Números 23:22 - Kashibo-Kakataibo Biblia

²² Dios an Egipto menua atu chikínbëtsinkin bëa ax ka, vaca aín bënë raëkëma aín kushisamaira atunan ꞌikën.

Números 23:22 Iomraidhean Croise

Salmos 22:21

atux paru ꞌinúansa ꞌaínbi kamina anuabi ꞌë ië́miti ꞌain, ¡atúxa vaca bënëkama manchañusaribi ꞌaínbi kamina anua ꞌë ië́miti ꞌain!

Éxodo 12:41

ꞌimainun ka anúan cuatrocientos treinta baritia, aín chaitiokëkama Egipto menu tsónux bëba a nëtë sënë́nkë a nëtënbi ka Israel unibu atún ꞌIbun a menua chikíankëxa.

Éxodo 14:18

Usakin ꞌën kushi ismikin ꞌapu faraón kamabi aín suntáru ꞌimainun aín caballonën nikinkë anúan ꞌakanankë a kamakëñunbi ꞌakë ꞌain ka egipcio unibunën ꞌëx kana asérabi Israel unibunën ꞌIbu ꞌai kixun ꞌunánti ꞌikën.

Éxodo 20:2

ꞌËx kana min ꞌIbu Dios an, Egipto menuxun tëmërakin ñu mëëiabi mitsu chikían a ꞌain.

Éxodo 9:16

usa ꞌaínbi kana ꞌën kushi ismiti kupín mi uisabi okëma ꞌain, kamabi menu ꞌikë unían ꞌëx kana usa kushiñu ꞌai kixun ꞌunánun.

Números 22:5

Anuxun ka Beor kakë uni aín bëchikë Balaam Petor kakë ëma Éufrates baka ꞌura ꞌikë a bitánun kixun aín unikama xuakëxa, ax ka Amav kakë me anu ꞌiakëxa. Usakin xukin ka ësokin Balaam katánun Balacnën aín uni kakëxa: ꞌAisamaira uni ka Egipto menuax kamabi nun me tsitsiru bëtsini uaxa kixun ka kamiakëxa. Atux ka nubë sënë́maira ꞌianan nu ꞌuramaira ꞌikë kixun katánun kamiakëxa.

Números 24:8

Dios an Egipto menua chikinbëtsikin atu bëa ax ka atun Dios ꞌikën, usa ꞌaish ka vaca ain bënë raëkëma manchañu aín kushisa ꞌikën. Usa ꞌixun ka Israel unibunën axa ami nishkë unikama ñuina raëkëman nami pikësa okinshi abë ꞌakanankin; kupitanuma aín pian ꞌakin këñuti ꞌikën.

Deuteronomio 33:17

Ax ka a paian aín titan tuákë vaca bënë upíira bërí ꞌikën, usa ꞌaish ka vaca bënë raëkëma kushiira ꞌixuan, aín manchanën uni ꞌakësaribi okin abë ꞌakanankin kamabi menua unikama abë ꞌakanankin ꞌati ꞌikën. Usaribi ka Efraínën aintsikama ꞌaisamaira ꞌiti ꞌikën; ꞌimainun ka Manasésnën aintsikamaribi ꞌaisamaira ꞌaish tupuntisamaira ꞌiti ꞌikën.

Josué 2:10

Nun kananuna ꞌunanin mitsux Egipto menuax chikíküatsini ukëbëtan ka Diosan anun sikarakënun parúmpapa xónsa kakë a aín nëbë́tsi ëski panárabënun ꞌimiakëxa. ꞌImainun kananuna ꞌunanin mitsun kamina Sihón ꞌimainun Og, amorreo kakë unibunën ꞌapu rabë́ axa Jordán kakë baka ꞌukëmanan bukukë a aín unikama këñunbi maërakatanun këñuakën.