Rut 4:4 - Kashibo-Kakataibo Biblia

⁴ ꞌËn kana ësokin minribimi ꞌunánun mi kain, min marutisa tankin kamina ꞌati ꞌain, usa ꞌain kana bërí ënë ëmanu ꞌikë aín kushibu ënëkaman kuamainunbi mi kain. Mix kamina Elimélecnën aintsi ꞌibu ꞌain, usa ꞌixun kamina min a me marutisa tankin maruti ꞌain. Min ꞌaiama kana ꞌën maruti ꞌain, usa ꞌain kamina ꞌën ꞌunánkë ꞌinun ꞌë kati ꞌain, mi ꞌimainun ꞌëxëshi kana a me maruti asábi ꞌain. Kakëx ka aín aintsi ꞌibu ax kana maruti ꞌai kiax kiakëxa.

Rut 4:4 Iomraidhean Croise

Génesis 23:11

—¡Usama ka ꞌën ꞌIbu, kana mi maruiman! ꞌËn kana mi me ꞌinainshitin, ꞌimainun kana anu uni ñuia maínti ꞌakë kini këñunbi me a mi ꞌinaishitin. ꞌËn aintsikamanribi ka kamaxunbi ꞌën me ënë mi ꞌinainshinuxun kaia kuatia. Usa ꞌain kamina min xanu anu maínti ꞌain.

Génesis 23:18

usakian Abrahamnën bikëx ka a me ainan ꞌiakëxa. Usa ꞌain ka hitita unikama ꞌimainun raíri uni kamanribi anun inúkin iskë ꞌixun ënë mex ka nunama ꞌikë kixun ꞌunánkëxa.

Romanos 12:17

An paían mimi nishquin ꞌatimocëxunbi camina uisa uni cara, abi mixribi ami nishquin aribi cupitima ꞌain. Mitsun camina usa ñu ꞌati ca upí ꞌicë quixuan camabi unin ꞌunáncë a ñucamaishi ꞌati ꞌain.

2 Corintios 8:21

Nun cananuna ënë curíquicama mëcamaquinma upí oquin buánti ꞌai quixun Nucën ꞌIbu Diosan ismainuan unicamanribi ꞌunánti cananuna cuëënin.

Deuteronomio 25:8

Usaia ami manánkëxun ka a ëmanu ꞌikë aín ꞌapukama abë bananua a uni unun kixun kamiti ꞌikën, kamikëx uaxia a xanu kana ꞌën xanu ꞌiti bitsima kikëbë,

Filipenses 4:8

ꞌËn xucë́antu, ësaquinshi cana mitsu cain, unían ësa ñu ꞌaia isquin camina mitsun —ax ca asábi ꞌicë —quixun sinánti ꞌain, cëmëma banacama ꞌimainun —upí ca —quixun ñuicë ñucama, ꞌimainun uni itsi paránquinma upí ñu ꞌacë, ꞌimainun ñu ꞌatima ꞌati sinánquinma upíshi ꞌiti sináncë, ꞌimainun bëtsibë upiti nuibananti, acama ꞌimainun rabiquian unin —upí ca a uni ꞌicë —quixun mitsu ñuixuncë, acama. ꞌImainun camina uisa ñu ꞌati cara upí ꞌicë, uisa ñu ꞌati ñui cara —asábi ca —quiax uni quiti ꞌicë, acama sinánti ꞌain.

Rut 2:20

Ñuixunkëxun ka aín ñe Noemínën kakëxa: —¡Nukën ꞌIbun ka a uni upíokin ꞌakinti ꞌikën! An ka nu nuibakin bërí upíokin ꞌakianxa, bërámibi ka nun aintsi bamakëkama abë nuibanankë uni ꞌiakëxa. A unix ka nun aintsi ꞌibu ꞌikën, usa ꞌaish ka ax achúshi uni an nu ꞌakinti asábi ꞌikën.

Rut 3:12

ꞌAínbi ka asérabi ꞌëx min aintsi ꞌibu ꞌaínbi bëtsi min aintsi ꞌibuira mi ꞌurama ꞌikë anu ꞌikën.

Rut 3:9

—Ratúkin ka ¿ui kaina mix ꞌain? —kixun Booznën ñukákëxa. Ñukákëxun ka Rutnën kakëxa: —ꞌËx kana an mi ñu mëëxunti xanu a ꞌai kixun kakëxa. Mix kamina ꞌën aintsi ꞌibu ꞌain usa ꞌain kamina ꞌë ꞌakinti ꞌain. ꞌËn kana min xanu ꞌinun ꞌë biti kuëënin.