Rut 2:9 - Kashibo-Kakataibo Biblia

⁹ usa ꞌain kamina ꞌën ñu mëmikë uni kamabëtan uimiuküa kara ñu ꞌapákë aín bimi atun bitsia amia bikëbëtan minribi auküa biti ꞌain. ꞌËn kana an ꞌë ñu mëëxunkë unikaman mi ꞌatima okinma upiokinshi ꞌakinun kixun kan. Shimakin ꞌumpax xëatisa tankin kamina uinu kara ñutëmi bixun ꞌumpax nania anua bitankëxun xëati ꞌain.

Rut 2:9 Iomraidhean Croise

Génesis 20:6

Usakian kakëxun ka Nukën ꞌIbun Diosan namámikin kakëxa: ꞌËn kana upíokin ꞌunan min kamina ñu ꞌatima ꞌakëma ꞌixun uisabi okëma ꞌain. Usa ꞌain kana a ꞌaimi ꞌëmi ꞌuchanun mi ꞌamikëma ꞌain.

Job 19:21

Usa ꞌain kamina ꞌën ꞌunánkë unikama mitsun ꞌë nuibati ꞌain. Diosanbia usai ꞌinun ꞌë ꞌimikëx kana ësaira ꞌi tëmërain.

Salmos 105:15

ꞌËn kaískë unikama ꞌatima oxuma ꞌanan kamina an bana ñuikë ꞌën unikamaribi uisabi otima ꞌai kixun ka ꞌapukama kakëxa.

Mateo 10:42

Ax ꞌën uni ꞌaísha ꞌëmi upiti catamëcë ꞌicëmabi axa shimaia isquin —ax ca Jesucristonën uni ꞌicë —quixun sinánquin ꞌumpax ꞌináncë uni a ca Nucën Papa Diosan upí isia.

1 Corintios 7:1

Mitsúnmi ꞌë quirica bëmiquin ñucácë banacama a ñuiquin cana ësaquin mitsu cain, unin xanu bitima ca asábi ꞌicën.

1 Juan 5:18

Cananuna ꞌunanin, asérabi Nucën Papa Diosan bëchicë ꞌaish ca uni amiribi amiribi ꞌuchaima. Usa ꞌicëa Nucën Papa Diosan Bëchicë Jesucristonën bërúanquin ꞌaquinia ca ñunshin ꞌatimanën uisabi oima.

Rut 2:10

Usakin kakëxun ka Rutnën aín bëmánanën me tikai tëtúbuti ꞌikin Booz ñukákëxa: —¿Uisaxun kaina min ꞌë ꞌunán ꞌixunmabi ax ka upí sinánñu xanu ꞌikë kixun, ꞌëx bëtsi menu ꞌikë xanu ꞌikëbi ꞌë ꞌunánin?

Rut 2:8

Usakian kakëxun ka Booznën Rut kakëxa: —Kamina ësokin mi kamainun kuati ꞌain, usa ꞌain kamina bëtsi unin naënua ñu ꞌapákë aín bimi bitsi kuantima ꞌain. Ënubi kamina an ꞌë ñu mëëxunkë xanu kama abë bërúti ꞌain,