Números 27:13 - Kashibo-Kakataibo Biblia

¹³ Usakin a mekama istánkëx kamina min xukë́n Aarón ꞌiásaribiti ñukiani kuantankëx min chaitiokëkaman raraitsibë min raraitsi biranani kuanti ꞌikën,

Números 27:13 Iomraidhean Croise

Génesis 25:17

Ismael ax ka ciento treinta ꞌimainun siete baritiañu ꞌaish ñuakëxa, ñui ka aín chaitiokëkama ꞌiasaribiti ñuia anu ꞌain chaitiokëkama maían anubi maíankëxa.

Génesis 25:8

ka uni ꞌikësabi kaniakëtankëx ñuakëxa. Ñui ka ꞌain chaitiokëkama ñua ꞌaísh anu bukukë abë ꞌi kuankëxa.

Deuteronomio 31:14

Katankëxun ka Nukën ꞌIbun Moisés ësokinribi katëkëankëxa: Ka kuat, anun mi ñuti nëtë ka ꞌurama kuatsinia; usa ꞌain kamina Josué kuënbiani mi rabëtaxbi xubusa okin ꞌakë chukúma anuax ꞌëbë mërananti anu kuanti ꞌain, ꞌën usai ꞌiti banakama mi ñuixunun. Usakian kakëx ka Moisés ꞌimainun Josué xubusa okin ꞌakë anu kuankëxa,

Deuteronomio 31:16

Usai nirakëan ka anuxun Nukën ꞌIbun Moisés kakëxa: Ënuax ꞌitsama nëtë ꞌikëbë kamina mix ñuti ꞌain, usaími ꞌikëbëtan ka ënë unikaman ꞌën bana kikësabiokin ꞌakima atúan biti me anu ꞌikë unikaman rabikë dios a rabikin ꞌë rabiti ënkin achúshi ñu ꞌën manutima okin atu ꞌaxunkëkama manukin bëtsi ñu ꞌati ꞌikën.

Deuteronomio 32:50

Anuax kamina aín bashi mapërakëtankëx anu rakati ñuti ꞌain, anuax ñui kamina min raran raraitsi kamabë min bëru ñunshin birananti ꞌikën, min xukë́n Aarón aín bashi Hor kakë anuxun ñuia maínkëx aín bëru ñunshin ꞌiásaribiti.

Deuteronomio 4:22

Usa ꞌain kana ënë me Moab kakë ënuaxbi ñui Jordán kakë baka a mitsubë sikarakëkiani kuantima ꞌain, usa ꞌain kamina mitsuxëshi kuantankëxun me upíirakama a bitsi kuanti ꞌain.