Efésios 2:17 - Kaxinawá Bíblia (BR)

¹⁷ Cristõ hawẽ kaka pepa bei hukinã, unãnumati beniki, mã judeubuma mã txaihaira Deusuma hiweabukiri inũ nũ judeubũ Deuskiri txaima unãbiakĩ nũ ikũwaĩsma nuku yusĩ pewakĩ merabewairã.

Kashinawa : Diosun Jesúswen taexun yuba bena yiniki

¹⁷ Criston jawen kaka pepa bei jukinan, unanumati beniki, man judiobuma man chaijaida Diosuma jiweabukidi inun nun judiobun Dioskidi chaima unanbiakin nun ikunwainsma nuku yusin pewakin medabewaidan.

Efésios 2:17 Iomraidhean Croise

Isaías 52:7

Tsuara mati matipa anu hukĩ txakabumakirãkĩ kakape yuinũ ika hui benimakiranai uiaĩbũ Deus anua pepa unanuma hiweti txani inũ haska txakabu anua tashnitirubu txanitã Sião yuikĩ: “Mĩ Deusrã, shanẽ ibuhairaki!” ashanikiki.

Mateus 10:13

Hanushũ matu beyawaibunã, matũ hãtxa pepa hatu yusĩshãkãwẽ. Hanushũ matu beyawakĩ Deusũ hãtxa nĩkaibu hau Deusũ hatu unãnuma hiwemakĩ duawakubaĩshanũ yunushãkãwẽ. Hakia hanushũ matu beyawabumakenã, matũ hãtxa pepa hatu anu hamẽ benuyamashãkãwẽ.

Lucas 15:8

Jesusũ ana hatu yusĩkĩ —Aĩbu dez pei heshe karuhaira haya bestitxai pakea benanũ, iwanã, bĩ dekushũ hawẽ hiwe merã unãshubira matsukĩ betxiriama matsu heneismaki.

Lucas 2:14

“Mai anushũ tsuabũra habũ Deus txibãkĩ duawamisbu Deus kuxipahairatũ hau hatu unãnuma hiwemanũwẽ. Haskakẽ dasibibũ Deus kuxipa nai anua hau kẽwãrianũbũwẽ”, hatu watã

Hechos 10:36

Hamẽ dasibibũ Shanẽ Ibu Jesus Cristõnã, Israelbu anu dukũ hau habu yusĩnũ Deusũ yununiki. Hanushũ tsuabũra hawẽ hãtxawẽ unãnuma hiwetirubukiri Jesus hushũ hatu yusĩkubaĩyamaki.

Hechos 2:39

Nukuna bestimaki. Haska Deus yubakani ma akikiki. Matu dasibibu inũ matũ bakebu inũ txaihaira manibaunabu nukũ Shanẽ Ibu Deus haska matukiri yubakairã, dasibi matukiri iniki. Haskawẽ taeshũ hatira hawenabu wakĩ katukĩ kenakatsis ikikiki— iwanã,

Romanos 10:14

Haskakẽkaĩ hau Deusũ hatu mekekubainũ habũ Cristo ikũwãriabumanã, haskatã Cristo ea atirubumaki. Ha inũ, tsuabũra Cristokiri yusĩabu hawa nĩkariabumã hawẽ kakape ikũwãtirubumariki. Ha inũ, hatu yusĩriabumanushũ Cristokiri hawa tapĩtirubumariki.

Romanos 5:1

Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

2 Coríntios 5:20

Haskakẽ Cristõ kuxipa nũ hayawẽ taea nũ hawẽ hãtxa bushunikabuki. Nukuwẽ Deus hãtxai keskaya Cristo ea ashũkĩ nũ matu yukashũmiski. Eskaki. Matu yuinũ nĩkakãwẽ. Nukuwẽ taeshũ Deusũ hãtxa ikũwaĩ Cristo matu mawashuniwẽ Deus daewai habe haibunamekãwẽ.

Efésios 4:21

Haskawẽ taeshũ bebũkiri Deusũ Katuakiri hawẽ kakape ẽ matu yusĩma haskai ha hiwenikiri tapĩkĩ mã nĩkaimarã, txanima Jesus anua ha besti yui kayaki.

Deuteronômio 4:7

Hakia nawabũ hatũ kẽwãti yushibu itxapa hayabũ kẽwãkĩ yukabiabu hawa hatu nĩkatã kematirumaki. Hakia nukuburã, nukũ mekenika Senhor Deus nũ haya hawẽtsaĩs nũ yukai tibi nuku nĩkatã kemakubainikiki.