Gênesis 30:14 - Kaxinawá Bíblia (BR)

¹⁴ Hanu shekiwã tsekakĩ meshteaibutiã Léiã bake Rúbenẽ bai anu kashũ sheati bimi batapa betxishũ beshũ hawẽ ewa inãkẽ hanushũ Raquelĩ uĩtã Léia ea akĩ yuikĩ: —Mĩ bakẽ sheati bimi batapa mia beshuanã, eskarabe ea inãwẽ— aka

Gênesis 30:14 Iomraidhean Croise

Gênesis 30:15

inãkatsi ikama haki sinatakĩ Léiã yuikĩ: —Ha dukũ ẽ bene mĩ ea mebiniki. Ikis ẽ bakẽ bimi batapa ea beshuã mĩ ea mebĩriakatsis ikai?— aka Raquelĩ hawẽ bimi sheanũ ishũ —Haskakenã, na meshu merã hau mibe iki kanũ Jacó ẽ mia anu yunuaii. Haskakẽ mĩ bakẽ bimi mia beshuã ea dabukũ inãriwe— aka haska yubaiwẽ taeshũ inãkẽ

Gênesis 30:16

hanua bari kaya hawẽ bai anua Jacó huaya Léia ka haki nukushũ yuikĩ: —Ẽ bakẽ sheati bimi ea beshuã Raquel ẽ inãshuwẽ taeshũ ẽ mia yubayushuki. Haskawẽ taea na meshu merã ebe iyuyuwe— aka Jacó nĩkatã hawẽ hiwe anu meshu merã ka habe ishũ txutakẽ