Rut 3:1 - Kashibo-Kakataibo Biblia

¹ Achúshi nëtën ka abë banakin ësokin Noemínën aín ñexuta Rut kakëxa: —Mix kamina ꞌën ñexuta ꞌain, usa ꞌain kana ꞌën achúshi uni min bënë ꞌiti bitankëxmi abë upiti tsónun barixunti ꞌain.

Rut 3:1 Iomraidhean Croise

Génesis 40:14

Usa ꞌain kamina mia usokëxun min ꞌëmiribi sinánti ꞌain, sinánkin kamina ꞌapu faraón ꞌëribia ënua chikínun kati ꞌain. ¡Usa ꞌain kamina ꞌëribi nuibakin ꞌakinti ꞌain!

1 Corintios 7:36

Usa ꞌaínbi ca unin aín bëchicë xanu, aín bënuti sënë́ncëbëtan, ꞌiisa tania bënumiti ꞌicën. Ax ca ꞌuchama ꞌicën. Usaía ꞌiti ca asábi ꞌicën.

Deuteronomio 4:40

Mitsun kamina a tanti bana ꞌimainun ax kikësabi oi ꞌiti ꞌën bërí mitsu ñuixunkë bana ënë tanti ꞌain, tani kamina min rëbúnki kamabëbi ꞌitsa baritia Diosan mitsu ꞌinánti me anu xënibua ꞌaínbi tsóti ꞌain, kixun ka Moisésnën atu kakëxa.

1 Timoteo 5:14

Usaía ꞌitima cupí cana cuëënin, xutani ꞌaísha ax casunamëcë xanux ca bënuti ꞌicën. Bënutancëxun tuatancëxun ca aín tuá ꞌimainun aín xubunu ꞌicë ñucama upí oquin bërúanan, aín bënëribi ꞌaquinti ꞌicën. Usaquian ꞌacëbë ca axa Jesucristomi sináncëma unicama a xanu ñui ꞌatimati banatima ꞌicën.

1 Timoteo 5:8

Uni ꞌimainun xanu Jesucristomi catamëcë ꞌixunbia, an aín xubunu ꞌicëcama ꞌimainun aín aintsi ꞌibucamaribi ami sinánquin ꞌaquincëma, ax ca Jesucristomi catamëcëmasa ꞌicën. Usa ꞌaish ca axa Jesucristomi catamëcëma uníxa ꞌicësamaira oi ꞌatimaira ꞌicën.

Rut 1:9

ꞌanan ka bënutëkëntankëxmi min bënëbë upiti tsónun mi ꞌakinti ꞌikën: —Ësokin katankëxun ka aín ñexuta Noemínën kuantanun kixun bëtsuku kakëxa, ꞌaínbi ka a rabëtan inkin,

Rut 2:23

Usokian aín ñen kakëx ka Rut amiribishi Booz kakë uni ain naënu kuanxun ñu bimi anu tëkë xanu kamabëtan bikin cebada ꞌimainun trigo ꞌapákë aín bimi këñukin binun ꞌakiankëxa. Usai tëibi ka aín ñebë ënananima abëbi ꞌiakëxa.

Rut 3:2

Ka kuat, nun aintsi Booz an ñu ꞌaxunkë xanukamabëmi aín naënu tëkë, ax ka bërí xupibukëbë, anuxuan aín trigo bimi aín xo tákanan mëníoti anu kuania.