Números 9:22 - Kashibo-Kakataibo Biblia

²² Kuin axa xubusa okin chupa ꞌakë anu nirakëti ꞌitsama nëtë ꞌianan, achúshi ꞌuxë ꞌikatsi ꞌianan achúshi baritia ꞌikatsi nirakëtankëx kuankëbë ka Israel unikama atux pain rëkuë́nkianima anu pain ꞌi bërúakëxa. ꞌAínbi ka kuin axa kuankëbë kuni atúxribi a nuibiani kuankëxa.

Números 9:22 Iomraidhean Croise

Salmos 107:7

Usokin pain ꞌatankëxun ka bai puntë ëma achúshi anu tsóti kuanti a mëramiakëxa.

Salmos 32:8

Nukën ꞌIbu ka ësai kia: ꞌën kana mi usakinmi ñu ꞌati ꞌunánmiti ꞌain, ꞌianan kana ꞌën ꞌunánmikin bana ñuixunti ꞌain, kianan kamina uisa upí ñu karana ꞌati ꞌai ꞌë ismikatsi kian.

Salmos 73:24

ꞌanan kamina min bana kikësabiokin ꞌanun ꞌë ꞌunánmiakën, usa ꞌain kamina anun ñuti nëtë ꞌikëbëtan minan ꞌikë, upiokin kamina ꞌë ñu ꞌaxuan kakin biti ꞌain.

Éxodo 40:16

Uisakin kara Nukën ꞌIbun kaia usakinbi ka kamabi ñu Moisésnën ꞌakëxa.

Números 9:17

Uisaran kara xubusa okin chupa ꞌakë aín kaxunuax kuin niruia anun ka Israel unikamax mëníokakiani anua ꞌikë anuax kuani uinu kara kuinsa ax nirakëtia anubi Israel unikamax anu ꞌi nirakëakëxa.

Números 9:21

ꞌImainun ka ꞌikatsi imë́ nirakëónxa, pëkarakëbë kuin ax kuankëbë nirukiani Israel unikamax kuankëxa. Usaia imë́ ꞌikësairibi nëtën ꞌikëbë ka a isbiani atúxribi kuankëxa.

Hechos 1:4

Naínu cuainsama pain ꞌixun ca Jesusan aín ꞌunánmicë unicama, an uni bana ñuixunun xutia caíscë, a cacëxa: —Jerusalénuax cuanxunma pan ca anuxunbi ꞌën Papa Diosan cacësabi oquin ꞌën mitsu ñuixuncë a pain caín.