Filipenses 1:8 - Kaxinawá Bíblia (BR)

⁸ Haska inũ, matube dasibi haibunaĩ nũ pekubainiburã, Deusũ nuku unaĩkiki, Jesus Cristõ nui duapa ea inã ẽ matu ashuniwẽ taea matukiri ẽ hakimaismaki.

Kashinawa : Diosun Jesúswen taexun yuba bena yiniki

⁸ Jaska inun, matube dasibi jaibunain nun pekubainibudan, Diosun nuku unainkiki, Jesucriston nui duapa ea inan en matu axuniwen taea matukidi en jakimaismaki.

Filipenses 1:8 Iomraidhean Croise

Isaías 63:15

“Senhor Deusuũ, hanu mĩ ika naiuri mĩ mae meribi pepa anu hari hiweshunã, nukukiri shinãwẽ. Hania? mĩ nuikipa pepahaira inũ mĩ kushiparã. Hania? mĩ hawẽ nuku shinãmisrã. Mĩ nukuwẽ dabanã imisrã, mĩ ma nuku hatsãmẽ?

Lucas 1:78

Nukũ Deus nuikipa txakamatũ nuku abukĩ nai anua hawẽ bake shaba bari bena keska nuku buteshũshanikiki.

Romanos 1:9

Haska inũ, Deus besti duawanũ, iwanã, hawẽ bakewẽ nukũ txakabu Deusũ nuku buashũkatsis ikai hawẽ bakekiri dasibi ẽ kuxipawẽ hatuki txanikũkauni matu hakimama matu ea ashũkĩ Deus ẽ yukakubaĩmis Deusũ unaĩkiki.

Romanos 9:1

Jesus Cristo eã ẽ ikũwaĩwẽ taea haki dasishũ ikũkĩ txanima hãtxa ẽ matu yuiaii. Yushĩ Pepatũ ẽ xinã mestẽwãshũ ea yuimai ẽ hawa matu paraĩ txani txakamaki.

2 Coríntios 13:9

Haska inũ, Deusũ matũ xinã kuxipa waya hau niti ikama mã pepaki nukunũbũ nũ babubia benimakĩ Deus nũ matu yuka heneshunama ikũkainaii.

2 Coríntios 6:12

haska mã nukukiri xinãmis xinaĩrakãwẽ. Nũ matuwẽ nuikĩ nũ matu danãmabiakẽ matũri matũ nui uĩmakĩ mã nuku hawa waismaki.

2 Coríntios 7:15

Ha inũ, haska eki inũ ẽ keneki mesekĩ Tito beyawakĩ mã iakeakekĩ ẽ kene ẽ matu anu bumayama nĩkatã ẽ yunuti mã txibãmis xinaĩ matu uĩtãyamashũ Titõ ana matu abuhairakubainikiki.

Gálatas 1:20

Deusũ ẽ xinã txanima unãyã ẽ matu keneshũkĩ yuiairã, txanimaki.

Gálatas 3:26

dasibi mã Jesus Cristo ikũwaĩ mã ma Deusũ bakebukẽ hatũ besti matu mekekubainikiki.

Gálatas 4:19

Ẽ bake keskabuũ, haskakĩ mã ana ea bika tenemai? Cristo matu ikũwãmakĩ ẽ matu merabewaya mã ea ani keska wakĩ mã ana ea bika tenemaii, aĩbu bake kaĩ isĩ tenemis keska ea wakinã.

Filipenses 2:1

Cristõ hawẽ kuxipa matu inãkinã, hawẽ xinã txãkãkaĩti matu inãniki. Mã nui haya matũ betsabu ha xinãwẽ matu yunua mã hatu daewatiruki. Tsuara mã Cristoki dasiarã, habias Yushĩ mã haya ikũwaĩ betsabuwẽ hatuya nui mã kashakũkaĩtirubuki.

Filipenses 2:26

Haska isĩ teneaikiri mã nĩkaimabu hawẽ taea hakiri xinaĩ mã hawẽ punu nukaxina haska xinaĩ matuwẽri nui hari matu hakimamariki.

Filipenses 4:1

Ẽ betsabu inũ ẽ puibuũ, ẽ matu abutxakayamai inũ, ẽ matuwẽ nuiai inũ, ẽ matuwẽ benimaiwẽ inũ, matuwẽ taeshũ Deusũ ea manakua ẽ bishanaiwẽ taea xinaĩ ẽ matu ana uĩ kakatsis itxakayamaii. Ẽ matu haska xinãyã txĩtuãma nukũ Shanẽ Ibu txibãpakekãwẽ.

Colosenses 2:1

Mã ikũwaĩbu Colossos anuabu inũ habu Laodicéia anuabu inũ dasibi betsabube nũ uĩnanãriabumabia matuwẽ nui ẽ dayatxakayamamis mã unãnũbũ ishũ matu xinãkĩ ẽ matu yuiaii.

Colosenses 3:12

Haskakẽ Deusũ matu abukĩ hau hawenabu meribi tari mã inũbũ matu katunikenã, matũ xinã pepa kaĩmakinã, tari bena sawea keska wakubaĩkãwẽ, yura betsabuwẽ nuirã, pepairã, babutã keãmarã, duapairã, hĩ hĩ ikama manakairã.

1 Tesalonicenses 2:5

Haska wakĩ hãtxa hawẽrua bestiwẽ hau hawẽ mã nuku kẽwãnũbũ nũ matu parãma ikima mã unaiĩ. Ha inũ, matu parãtã pei binũ, iwanã, nũ matu yusĩama ikima Deusũ unãriaikiki.

1 Tesalonicenses 2:8

Haska wakĩ matu abukĩ Deusũ kakape yusĩ benimai matuwẽ nuihairai kashakatsis iki haska xinaĩ ẽ matu mawashũkeanimaki. Haskawẽ taea ana habias matukiri xinãkĩ matu merabewanũ, iwanã, hamapai betsa nũ matu ashũkatsis ikaii.

2 Timóteo 1:4

Ẽ mia pashkabirana mĩ ewẽ nui kashaya nenu huimashũ ẽ mia xinã heneamaki. Haskawẽ taea ana miki nukutã ẽ mia ana uĩ miwẽ ẽ benimakatsis ikaii.

Filemom 1:12

Onésimo ẽ abuhairai mia anu ẽ ana nitxiã kaikiki. Haki dakeama mĩ ea atiru xinãkĩ haska keska washãwẽ.

Filemom 1:20

Ẽ betsaã, eskaki, xinãwẽ. Mĩ ebetã Cristo ikũwaĩnã, nukũ Shanẽ Ibu benimawanũ ika ana haki sinatama ewẽ nuikĩ Onésimo ea haska washũshãwẽ, ea huĩti xinã txãkãwãkinã, haska nũ Cristõ betsawẽ taearã.

1 João 3:17

Hakia tsuara mabuhairayatũ ikũwaĩbu betsa nuitapai uĩbiai beru txãkãshũ hatu merabewama hawa inaĩsmarã, hawa Deusũ nui hayamaki.