Números 9:17 - Kashibo-Kakataibo Biblia

¹⁷ Uisaran kara xubusa okin chupa ꞌakë aín kaxunuax kuin niruia anun ka Israel unikamax mëníokakiani anua ꞌikë anuax kuani uinu kara kuinsa ax nirakëtia anubi Israel unikamax anu ꞌi nirakëakëxa.

Números 9:17 Iomraidhean Croise

Salmos 32:8

Nukën ꞌIbu ka ësai kia: ꞌën kana mi usakinmi ñu ꞌati ꞌunánmiti ꞌain, ꞌianan kana ꞌën ꞌunánmikin bana ñuixunti ꞌain, kianan kamina uisa upí ñu karana ꞌati ꞌai ꞌë ismikatsi kian.

Salmos 73:24

ꞌanan kamina min bana kikësabiokin ꞌanun ꞌë ꞌunánmiakën, usa ꞌain kamina anun ñuti nëtë ꞌikëbëtan minan ꞌikë, upiokin kamina ꞌë ñu ꞌaxuan kakin biti ꞌain.

Éxodo 17:1

Anu uni ꞌikëma me Sin kakë anu pain bëbax ꞌibaëxanx, ka kamabi Israel unikamax achúshi nëtën uiti ꞌura kuanun kara Nukën ꞌIbun kaia ꞌati ꞌurabi kuani ꞌikiani kuankëxa. Kuani ka Refidim kakë me anu bëbakankëxa, bëbanbi ka atun xëati ꞌumpax anu ꞌaíma ꞌain,

Isaías 49:10

Usakin ꞌai kamina mitsun piti ñu ꞌitsaira ꞌianan a shimakin xëati ꞌumpax upíñu ꞌiti ꞌain, ꞌianan kamina barin xarokëxun tani masátima ꞌain, ꞌën kana nuibakin bërúain usa ꞌain, usa ꞌain kana ꞌumpax upíbu manámi ki chikíkë anu buánti ꞌain.

Números 9:22

Kuin axa xubusa okin chupa ꞌakë anu nirakëti ꞌitsama nëtë ꞌianan, achúshi ꞌuxë ꞌikatsi ꞌianan achúshi baritia ꞌikatsi nirakëtankëx kuankëbë ka Israel unikama atux pain rëkuë́nkianima anu pain ꞌi bërúakëxa. ꞌAínbi ka kuin axa kuankëbë kuni atúxribi a nuibiani kuankëxa.

Juan 10:9

ꞌËx cana anua carnero ꞌicë cënënu anun atsínti xëcuësaribi ꞌain. Axa ꞌëmi catamëcë unicama ax ca Nucën Papa Diosnan ꞌinux iëtia. Usa ꞌaish ca chuámashirua ꞌaish, carnerocama cënënuax chiquíxun pasto pitancëx atsíntëcëncësaribi ꞌiti ꞌicën, ꞌen bërúancëx.