Rut 3:13 - Kashibo-Kakataibo Biblia

¹³ Usa ꞌain kamina ënë imë́ ënu bërúti ꞌain. Imë́ishi ka min aintsi ꞌibu ꞌixun mi bisatankin biti ꞌikën; ꞌaínbi kana an bitsiama, ꞌën mi binuxun Nukën ꞌIbun ismainunbi mi kain. Usa ꞌain kamina bërí ënubi pëkaratamainun ꞌuxti ꞌain.

Rut 3:13 Iomraidhean Croise

2 Corintios 1:23

Nucën Papa Diosan ca ꞌën nuitu mëu ꞌën ësaquin sináncë ꞌunania, mitsu nuibaquin mitsúxmi upí ꞌicë isti cuëëni cana mitsu isi cuanti sinanibi cuancëma pain ꞌain. Nucën Papa Diosan ca ꞌunania, usa ca quixun.

Hebreos 6:16

Ënëx ca ësa ꞌicën. Unix ca uni itsían aín bana isa asérabi ꞌicë quixun ꞌunánun quiax, aín ꞌapu axa asamaira ꞌain, a ñui ësai quia: Nun ꞌapúnbi ca ꞌunania, ꞌën mi cacë bana ënëx ca asérabi ꞌicën. Usai quicëbëtan ca an aín bana ca asérabi ꞌicë quixun ꞌunánquin abë cuëbicanántima ꞌicën.

Jueces 8:19

Usakian kakëx munuma kuënkëni ka Gedeón kiakëxa: —¡ꞌËn xukë́nanbi ka! ¡ꞌËn xukë́n ꞌibukama ꞌaxa! Asérabi ka Nukën ꞌIbu tsotia usa ꞌain ka atúxribi tsotia usa ꞌain kana ꞌën ribi mitsu bërí rëtëtsianma.

Rut 2:20

Ñuixunkëxun ka aín ñe Noemínën kakëxa: —¡Nukën ꞌIbun ka a uni upíokin ꞌakinti ꞌikën! An ka nu nuibakin bërí upíokin ꞌakianxa, bërámibi ka nun aintsi bamakëkama abë nuibanankë uni ꞌiakëxa. A unix ka nun aintsi ꞌibu ꞌikën, usa ꞌaish ka ax achúshi uni an nu ꞌakinti asábi ꞌikën.

Rut 3:12

ꞌAínbi ka asérabi ꞌëx min aintsi ꞌibu ꞌaínbi bëtsi min aintsi ꞌibuira mi ꞌurama ꞌikë anu ꞌikën.

Rut 4:5

Usai kia ka Booznën ësokin kakëxa: —ꞌAínbi kamina ꞌunánti ꞌain Noemí aín me marukin kamina moabita xanu kasunamëkë Rut aribi min xanu ꞌinun biti ꞌain, usakinmi ꞌakëbë ka axa ñukë uni aín me ax aín anën ꞌakë ꞌiti ꞌikën.

Rut 4:6

Ësokin kakëxun kuakin ka aín aintsin kakëxa: —Usa ꞌain kana a me marutima ꞌain, a me marukin ꞌën kuríkinën ñankáishi kupíotima kupí kana bitima ꞌain. ꞌËn bakë bëchikë kamanbi ka anun ꞌën kupíokë kuríki aín kupí bitëkëntima ꞌikën. Usa ꞌain kamina min marutisa tankin maruti ꞌain; ꞌën kana minmi ꞌën ꞌakësa ꞌinunmi marunun mi kain.