Números 9:15 - Kashibo-Kakataibo Biblia

¹⁵ A nëtë́an xubusa okin chupa ꞌakë a sënë́onkë a nëtënbi ka manámiax ubukin Diosan amikëxun kuinan a xubu mapuakëxa, mapukëx ka pëkaratamainun usai ꞌiakëxa.

Números 9:15 Iomraidhean Croise

Nehemías 9:12

Usakin ꞌanan kamina a isiania min unikama kuanti nëtën kuin ꞌimianan imë́ribi tsi rëkirukësa ꞌixuan anun kuanti pë́kanun ꞌimiakën, ꞌimikëxuan anúan kuanti a pë́kakëbë ka anun atux kuankëxa.

Nehemías 9:19

usai ꞌiabi kamina min atu nuibakin, anu uni ꞌikëma menuxun uisa kara nitsia usai ꞌitánun ënkinma ꞌakiankën. Usokinmi ꞌakinkëbë ka nëtë kuinsa ax atu ënima nëtënbi a isbiania kuankanun rëkuë́nkiankëxa, ꞌimainun kamina imë́ribia tsi rëkirukësa ꞌixun anun kuankanun pë́kati ꞌimiakën.

Salmos 105:39

Diosan ka a isbiania kuanti nëtë kuin atu manámi ꞌimianan, tsi rëkirukësa ꞌixuan pë́kakëbë imë́ kuankanti aribi ꞌimiakëxa.

Éxodo 13:21

Anuax kuankëbëtan ka Nukën ꞌIbun a isiania kuanun kuin nëtën anúan kuanti bai anu rëkuë́nmiakëxa, rëkuë́nmianan ka imë́ribi tsin rëkirukin pë́kakësa ꞌitánun an imë́ atu kuania pë́kati ꞌimiakëxa. Usakian ꞌakëbë ka, nëtën kuananbi imë́ribi kuankëxa.

Éxodo 13:22

Kuani ka nëtë kuin axa rëkuë́nkiankëbë a ënima atux a isbiani anunbi nëtën kuankëxa, ꞌimainun ka imë́ribi tsin rëkirukin pë́kakësa ꞌitanun pë́kanëakëxa.

Éxodo 14:24

ꞌaínbi ka pëkarakuatsínkëbëtan Nukën ꞌIbun egipcio suntárukama nëtë kuin tsi rëkirukësa anuxun iskin aín caballonën nikinkë akamaxa chakanani masónanun ꞌimiakëxa;

Éxodo 40:34

këñúkë ka kuinan xubusa okin chupa ꞌakë anu ꞌibúkin mapumainun ka Nukën ꞌIbun kushin ꞌain namë anu ichúkin tsitsiarakëxa.

Éxodo 40:35

Usakian xubusa okin ꞌakëa anu ꞌibúti tsóbukin kuinan mapukë ꞌain ka, Moisés anu atsíama ꞌikën, Nukën ꞌIbun kushian aín namë upí kakë a tsitsiarakë ꞌain.

Éxodo 40:38

Munu ꞌikiania Israel unikama kuankëbë ka xubusa okin ꞌakë aín manámia kamabi nëtën kuin ꞌibútia isakëxa, ꞌimainun ka kamabi imë́ribi kuin ꞌibúkë anu tirí chaiira atux anu ꞌikë abi pë́kai mërakëxa, usakin ka Nukën ꞌIbun Israel unikama ꞌakiankëxa anuishi.

Números 10:34

Uisa nëtën kara anua ꞌikë anuax atux kuania a nëtënbi ka Nukën ꞌIbun ꞌimikëx kuin atu manámi kuankëxa.

Números 14:14

Kuakin ka Canaán menu tsókë unikama ñuixunti ꞌikën. Atúnribi ka min kamina ënë unikama atubë ꞌixun, ꞌakini kixun ñuikania kuaxa, ꞌimainun kamina an unánkë unibë uni bësúnax banakësari banain, ꞌimainunribi kamina min nëtë kuinsa axa atubë ꞌinun ꞌimin, ꞌimainun kamina nëtën kuinsa mëu rëkuë́n kiankin atu buánan imë́ribi tsi rëkirukësa a isia anunbi kuanun atu ꞌimian.

1 Corintios 10:1

ꞌËn xucë́antu, ënëmi mitsun ꞌunánun cana mitsu cain: —Nucën raracamaxa Egiptonuax cuania ca Egiptonu ꞌicë suntárucaman ꞌatin rabanan Nucën Papa Diosan nëtë cuin bëararamiacëxa. Usaquiani ca Nucën Papa Diosan parúnpapa tëárabëoquin aín nëbë́tsi ësquimiquin me racáncëbë anun ꞌucë manan sicaracëacëxa.