Rut 4:6 - Kashibo-Kakataibo Biblia

⁶ Ësokin kakëxun kuakin ka aín aintsin kakëxa: —Usa ꞌain kana a me marutima ꞌain, a me marukin ꞌën kuríkinën ñankáishi kupíotima kupí kana bitima ꞌain. ꞌËn bakë bëchikë kamanbi ka anun ꞌën kupíokë kuríki aín kupí bitëkëntima ꞌikën. Usa ꞌain kamina min marutisa tankin maruti ꞌain; ꞌën kana minmi ꞌën ꞌakësa ꞌinunmi marunun mi kain.

Rut 4:6 Iomraidhean Croise

Génesis 38:8

Usai Er ñuan ka Judánën aín bëchikë Onán kakëxa: —Min kamina ꞌunan añu kaina ꞌati ꞌain kixun, usa ꞌain kamina min xukë́nan kasunankë xanu min ꞌainitsi a biti ꞌain, a bixunmi ami bëchikë ax ka min xukë́n apan ñukë ꞌain rëbúnki ꞌiti ꞌikën.

Deuteronomio 25:7

ꞌAínbi aín bënën xukënan bisama tankëx ka a xanux aín ꞌapu kamami manani kuanti ꞌikën, kuanxun ka kati ꞌikën: ꞌËn bënën xukë́n ꞌën bënëitsi ka ain xukë́n ñukë aín anën bëchitankëxun ꞌati kuëënima; Israelnuxua aín anë manúkantima kupí kana usakin ꞌaisatani ꞌimainun ka ꞌë bisama tania, usai ꞌikin ka aín xukënan raënkë xanubëa uni ꞌiti bana kikësa okin ꞌaisama tania.

Deuteronomio 25:8

Usaia ami manánkëxun ka a ëmanu ꞌikë aín ꞌapukama abë bananua a uni unun kixun kamiti ꞌikën, kamikëx uaxia a xanu kana ꞌën xanu ꞌiti bitsima kikëbë,

Deuteronomio 25:9

a ꞌurama ukin ka aín aínitsin aín kushikaman ismainunbi aín taxaka amo ꞌikë táchikinshi bëtushu kakin kati ꞌikën: ¡Ka iskan ësokin ka uni aín xukë́n ñukin raënkë xanumi an bëchikësa ꞌitánun bëchitisama tankë uni a ꞌati ꞌikën!

Rut 2:20

Ñuixunkëxun ka aín ñe Noemínën kakëxa: —¡Nukën ꞌIbun ka a uni upíokin ꞌakinti ꞌikën! An ka nu nuibakin bërí upíokin ꞌakianxa, bërámibi ka nun aintsi bamakëkama abë nuibanankë uni ꞌiakëxa. A unix ka nun aintsi ꞌibu ꞌikën, usa ꞌaish ka ax achúshi uni an nu ꞌakinti asábi ꞌikën.

Rut 3:13

Usa ꞌain kamina ënë imë́ ënu bërúti ꞌain. Imë́ishi ka min aintsi ꞌibu ꞌixun mi bisatankin biti ꞌikën; ꞌaínbi kana an bitsiama, ꞌën mi binuxun Nukën ꞌIbun ismainunbi mi kain. Usa ꞌain kamina bërí ënubi pëkaratamainun ꞌuxti ꞌain.

Rut 3:9

—Ratúkin ka ¿ui kaina mix ꞌain? —kixun Booznën ñukákëxa. Ñukákëxun ka Rutnën kakëxa: —ꞌËx kana an mi ñu mëëxunti xanu a ꞌai kixun kakëxa. Mix kamina ꞌën aintsi ꞌibu ꞌain usa ꞌain kamina ꞌë ꞌakinti ꞌain. ꞌËn kana min xanu ꞌinun ꞌë biti kuëënin.