Rut 2:4 - Kashibo-Kakataibo Biblia

⁴ Usai anu tëmainun ka naë ꞌibu Booz ax Belénnuax aín unikaman kara an ñu ꞌapákë bitsia kixun isi uakëxa ukin ka an ñu bimi bikë unikama uisa kaina ꞌain, kixun atu kakëxa: —¡Nukën ꞌIbun ka mitsu ꞌakinkin bërúanti ꞌikë kixun kakëxa! Kakëxun ka atúnribi kakëxa: —Miribi ka Nukën ꞌIbun upíokin sinánxukin ꞌakinti ꞌikë kixun kakankëxa.

Rut 2:4 Iomraidhean Croise

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Salmos 118:26

¡Axa Nukën ꞌIbun anën ukë ax ka chuámarua ꞌiti ꞌikën! Usa ꞌain kananuna nun anuxun Dios rabiti xubu anuxunribi mitsu upíokin sinánxunti ꞌain.

Jeremías 31:23

Nukën ꞌIbu kamabi kushiñuira, Israel unikaman Dios ax ka ësai kiaxa: “Uínsaran kara ꞌaisama ñu inuti tsóa ꞌaishi Judánu ꞌikë unikama aín menu kuania anun kana ꞌën amiribishi buántëkënti ꞌain, anun ka upiti tsóti ꞌikën: nun kananuna Nukën ꞌIbu Diosan kakëxun ꞌain bana tankin anunu tsókë anuxun ꞌaisatani, an nu upiokin sinánxunun, usokëxun kananuna nukamanribi kamabi ñu upiokin ꞌati ꞌain.

Números 6:24

Nukën ꞌIbun ka upíokin sinánxunkin mi bëruánti ꞌikën;

Lucas 1:28

Usa ꞌain ca xucëx cuanx anua ꞌicënu atsínquin María cacëxa: —Chuámashi ca ꞌit. Mi ca Nucën ꞌIbu Diosan upí oquin sinánxunia, xanu raíri ꞌacësamaira oquin. Ax ca mibë ꞌicën.

2 Tesalonicenses 3:16

Nucën ꞌIbu Jesucristo, an aín unicama bënëtima chuámarua ꞌinun ꞌimicë, anbia mitsúxribimi uisa ñu cara ꞌicëbëbi camabi nëtë chuámarua ꞌinun mitsu ꞌimiti cana cuëënin, axbi mitsubë ꞌiquin mitsu bërúanti cana cuëënin.

1 Timoteo 6:2

A rabëtaxbi Jesucristomi catamëcë ꞌixun ca an uni ñu mëëxuncë unin —an ë ñu mëëmicë uni cana upí oquin ñu mëëxunima —quixun sinántima ꞌicën. Usai ꞌiquinma ca an ñu mëëmicë uni axa Jesucristomi catamëcë ꞌaish aín nuibacë xucë́nsa cupí, bëtsi uni ꞌacësamaira oquin ñu mëëxunti ꞌicën. Usai ꞌinun camina camabi uni ñuixunquin ꞌunánmiti ꞌain.

2 Timoteo 4:22

Mibë ꞌixuan Nucën ꞌIbu Jesucristonën mi cushiomainuan Nucën Papa Diosan mibë ꞌicëcamacëñun mi nuibaquin ꞌaquincëx camina bërúanx ꞌiti ꞌain. Ashi, Pablo.

Josué 24:15

Usa ꞌain kamina mitsun Nukën ꞌIbu rabitisama tani, bëríbi uisa dios kaina mitsun rabitisatani kiax kiti ꞌain: Kaina mitsun chaitiokëkaman Éufrates kakë baka kuëbí pain tsókë ꞌixun rabia dios, a rabiti ꞌain ꞌakima karamina anumi bërí tsókë amorreo unibunën me anu ꞌikë dios akama rabiti ꞌai kiax kamina kiti ꞌain. ꞌAínbi kana ꞌën, xanu ꞌën bakë bëchikëkamabëbi Nukën ꞌIbu kuëënkësa oíshi ꞌiti ꞌain.

Jueces 6:12

ꞌAkëbë ami mërakin ka Nukën ꞌIbun ángelnën kakëxa: ¡Nukën ꞌIbu ka mibë ꞌikën, usa ꞌain kamina uni rakuëma ꞌianan kushi sinánñu ꞌiti ꞌain!

Jueces 6:16

Kiabi ka Nukën ꞌIbun ángelnën katëkëankëxa: —Kamina ꞌati ꞌain ꞌën kana minmi ꞌaia mi ꞌakinti ꞌain. Min kamina madianita unikama ꞌakin achúshi unira ꞌakësokinshi ꞌati ꞌain.

Rut 2:3

Usakian kakëx ka anua cebada ꞌapákë aín bimi bikë unikama ꞌikë anu kuankëxa. Kuanxun ka unikaman bikin ënkë cebada bimi atu kaxú kuankin anribi biakëxa, a naëx ka Booznan ꞌikë kixun ꞌunánxumabi ka usakin biakëxa, ax ka Elimélec kakë uni aín aintsi ꞌibu ꞌiakëxa.

Rut 2:5

Usakin katankëxun ka Booznën an ñu mëia bërúantia anëkë uni ñukákëxa: —¿Uinu ꞌikë unin bëchikë kara xanu ux ꞌik?

Rut 4:11

Ësai kia ka anu ꞌikë ꞌapukama ꞌimainun anua timë́kë unikama atúnribi kakëxa: —Usa ka nunbi kananuna ꞌunanin. ¡Usa ꞌain ka min xanu ꞌiti Rut a Nukën ꞌIbun Raquel ꞌimainun Lía ꞌasaribiokin ꞌakinti ꞌikën, ꞌakinkëxun ka ꞌitsaira tuapakëxa usa ꞌain kananuna israel unibu ain rëbúnki nux ꞌain! ꞌImainun kananuna mixmi bëtsi uni kamasamaira ꞌianan upí sinánñu ꞌain Efrata kakë ꞌikëbi Belén kakë ëma ënu ꞌiti kuëënin.

1 Samuel 17:37

Nukën ꞌIbu an ꞌë paru ꞌinúan ꞌimainun xaë́onnën bisa tana nitsiabi ꞌë ꞌakinkë, an ka filisteo uni ënë ꞌaia ꞌë ꞌakinti ꞌikën. Ësai kia kuakin ka Saúlnën kakëxa: —Asabi ka usa ꞌain kamina Nukën ꞌIbun mi ꞌakimainun ꞌai kuanti ꞌain.