Rut 1:16 - Kashibo-Kakataibo Biblia

¹⁶ Kakëxunbi ka Rutnën kakëxa: —ꞌË kamina mi ëbiani mibë ënanankiani kuantanun kixun katima ꞌain. ¡Uinu karamina kuanin anubi kana ꞌëxribi mibë tsóti kuanti ꞌain! ꞌImainun ka min ëma ax ꞌën ëmaribi ꞌiti ꞌikën, min Dios axribi ka ꞌën Dios ꞌiti ꞌikën, min ëmanu tsókë unikama ax ka ꞌën aintsiribi ꞌiti ꞌikën, ꞌimainun kana min rabikë Dios aribi ꞌën Dios ꞌikë rabiti ꞌain.

Rut 1:16 Iomraidhean Croise

2 Samuel 15:21

Kakëxun ka Itainën ꞌapu kakëxa: —Asérabi kana Diosan kuamainun kianan ashikin sinánti okin mi kain, uinu karamina mix kuanin uinu kaina mix bamain anubi ka an mi ñu mëëxunti uni ënëx bamati ꞌiti ꞌikën.

Daniel 2:47

Usokin ꞌamitankëxun ka Daniel kakëxa: —Asérabi ka mitsun Dios ax chaiira ꞌaish bëtsi dios kamasamaira ꞌikën; ax ka ꞌapukaman ꞌIbuira ꞌimainun, an ꞌunántisama ñukama abi ꞌunania, usa ꞌain kamina ꞌunántisama ënë ñu uisai ꞌiti kara ax ꞌikë kixun min ꞌunanin.

Daniel 3:29

Usa ꞌain kana bërí ꞌëx ësai kin, uinu ꞌikë unikamax kara ënë bëná unikaman rabikë Dios ñui ꞌatimati banaia ax ka tëapakëx ain tëmërakë anunbi bamakë ꞌiti ꞌikën, ꞌianan aín xuburibi ꞌatima okin rurupakë ꞌianan, uisa ëmanu ꞌikë kara ꞌimainun uisa banan banakë kara ꞌikëbi usakin ꞌati ꞌikën, an usakin uni ië́miti bëtsi Dios usaribi ka ꞌaíma ikë kiax ꞌapu kiakëxa.”

Daniel 4:37

Usa ꞌain kana ꞌëx Nabucodonosor ꞌixun bërí Dios naínua ꞌapu ꞌikë a rabin, an ꞌakë ñukama ax ka asérabi ꞌianan upíira ꞌikën, an ka ax isa usaira ꞌikë kixun sinani rabiakakë unikama aín kuëënkësa okin ꞌati ꞌikën.

Oseas 13:4

Ësai ka Dios kia: ꞌËx kana mitsun ꞌIbu ꞌianan Dios ꞌain, usa ꞌaish kana anunmi Egipto menu ꞌikankë anubi anu ꞌiakën: Usa ꞌain kamina bëtsi dios ax ꞌiisa min Dios ꞌikë kakin unántima ꞌain, ꞌëx ishi kana an mi ië́miti a ꞌain.

Mateo 8:19

Usaquian cacëbë anu cuanquin ca an Moisésnën cuënëo bana ꞌunáncë uni achúshinën Jesús cacëxa: —Uinu caramina mix cuani anuribi cana ꞌëx mibë cuanti ꞌain.

Juan 13:37

Cacëxun ca Pedronën cacëxa: —¿Uisa cupí carana bëríbi mibë cuantima ꞌain? Unían ꞌë ꞌanúnbi cana mibë cuanti ꞌain.

Hechos 21:13

Cacëxbi ca Pablo quiacëxa: —¿Añu cupí caramina usai banai bëunan mëscúquin ꞌë masá nuitumin? Jerusalénuxuan Nucën ꞌIbu Jesúsnan cupí ꞌë nëacancëxbi cana bënë́tima ꞌain. Usoquin nëanan ꞌë ꞌacancëxbi cana asábi ꞌiti ꞌain.

1 Tesalonicenses 1:9

Usa ꞌixun ca nun cacëxunmabi mitsúnmi nu upí oquin bicë a ñuia. Ñuianan ca mitsux ismina unínbia ꞌacë ñuishi rabia ꞌixunbi a ënquin, axëshia Dios ꞌaish bamatimoi tsócë Nucën Papa Dios, ashi rabianan ax quicësabi oi ꞌi quixun ñuia.

Josué 24:18

An ka anun nux uti menu ꞌikë ëmakamanu tsóa unikama chikínun ꞌimiakëxa, usaribi okin ka amorreo axa ënë menu tsóa akamaribi ꞌakëxa. Usokin akama ñu ꞌa ꞌikë kananuna nunribi a rabiti ꞌain ax ka nun Dios ꞌikën.

Apocalipsis 14:4

A unicamax ca xanubë ꞌuchacëma ꞌianan ñu ꞌatima ꞌati cuëënima Carnero ꞌicësaribitia unin ꞌucha cupí bama ainanshi ꞌaish, ax quicësabi oi ꞌia. Acamax ca Nucën Papa Diosan ainan ꞌinun ië́micë ꞌianan Carnero ꞌicësaribitia unin ꞌucha cupí bama, ainanribi ꞌinun aín ꞌuchacama tërë́ncë a ꞌicën.

Rut 1:15

Bërútia ka Noemínën kakëxa: —Ka kuat, min tsabë ka ain me anua aín dioskama ꞌikë anubi kuantëkënia. Usa ꞌain kamina mixribi abë kuanti ꞌain.

Rut 1:17

ꞌAnan ka uinu kara mi ñuia mainia anuribi ñuia ꞌë maínti ꞌikën. ¡Usa ꞌain ka Nukën ꞌIbun mibë ënanankiani kuania ñukëma pain ꞌikë ꞌaisamaira okin ꞌë tëmëramiti ꞌikën!

Rut 2:6

Kixuan ñukákëxun ka an tëia uni bërúanti anëkë unin kakëxa: —Ax ka moabita xanu axa Noemíbë Moab kakë ëmanuax ukë a ꞌikën.

Rut 4:15

An ka mi upíokin sinánmianan kaniakëtiabi mi ꞌakinti ꞌikën, min ñexuta Rut aín tuá ꞌikën, usa ꞌain ka aín ñe ꞌikë, an mi nuibakë ax ka mapai achúshi ꞌimainun rabë́ tuákën ꞌakësamaira okin mi nuibatia.