Números 23:21 - Kashibo-Kakataibo Biblia

²¹ Uínbi ka paránani ꞌatimonania Israel unibu Jacobnën rëbúnkikama iskëma ꞌikën. Usa ꞌain ka Dios atubë ꞌikën, usa ꞌikë ka atun ꞌapusa ꞌikë rabia.

Números 23:21 Iomraidhean Croise

Salmos 103:12

ꞌIanan ka nux ꞌuchakëkamaribi; nunua ꞌuramikin, bëtsibëa me kuainakëti ꞌurakë usaribi ꞌinun ꞌimiaxa.

Salmos 118:15

Uni aín sinan upíbu ax ka atun xubunuax Dios rabi kuëëni kantaia: ¡Ësai ki Diosan ka aín kushi ꞌinánkin nu ꞌakinia!

Salmos 23:4

Anun nisama anun kuaníbi kana añu ñubi inútimi rakuë́tima ꞌain, Dios mix kamina ꞌëbë kamabi nëtën ꞌain; ꞌimainun kamina ñu upíshi ꞌanun ꞌë ꞌimiti ꞌain.

Salmos 32:2

Chuámarua ka uni ꞌatima ñu ꞌati sinánkëma ax ꞌikën, usa ꞌikë ka Nukën ꞌIbun a ꞌatimokin isima.

Salmos 32:5

ꞌAínbi kana ꞌën ꞌakë ñukama këñun ꞌën ꞌuchakama mimi unpukinmaira chikinaxuankën; ꞌën ꞌuchakama mi chikinaxunti sinánkin kana usakin ꞌakën, ꞌaia kamina mix ꞌËn ꞌIbu ꞌixun ꞌën ꞌakë ꞌuchakama ꞌë mëníoxuakën.

Salmos 46:11

¡Kamabi kushiiñu Nukën ꞌIbu ax ka nubë ꞌikën! ¡Usa ꞌaish ka Jacobnën Dios ꞌiá ꞌaish nun Diosribi ꞌixun nu ꞌakinia!

Salmos 46:7

¡Nukën ꞌlbu kamabi kushiñuira ax ka nukamabë ꞌikën! ¡Jacobnën rabia Dios ax ka aminu katamëkë ꞌikën!

Éxodo 13:21

Anuax kuankëbëtan ka Nukën ꞌIbun a isiania kuanun kuin nëtën anúan kuanti bai anu rëkuë́nmiakëxa, rëkuë́nmianan ka imë́ribi tsin rëkirukin pë́kakësa ꞌitánun an imë́ atu kuania pë́kati ꞌimiakëxa. Usakian ꞌakëbë ka, nëtën kuananbi imë́ribi kuankëxa.

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Éxodo 34:9

ësakin kakëxa: —¡ꞌËn ꞌIbu! ¡ꞌËn ꞌIbu! Asérabi nu nuibati kamina nu kuankëbë nubë kuanti ꞌain. Ënë unikaman ka asérabi aín sinan iruarakin bana kuakëma ꞌikën, ꞌaínbi kamina nux mimi ꞌuchakë a tërënkin minan ꞌinun nu ꞌimiti ꞌain.

Isaías 1:18

Ësai ka Dios kiaxa: “Bërí kamina uisai kaina ꞌikanti ꞌai kiax ënë bana mëníonanti timë́ti ꞌuti ꞌain: Mitsun ꞌuchakamaxa uvas baka chininkë chëxëira iskësa ꞌikëbi kana, axa matsi irukë uxuira uxu iskësa ꞌitánun mitsu mëníoxunti ꞌain; atun ꞌuchakamaxa chupa bëtsi bëtsi ñun pukukë iskësaribi ꞌikëbi kana, ꞌën xapu uxuira uxu iskësa ꞌitánun mëníokin tërënxunti ꞌain.

Isaías 33:21

Anuxun ka Nukën ꞌIbu nukama aín kushi ismiti ꞌikën. Ax ka achúshi baka kushiira abákë ꞌimainun naxbaira usaribi ꞌiti ꞌikën, usa ꞌaínbi ka axa ami nishkë unikama atu ꞌakatsi kiax anúan ꞌakanani kuankë atun manë nunti intían nikinkë a ꞌimainun chaiira kushiira ax ꞌinútima ꞌikën.

Isaías 33:22

Usa ꞌain ka Nukën ꞌIbu ax an bana nu mëníoxunkë ꞌixun a tanti banakama nukama ꞌaxunia, ꞌimainun ka ax nukaman ꞌapu ꞌikën, usa ꞌixun ka an nu ië́miti ꞌikën. Axa numi nishkë unikaman atun nunti anun tëkërëkakë itsikaman ka churukukë ꞌixun ami tëkërëkakë i a tuinima, usa ꞌain ka ami tëkërëkakë chupa ax pënimëtima. Usai ꞌikëbëtan kananuna numi nishkë unikaman atun ñu kupíkë bikuanti ꞌain, bimainun ka bëxuñu unikama ꞌimainun aín taëmi ñukë unikamanribi atun ñu kamabi atima onan numi nishkë unikaman ñu bikuanti ꞌikën.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 8:10

ꞌIanan ka usakin kananuna ñu ꞌati ꞌai kixun atun sinaniabi, usakian ꞌanun ꞌamitima ꞌikën, Dios ax ka nubë ꞌikë usa ꞌixun.

Joel 2:27

ꞌimainun kamina Israel unikama mitsun ꞌunánti ꞌain, ꞌëx mitsun Dios ꞌaish mitsubë ꞌain, ꞌëx kana mitsun Dios a ꞌain, usa ꞌain ka bëtsi ꞌësaribi ꞌaíma ꞌikën. ¡Usa ꞌain ka ꞌën unikama uínsaranbi rabinkë bërútima ꞌikën!

Números 14:18

usa ꞌaish kamina sinan mënínñushi ꞌianan, min unikama ꞌitsaira nuibatin ꞌimainun kamina atun ꞌatima ñu ꞌakë tërëanan min bana kuaisama tankë akama ënkinma uisakin kaina ꞌaisatani usakin tëmëramin, ꞌanan kamina aín papanan ꞌanan aín bakë bëchikënën bëchikë ꞌimainun aín baba aín xutan bakë bëchikënën bëchikë akama ꞌatima ñu ꞌaia tëmëramiti ꞌain.

Números 14:19

Minmi min unikama nuibakë ax ka upíira ꞌikën, usa ꞌain kamina ënë unikama ꞌuchaiabi nuibakin upíokin sinanamiti ꞌain, bëráma kamina Egipto menuxunbi munu ënë menu bëakën.

Números 9:22

Kuin axa xubusa okin chupa ꞌakë anu nirakëti ꞌitsama nëtë ꞌianan, achúshi ꞌuxë ꞌikatsi ꞌianan achúshi baritia ꞌikatsi nirakëtankëx kuankëbë ka Israel unikama atux pain rëkuë́nkianima anu pain ꞌi bërúakëxa. ꞌAínbi ka kuin axa kuankëbë kuni atúxribi a nuibiani kuankëxa.

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Romanos 8:1

Usa ꞌain ca uicamax cara Cristo Jesús abë ꞌicë, acama Nucën Papa Diosan ꞌuchoima. Usa unicamax ca Cristonanma uni ꞌicësai ax cuëëncësarishi ꞌima, Nucën Papa Diosan Bëru Ñunshin Upitan sinánmicësabi oi ꞌia.

2 Corintios 2:14

Ñunshin ꞌatimanëan nu ꞌatimaquin sinánmisa tanan aín bana ñuixunxunma ꞌanun ꞌimitisa taniabi ca Nucën Papa Diosan, Cristo Jesús cupí, nun ꞌacësabi oquinu aín bana ñuixunun nu ꞌimia. An ca aín ꞌacësabi oquin nu ꞌaquinia quixun ꞌunánquin cananuna —asábi ca —quixun caquin a rabin. Uinu caranuna cuani, anuxun ca nun nu Cristo Jesús ñuiquin aín bana ñuixunia, a banax ca asérabi upíira ꞌicë quixun unin sinania.

2 Corintios 5:19

Ënëx ca ësa ꞌicën: Nucën Papa Diosan ca Cristo cupía camabi uni abë upí ꞌinun mëníocëxa. Mëníonan ca atun ñu ꞌatima ꞌacëcama a sinántëcënuxunma tërë́nxuanan, nun aín bana anun unicama abë upí ꞌinun ñuixunun nu cacëxa.

2 Corintios 6:16

¿Anuxun Nucën Papa Dios rabiti xubunuxun cara atúnbi ꞌacë ñu unin rabiti ꞌic? Ca ꞌatima ꞌicën. Nucën Papa Dios, ax bamatimoi tsócë, a aín unicaman rabicë, ax ca mitsunu ꞌicën, axa ësai quiásabi oi: ꞌËx cana atubëbi ꞌianan uinu cara atux cuania anuribi atubë ꞌiti ꞌain. ꞌËx cana aín Dios a atun rabiti a ꞌain, atux ca ꞌën unibu ꞌiti ꞌicën.

Deuteronomio 31:23

Usakian ꞌakë ka Josué Nunnën bëchikë a Nukën ꞌIbun ësokin kakëxa: Josué mix kamina kushi sinanñu ꞌianan rakuë́ ꞌitima ꞌain, mix kamina ꞌën mi ꞌakinmainun an Israel unikama a ꞌinánuxun ꞌën ka me anu buani abë kuanti a ꞌain. Usa ꞌaish kana ꞌëx mibëbi ꞌiti ꞌain.

Deuteronomio 32:5

Israel unikama ꞌimainun kamabi unin bakë bëchikëma upíokin sinanima ñu ꞌatima ꞌai Diosmi banai kia, usai banai ka aín bëchikë ꞌisama ꞌikania:

Deuteronomio 33:5

ꞌinánkin ka anua Israelkaman kushibu timë́kë anuxun atun ꞌapu ꞌixun, israel unikama ñakaitsi ñakaitsi timë́kë akamaribi ꞌinánkëxa.

Deuteronomio 9:24

¡A nëtën ꞌën mitsun uankë, anubi kamina Nukën ꞌIbun bana kuaisama tankën!

Jueces 6:13

Kakëxun ka Gedeónënribi kakëxa: —ꞌËn ꞌIbu ësokin kana mi kain Nukën ꞌIbu ka nubë ꞌikën, ¿Uisa kupín karanuna nux ënë ñukama ësai inutin? ¿Uinu kara an nun chaitiokëkama Egipto menua chikínkin bëtsi bëtsi ñu ꞌaxuan ꞌikëa nu ñuixunkë Nukën ꞌIbu Dios ax ꞌik? Nukën ꞌIbun ka madianita unikaman ꞌatimonun nu ëankëxa.