Rut 4:1 - Kashibo-Kakataibo Biblia

¹ Usai ꞌikë basikëbë ka Booz kakë uni ax anun ëmanu atsínti xëkuënu tsóti kuankëxa, ax ka anuaxa uni timë́ax banakë ꞌiakëxa. Anua tsótanbi ka a ñuia Booz kikë aín aintsi ax inúakëxa. Inutiabi ka Booznën kuënkin kakëxa: —Ënupan ka tsóbuti ut kixun. Kakëx aí ka aín aintsi ax tsóbuakëxa.

Rut 4:1 Iomraidhean Croise

Génesis 19:1

Bari kuabúkëbë ka Sodoma kakë ëmanu ángel rabë́ bëbakëxa. Anu bëbakiania kuania ka Lotnën anun ëmanu atsínti xëkuënu tanti tsóxun isakëxa, ax ka anua uni timë́kë ꞌiakëxa. Anu tsótanbia aia ka iskin nirukiani kuanxun ka biakëxa, bitsi aín bëmánanën memi bëtikikin,

Génesis 23:10

Usaia Abraham kia kuakin ka Efrón hitita uni ax atubë tsóxun kakëxa, Abraham ꞌimainun anu timë́kë unikaman kuaisabi ꞌitánun kakëxa, usakian kaia ka a ëmanu ꞌikë unikaman ribi kuakëxa:

Génesis 34:20

usa ꞌaish ka aín papa Hamorbë anun a ëmanu atsínti xëkuë, anuxuan uni ñu ꞌunánkë ꞌimainun uni chabunën ñu marukë anu kuanxun, Siquemnën a ëmanu ꞌikë unikama kakëxa:

2 Samuel 15:2

Usa ꞌaish ka kamabi nëtën pëkarakëma ꞌaínshi nirutankëx bai rapasu anun ëmanu atsintinu niakëxa, anuxun ka kamabi uni axa ꞌapun aín nishanankë, mëníoxunun ukë uni kuënxun uinu ꞌikë ëmanuax kara ꞌaia kixun ñukákëxa. Ñukákëxa a uni ꞌëx kana Israel kaman ñakánuax aín kia ka,

Job 31:21

Uinsaranbi kana papañuma titañuma tuákama ꞌapukamami kuaikësa ꞌinun mi kana usokin ꞌati ꞌai kixun káma ꞌain.

Salmos 69:12

Kamabi unikama ëmanu ꞌikë ꞌimainun, axa ñu xëax paë́nkë unikamaxribi ka ꞌë ñui ꞌatimati banaia.

Proverbios 31:23

ꞌImainun ka ꞌain bënë ain ëmanu ꞌikë unikaman kamaxunbi ꞌunánkë ꞌia, usa ꞌaish ka a menu ꞌikë unikaman usa kamina mix ꞌain kixun uínbi kakëma uni ꞌikën.

Isaías 55:1

“Kamabi axa shimakë akamax ka ꞌumpax xëai uti ꞌikën; ꞌimainun ka uikamax kara kuríkiñuma akamanribi, atun piti trigo kupíokinmashi biti ꞌikën; bianan ka uvas baka vino ꞌakë a ꞌimainun vaca xuma aribi añubi kupíokinma biti ꞌikën.

Amós 5:15

¡ꞌAtima ñu a timakin kamina! ¡Upí ñuishi ꞌati ꞌain! anuxun bana mëníoti anuxun kamabi upíokin ꞌakinkëbë; sapi ka Dios, kamabi kushiñu ax mitsubë ꞌiti ꞌikën, usai ꞌikin ka axa raíri këñumainun tsókëpan Israel unikama a nuibati ꞌikën.

Deuteronomio 25:7

ꞌAínbi aín bënën xukënan bisama tankëx ka a xanux aín ꞌapu kamami manani kuanti ꞌikën, kuanxun ka kati ꞌikën: ꞌËn bënën xukë́n ꞌën bënëitsi ka ain xukë́n ñukë aín anën bëchitankëxun ꞌati kuëënima; Israelnuxua aín anë manúkantima kupí kana usakin ꞌaisatani ꞌimainun ka ꞌë bisama tania, usai ꞌikin ka aín xukënan raënkë xanubëa uni ꞌiti bana kikësa okin ꞌaisama tania.

Rut 3:12

ꞌAínbi ka asérabi ꞌëx min aintsi ꞌibu ꞌaínbi bëtsi min aintsi ꞌibuira mi ꞌurama ꞌikë anu ꞌikën.

Rut 3:18

Ësakian ñuixunkëxun ka aín ñe Noemínën kakëxa: —ꞌËn ñexuta bërí kamina uisakin kara a unin mi ꞌaia isti ꞌain. Ënë ñu ka usa ꞌiti ꞌikë kixun mibëtan mëníokëma ꞌixun a unin bërí upíokin sinántima ꞌikën.