Números 27:21 - Kashibo-Kakataibo Biblia

²¹ ꞌAínbi ka Josuénëx sacerdote Eleazar anu pain kuanti ꞌikën, Josué axa anu kuankë ꞌain ka Eleazarnëx an kakësa ꞌitánun Urim kakë ñu anun aín anë ñui ꞌëbë banati ꞌikën. Usakin ꞌakëxuan Josuénën kakëxun ka Israel unikama añu ꞌanun kara kaia akama ꞌati ꞌikën.

Números 27:21 Iomraidhean Croise

Malaquías 2:7

Ax ka sacerdotekaman uni ꞌëa ꞌunánun ꞌunánmiti ꞌikën, usa ꞌain ka kamabi unikamax atunu an ꞌunánminun kuanti ꞌikën, atux ka an ꞌën bana ñuikë unikama ꞌikën, atux ka Dios kamabi kushiñuira aín bana ñuikë unikama ꞌikën.

Números 27:20

ꞌinánkin kamina minmi ꞌakësaribi okin ꞌanun kati ꞌain, usa ꞌain ka kamabi Israel unikaman an kakësabiokin aín bana tankin ꞌati ꞌikën.

Números 27:22

Usakin ꞌanuan Nukën ꞌIbun Moisés kakësabiokin ka ꞌakëxa. ꞌAkin ka Josué sacerdote Eleazar anu uantakëxun kamabi unían ax ka ꞌapu anëkë ꞌikë kixun isnun ꞌunánmiakëxa.

Deuteronomio 31:3

Usa aínbi ka Nukën ꞌIbu Diosan kuania mitsu ꞌakinti ꞌikën anu ꞌikë ëmakamanu ꞌikë unimi aín me binuxumi abë ꞌakanankin këñukin ꞌanun ka mitsu ꞌamiti ꞌikën. Josuénën ka ax ꞌapu ꞌixun Nukën ꞌIbun kakësabiokin mitsu buánti ꞌikën.

Deuteronomio 33:8

Usa ꞌain ka Moisés Leví ñui ësai kiakëxa: Minan ka Tumim ꞌimainun Urim ax ꞌikën ꞌën ꞌIbu; min kamina levitakamanribi min kikësa okin ꞌaia ꞌinan, atu kamina Masá kakë me anuxun tankën, tankin kamina anuxunmi min unikama ꞌumpax ꞌinan Meribá kakë anuxun ñukákën,

1 Samuel 14:19

ꞌAínbi ka Saúl sacerdote Ahíasbë banamainun, filisteo suntárukama tsuákiruax ꞌatimonani masákëxa. Usaia filisteo unikama ꞌia iskin ka usai ꞌiashi ꞌakatsi kixun Saúlnën sinánkëxa. Sinánkin ka sacerdote Ahías kakëxa: —Efod kakë chupa a kamina bëtima ꞌain.

1 Samuel 28:6

Usai ꞌikin ka uisai kara Nukën ꞌIbubë banati ꞌikë kixun tankëxa, ꞌaínbi ka Nukën ꞌIbun an ñukákëxunbi kuatima ꞌianan namámikinbi ismiama ꞌikën, ꞌianan ka Urim kakë anbi kaima ꞌimainun an Dios kikë bana uni ñuixunkë akamanbi ñuixuama ꞌikën, usai kamina ꞌiti ꞌai kixun kanun ꞌamiama ꞌikën.