Rut 3:12 - Kashibo-Kakataibo Biblia

¹² ꞌAínbi ka asérabi ꞌëx min aintsi ꞌibu ꞌaínbi bëtsi min aintsi ꞌibuira mi ꞌurama ꞌikë anu ꞌikën.

Rut 3:12 Iomraidhean Croise

Mateo 7:12

Bëtsi uníxa mibë upí ꞌianan mi ꞌaquintimi mix cuëëncë, usaribi oquin camina min bëtsi unibë upí ꞌianan a ꞌaquinti ꞌain. Usaquin ꞌanun ca Moisésnën cuënëo bana quia. ꞌImainun ca an Nucën Papa Dios quicë bana uni ñuixuncë unicaman cuënëo banaribi usai quia.

1 Tesalonicenses 4:6

ꞌianan aín xanubë ꞌi bëtsi unimi ꞌuchatima. Usaía ax ꞌicë uni a ca aín ꞌucha cupí, Nucën ꞌIbu Jesucristonën uisa cara oti ꞌicë usoquin ꞌati ꞌicën, nun mitsu ñuixuncësabi oquin.

Rut 2:20

Ñuixunkëxun ka aín ñe Noemínën kakëxa: —¡Nukën ꞌIbun ka a uni upíokin ꞌakinti ꞌikën! An ka nu nuibakin bërí upíokin ꞌakianxa, bërámibi ka nun aintsi bamakëkama abë nuibanankë uni ꞌiakëxa. A unix ka nun aintsi ꞌibu ꞌikën, usa ꞌaish ka ax achúshi uni an nu ꞌakinti asábi ꞌikën.

Rut 3:11

ꞌËn kana mi kain, usa aín kamina rakuë́tima ꞌain, kamabi ꞌën ëmanu tsókë unikaman ka ꞌunánxa, mix kamina achúshi xanu upí sinánñu ꞌai kixun. Usa ꞌain kana añu ꞌanun kaina ꞌë kain a mi ꞌaxúnti ꞌain.

Rut 3:13

Usa ꞌain kamina ënë imë́ ënu bërúti ꞌain. Imë́ishi ka min aintsi ꞌibu ꞌixun mi bisatankin biti ꞌikën; ꞌaínbi kana an bitsiama, ꞌën mi binuxun Nukën ꞌIbun ismainunbi mi kain. Usa ꞌain kamina bërí ënubi pëkaratamainun ꞌuxti ꞌain.

Rut 4:1

Usai ꞌikë basikëbë ka Booz kakë uni ax anun ëmanu atsínti xëkuënu tsóti kuankëxa, ax ka anuaxa uni timë́ax banakë ꞌiakëxa. Anua tsótanbi ka a ñuia Booz kikë aín aintsi ax inúakëxa. Inutiabi ka Booznën kuënkin kakëxa: —Ënupan ka tsóbuti ut kixun. Kakëx aí ka aín aintsi ax tsóbuakëxa.

Rut 4:4

ꞌËn kana ësokin minribimi ꞌunánun mi kain, min marutisa tankin kamina ꞌati ꞌain, usa ꞌain kana bërí ënë ëmanu ꞌikë aín kushibu ënëkaman kuamainunbi mi kain. Mix kamina Elimélecnën aintsi ꞌibu ꞌain, usa ꞌixun kamina min a me marutisa tankin maruti ꞌain. Min ꞌaiama kana ꞌën maruti ꞌain, usa ꞌain kamina ꞌën ꞌunánkë ꞌinun ꞌë kati ꞌain, mi ꞌimainun ꞌëxëshi kana a me maruti asábi ꞌain. Kakëx ka aín aintsi ꞌibu ax kana maruti ꞌai kiax kiakëxa.