Rut 2:23 - Kashibo-Kakataibo Biblia

²³ Usokian aín ñen kakëx ka Rut amiribishi Booz kakë uni ain naënu kuanxun ñu bimi anu tëkë xanu kamabëtan bikin cebada ꞌimainun trigo ꞌapákë aín bimi këñukin binun ꞌakiankëxa. Usai tëibi ka aín ñebë ënananima abëbi ꞌiakëxa.

Rut 2:23 Iomraidhean Croise

Éxodo 9:31

Usai anu pakëkin ka matsi chaiira an xapu upíira lino a uabutiabi ꞌanan cebada egipcio unibunëan ꞌapákë a bimiñu ꞌikëbi masókin ꞌatima okëxa, cebada ꞌapákë ax bërí bimibu kuaimainun ka lino ꞌapákë ax bërí uábu kuaini ꞌiakëxa.

Proverbios 13:1

Uinu ꞌikë unin bakë bëchikënën kara ñu ꞌunánkë isa tania an ka aín papan ꞌësëkëxun aín bana kuatia; usa ꞌaínbi ka uin kara ꞌësëkëxunbi bana kuaisama tania ax uisakinbi kaisama ꞌinun nishia.

Proverbios 13:20

Uin kara ñu ꞌunánkë uni kamabë nitsia an ka atun ꞌakësaribi okin ñu upí ꞌunania; ꞌaínbi ka uix kara ñu ꞌunántisama tankë unikamabë nitsia an ñu ꞌunanima.

Marcos 14:66

Usaquian Jesús ꞌamainun ca Pedro xubu tanáin me mëníocënu ꞌiacëxa. Anua ꞌain ca an sacerdotenën cushicaman ꞌapu ñu mëëxuncë xanu uacëxa.

1 Corintios 15:33

ꞌAtimati banacë unínma mi parania ca bërúancat. Ësaía uni quicë bana ax ca asérabi ꞌicën: “Upí ꞌixunbi ꞌatimatia bëtsi banaia cuaquin ca unin ꞌatimaquin sinánquin ñu ꞌatima ꞌati ꞌicën”.

Rut 1:22

Ësai ka Noemí Moab kakë aín me anubi ꞌain ñexuta Rut kakë moabita abë kuantëkëni ꞌiakëxa. Belén ëmanuxuan atun cebada ꞌapákë bikin pëukankëbë ka Noemí bëbakëxa.

Rut 2:22

Usakian kakëxun ka Noemínën aín ñexuta kakëxa: —ꞌËn nuibakë ñexuta asábi ka ꞌën sinánkëx sapikamina an ñu ꞌaxunkë xanu kamabë anu tëi bërúti ꞌain, usa ꞌain kamina bëtsi uninu ñu ꞌapákë aín bimi bitsi kuantima ꞌain, bëtsi unínma mi ubioia usa ꞌain.

Rut 3:1

Achúshi nëtën ka abë banakin ësokin Noemínën aín ñexuta Rut kakëxa: —Mix kamina ꞌën ñexuta ꞌain, usa ꞌain kana ꞌën achúshi uni min bënë ꞌiti bitankëxmi abë upiti tsónun barixunti ꞌain.