নানান্ জাদর মানুচ্ সিদু জর্মেয়োন; দাঙর্ গোজেনে নিজে সিয়োনানরে তুলি ধুরিবো।”

গীতসংহিতা 9:11

লগেপ্রভু সিয়োনত্ আঘে; তুমি তার্ নাঙ্ গিনেদে বাবোত্যে-গান গঅ। তে যিয়েনি গোজ্যে সিয়েনি অন্য জাদ ইদু ফগদাং গরঅ;

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

ইব্রীয় 12:22

তুমি দঅ সিয়োন মূড়োবো আর জেদা গোজেনর্ শঅর কায় কুরে এচ্চ্য। সেই শঅরান্ অলঅ স্বর্গর্ যিরূশালেম। তুমি আজার্ আজার্ স্বর্গদূতোর্ হুজির্ পরব ইধু এচ্চ্য;

ফগদাং পেইয়্যে 14:1

সে পরেদি মুই রিনি চেলুং, সেই ভেড়া-ছবো সিয়োন মূড়োবো উগুরে থিয়্যেই আঘে। তা সমারে আঘন্ একশ চৌচল্লিচ আজার মানুচ্‌। তারার্ কবালত্ ভেড়া-ছবো আর তা বাব নাঙান্ লেগা আঘে।

বিচের গুরিয়্যেগুন 19:10

মাত্তর্‌ রেত্তো সিদু কাদেবার আওজ্ তার্‌ ন-এলঅ। সেনত্তেই মানুচ্ছো তার গদি লাগেয়্যে গাধা দ্বিবে আর তার দ্বিতীয় ঘরর্‌ মোক্কোরে লোইনে সে জাগায়ান ছাড়িনে আঢা মারিলো। তারা যেক্কে যিবূষোর, অত্তাৎ যিরূশালেমর কায়-কুই লুমিলাক্‌ সেক্কে বেলান্‌ পেরায়্‌ ডুবেল্লোই। সেক্কে গাবুর্‌বো তা গিরোজ্‌সোরে কলঅ, যেই, আমি যিবূষীয়গুনোর এ শঅ্‌রানত্‌ থামেইনে রেত্তো কাদেই।

১ শমূয়েল 17:26

যে মানুচ্চুনে কায়-কুরে থিয়্যেইয়োন্‌ দায়ূদে তারারে পুযোর্ গুরিলো, “যে এই পলেষ্টীয়বোরে মারে ফেলেইনে ইস্রায়েলীয়গুনো উগুরেত্তুন্‌ এই অসর্মানান্‌ কাদেই দিবো সিয়েন উগুরে কি গরা অবঅ? এই চুনুগুলোবোর মাদাগান তনা ন-গোজ্যে পলেষ্টীয়বো কন্না, যে জেদা গোজেনর্‌ সৈন্যদলুনোরে ঈচ্ গরে?”

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”