Números 24:9 - Kashibo-Kakataibo Biblia

⁹ Ax tanti rakábukë ka paru inuán tanti rakábukë usaribi ꞌiti ꞌikën: usa ꞌikë ka uínbi atu an ꞌakaskëxuma ubíotima ꞌikën. ¡Chúamarua ka uikaman kara atu nuibatia akamax ꞌiti ꞌikën, ꞌimainun kara uin atu uxkë ubioti kuëënti ꞌit! ¡Uin kara mitsu nuibatia ax ka chuámarua ꞌianan upíokin sinánxunkë ꞌiti ꞌikën, ꞌimainun ka uin kara mitsu ꞌatima oia axribi ꞌatima okë ꞌiti ꞌikën!

Números 24:9 Iomraidhean Croise

Génesis 12:3

Uin kara mi upíokin ꞌakinia aribi kana ꞌën upíokin sinánxunti ꞌain, ꞌimainun kana uin kara mi ꞌatima oia aribi ꞌënribi ꞌatima oti ꞌain; mi kupí kana kamabi menu ꞌikë unikama upíokin sinánxunti ꞌain.

Génesis 27:29

Usa ꞌikë ka ꞌaisamaira unin mi ñu mëëxunti ꞌikën; bëtsi menu ꞌikë unikamaxribi ka mi bëtánain rantinpuruni ꞌiti ꞌikën. Mix kamina min xukë́nkaman ꞌapu ꞌiti ꞌain; ¡Usa ꞌain ka atux mi bëmánon rantipuruni ꞌiti ꞌikën! Uin kara mi ꞌaisama oia ax ka ꞌatima okëribi ꞌiti ꞌikën, ꞌimainun ka uin kara mi upíokin sinánxunkin ꞌakinia axribi upiti bukui upíokin sinánxunkë ꞌiti ꞌikën.”

Génesis 49:9

Judá mix kamina ꞌën bakë bëchikë ꞌain. Usa ꞌaish kamina achúshi ꞌinuánën tuá bërí kanikënëan ꞌain piti ñuina bixun bënë́kinshi tëtúbuxun pitankëx menu rakábukë usaribi ꞌain, usai ꞌi kamina ꞌinuán aín titaxa ꞌikësaribiti ꞌiti ꞌain ¿Uin kara usaími ꞌia mi ubioti kuëënti ꞌik?

1 Reyes 10:20

Usakin ꞌamixun ka mapai rabë́ ꞌimainun rabë́ paru ꞌinúan tankin ꞌakë a, mapai ꞌimainun achúshi tapiti ꞌakë anu amo rabë́bi nitsinkin nankëxa. ¡Uisaxunbi ka bëtsi ꞌapukaman an ñu mëëxunkë aín unikama ësaribi ꞌitánun ñu upíokin ꞌaxúnun ꞌamiama ꞌikën!

Job 41:10

Uin kara ubioisatania ami ka Leviatán nishia, usamaira kana ꞌëx ꞌain usa ꞌikë ka uínbi kushiira ꞌikë ꞌë ubiotima ꞌikën.

Salmos 122:6

Mitsux kamina mitsun nuitunënbi upíokin sinani kiti ꞌain: Jerusalén anu ka an mi nuibakë unikama chuámarua bukukanti ꞌikën.

Salmos 2:12

usa ꞌain kamina Dios ax nishkima mitsu, ꞌaisama okin tëmëramia usa ꞌain rabikanti ꞌain. ¡Diosan ka axa ami katamëkë unikama chuámarua tania ami sinani kuëënun ꞌimia ësai ka Diosan kaískë unikama kiakëxa!

Isaías 31:4

Ësokin ka Nukën ꞌIbun ꞌë kaxa: “Achúshi paru ꞌinúanëx ka oveja bixun rëtëax, an ñuina bërúankë unikamami rakuë́tima, ꞌianan ka kamaxi timë́xun, munuma kuënkëni banakinbi ratutima ꞌikën, usaribikin ka Nukën ꞌIbu kamabi kushiñu ax aín unikama Sión kakë bashi anua ꞌakini uti ꞌikën.

Miqueas 5:8

Usa ꞌain ka bëtsi ëmakama nëbë́tsia bërúkë, Jacobnën rëbúnkikama ax achúshi paru ꞌinúansa ꞌaish raëkë ñuinakama nëbëtsi ꞌianan, paru ꞌinúan achúshi anua ovejakama ꞌarakakë anu ꞌikësa ꞌiti ꞌikën, usa ꞌain ka inúkinshi bixun aín ꞌuntsisan tukapakë usaribi ꞌiti ꞌikën, usakin ꞌakin ka achúshinëxi abati ꞌiakëtanun ëntima ꞌikën.

Números 22:12

Ësokin kakëxun ka Diosan Balaam kakëxa: —Atubë kamina a unibu ꞌatima okin sinánxuni kuantima ꞌain, ꞌën kana atu upíokin sinánxunkin upitax bukunun ꞌimin.

Números 22:6

Usa ꞌain kamina bënëti uxun ënë unibu ꞌatima okin sinánxuni uti ꞌain, atux ka nubë sënë́nma kushiirabu ꞌikën. Usakinmi ꞌaia sapi kana abë ꞌakanankin ënë menua ꞌën chikínti ꞌain. ꞌËn kana ꞌunan minmi upíokin sinánxunkëx ka uni upitax bukuia, ꞌimainun min këñutanun sinánxunkëx ka uni mix kikësabi ꞌí këñutia.

Números 23:24

A unikamax ka paru ꞌinuánëxa aín piti ñuina binuxun bari rakábutima nikë usaribi ꞌikën. Usa ꞌixun ka usaribikin Israel unikaman abë ꞌakanankin bëtsi unikama ꞌaia.

Números 24:10

Usai kikëbëtan aín sinan xuáma tani nishkin aín mëkën kushioi mëtashki ꞌikin ka Balacnën ñúkakin Balaam kakëxa: —ꞌËn kana mi kamian ꞌë ꞌai ukë unikama ꞌaisamaira iskin ꞌatimokin sinánxuni unun kixun, ꞌaínbi kamina achúshi ꞌimainun rabë́ okin ꞌakinbi atu upíokin sinánxuan.

Mateo 25:40

Cacëxun cana ꞌëx ꞌApuira ꞌixun ꞌën unicama cati ꞌain: ꞌËn cana asérabi mitsu cain, mitsun ꞌën xucë́ncama achúshi, uni raíribë sënë́nmara ꞌicëbi ꞌaquinquin camina ashi ꞌaquincëma ꞌain, camina ꞌëribi ꞌaquian.

Mateo 25:45

Cacëxun cana ꞌëx ꞌApuira ꞌixun acama cati ꞌain: ꞌËn cana asérabi mitsu cain, ꞌën unicama achúshi, uni raíribë sënë́nmara ꞌicëbi, ꞌaquinquinma camina mitsun ꞌëribi ꞌaquincëma ꞌain.

Hechos 9:5

Ësai quia ca cacëxa: —¿Ui caramina ꞌain, Nucën ꞌIbu Dios sapi camina ꞌain. Cacëxun ca cacëxa: —ꞌËx cana Jesús, ami bëtsi bëtsi ocë, a ꞌain. Ami tatíqui chacati nishquin i tapun, taën ꞌaquinmi paë tancësa, usaribiti camina mibi ꞌin.

Deuteronomio 30:7

Usa ꞌain ka Diosan mitsun rëbúnki kamami nishkë unikamaxa tëmërai ꞌinun ꞌën bërí mitsu kakë ësai tsónun ꞌimiti ꞌikën,