১ বংশধর 11:13 - Chakma Bible

¹³ পলেষ্টীয়গুনে যেক্কে যুদ্ধোত্তে পস্‌-দম্মীমোত্‌ এগত্তর্‌ ওইয়োন্‌ সেক্কে ইলিয়াসরে দায়ূদ সমারে এলঅ। এক্কান্‌ জাগাত্‌ ধান্‌দোই ভোজ্যে এক্কান্‌ ক্ষেদত্‌ ইস্রায়েলীয় সৈন্যগুনে পলেষ্টীয়গুনো মুজুঙোত্তুন্‌ ধেই গেলাক্‌।

১ বংশধর 11:13 Iomraidhean Croise

২ শমূয়েল 23:10

মাত্তর্‌ ইলিয়াসরে যুদ্ধোর জাগানত্‌ থিয়্যেনেই পলেষ্টীয়গুনোরে আঘাত্‌ গরা ধুরিলো। যেরেন্দি তা আত্তান্‌ বল্‌পোজ্যে ওইনে লাম্বা ছুরিগানর্‌ লগে বাজেয়্যে এলঅ। সেদিন্যে লগেপ্রভু দাঙর্ জিদেনাগান্ দান গুরিলো। সৈন্যগুনে ইলিয়াসর ইদু যেক্কে ফিরি এলাক্ সেক্কে মরামানুচ্চুনো ইত্তুন্‌ লুদোনা বাদে তারার্‌ আর কিচ্ছু গুরিবার ন-এলঅ।

১ বংশধর 11:14

মাত্তর্‌ সে তিন্নো বীরে ক্ষেদ সংমোধ্যে যেইনে থিয়্যেলাক্‌। তারা সে ক্ষেত্‌তান রোক্ষ্যে গুরিলাক্‌ আর পলেষ্টীয়গুনোরে শেজ্‌ গুরি দিলাক্‌। সেদিন্যে লগেপ্রভু তারারে রোক্ষ্যে গুরিলো আর জিদেই দিলো।

১ শমূয়েল 17:1

পলেষ্টীয়গুনে যুদ্ধো গুরিবাত্তে সৈন্য এগত্তর্‌ গুরি নেযেইনে যিহূদা-গুট্টির চাগালাত্‌ সোখোতদ্‌ গেলাক্। তারা যেইনে সোখো আর অসেখা আদাম ভিদিরে এফস্‌দম্মীম আদামত্‌ তাম্বুলান্ ফেলেলাক্।