Números 23:19 - Kashibo-Kakataibo Biblia

¹⁹ Dios ax ka nusama ꞌikën: ax ka këmëi bananan bëtsi okin sinántëkëkini kima. Uisa ñu ꞌakatsi kara ax kia a ka asérabi ꞌaia. Uisa ñu ꞌanux kara kiáxa a ka asérabi ax kikësabiokin ꞌaia.

Números 23:19 Iomraidhean Croise

Génesis 26:3

usa ꞌain kamina ënë menu pain tsóti ꞌain. ꞌËx kana mibë ꞌiti ꞌain ꞌimainun kana mi upíokin sinánxukin mi ꞌimainun min rëbúnki kamaribi ënë mekama ꞌinánti ꞌain. Usakin kana ꞌën min papa Abraham kásabiokin ꞌati ꞌain.

Génesis 28:15

ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

2 Reyes 7:2

Ësokin kakëxun ka an ꞌapu ñu mëëxunkë unin an Dios kikë bana ñuikë uni Eliseo kakëxa: —Diosan naíkamë ꞌëo xëókinun ꞌimikëbëbi ka mix kikësoibi ꞌitima ꞌikën. Usai kiabi ka Eliseonën kakëxa: —Min bërúnbi kamina usaía ꞌia ñu isti ꞌain, ꞌaínbi kamina min a ñukama pitima ꞌain.

Salmos 110:4

Nukën ꞌIbux ka sinanatëkëntima oi kiaxa, usa ꞌain ka kana ꞌaima kikínma asérabi kana ꞌati ꞌai kiaxa, Mix kamina sacerdote xënibua ꞌaínbi ꞌiti ꞌain, Melquisedec ꞌiásaribiti ꞌiti ꞌain.

Salmos 89:34

ꞌImainun kana uínsaranbi abëtan achúshi ñu ꞌakë, kana ꞌaima kikínma ꞌëx kikësabiokin asérabi ꞌakinti ꞌain.

Salmos 89:35

Achúshi okin kana ꞌën asérabi ꞌëx kikësabiokin ꞌaxunuxun kakën, usa ꞌain kana paránkima David ꞌakinti ꞌain:

Isaías 31:2

Usa ꞌaínbi ka Diosanribi parántisama ꞌixun ñu ꞌatimaribi inúnun ꞌimiti ꞌunánxa, usa ꞌixun ka ñu ꞌakatsikiax kana ꞌaima kítëkënkinma ñu ꞌaia. Usa ain ax uni ꞌatimakama ami ꞌianan, an ꞌatima unikama ꞌakinkë akama ꞌatima oia.

Isaías 40:8

Usa ꞌain ka xubi ax ëski chushimainun ro ua axribi chushi xanania, ꞌaínbi ka Nukën ꞌIbu Diosan bana, ax xënibua ꞌaínbi usabi ꞌiti ꞌikën.”

Isaías 46:11

ꞌËn kana achúshi uni amiaxa bari urukë auküaxa, an ñuina bamakë pikë ñuina pëchiu ꞌurakëox ukë usaribi kuatsinia unun kuëan, a unin ka ꞌëx kikësa kinbi ꞌati ꞌikën. ꞌËx usakin ꞌakatsi kikësa okinbi kana ꞌati ꞌain, usakin kana sinan usa ꞌain kana usaibi ꞌinun ꞌimiti ꞌain.

Isaías 55:11

usaribiti ka ꞌëx kikë bana ax ꞌia, usai ꞌi ka ꞌën kuëënkësa okin ñu upí ꞌatankëxma ꞌënu kuantëkënima, ꞌaínbi ka ꞌëx kuëënkësabi okin pain ꞌaia, ꞌakin ka kuankima a ꞌanun ꞌën xukë a pain ꞌaia.

Daniel 4:28

Usa ꞌain ka ënë ñukama ñuikin Danielnën kakësabi oi ꞌapu Nabucodonosor inúakëxa.

Oseas 11:9

Usa ꞌain kana ꞌëx nishkësokinshi ꞌatima ꞌain: usakin ꞌakin kana Efraín amiribishi ꞌatima okin këñutima ꞌain, ꞌëx kana Dios ꞌain, usa ꞌaish kana ꞌëx unima ꞌain, ꞌëx kana upíira ꞌaish mi nëbëtsi ꞌain, usa ꞌaish kana mitsu këñui ukëma ꞌain.”

Miqueas 7:20

¡ꞌËn ꞌIbu mix upí ꞌixun nu nuibakin kamina bërámami nun chaitiokëkama Abraham ꞌimainun Jacob kásabiokin nuribi ꞌakinti ꞌain!

Habacuc 2:3

Kamina kuënëoti ꞌain, anúan ꞌiti nëtë ka ꞌikëmapan ꞌikën, usa ꞌaínbi kana anúan ꞌiti nëtë ꞌikëbëtan mi ismiti ꞌain; ꞌaínbi kana ꞌëx kikësa okinbi ꞌati ꞌain. Usa ꞌain kamina min basikëbëtanbi uisaran kara a ñukama ꞌia kaínti ꞌain. Usa ꞌain ka anúan ꞌiti nëtë aka ꞌiti ꞌikën.

Malaquías 3:6

“ꞌËx kana Dios ꞌain. Usa ꞌaish kana uisaibi i bëtsiorakatima ꞌëx ꞌiásabi ꞌain. Usa ꞌixun kana ꞌën ká banakama manukima Jacobnën rëbúnki Israel unikama ꞌikë mitsu masókëma ꞌain.

Números 14:35

ꞌËx kana min ꞌIbu ꞌaish kin: Usakin kana an ñu ꞌatima ꞌakin timë́xun ꞌë ñuikë unikama ꞌati ꞌain. Usa ꞌaish ka anu uni ꞌikëma me ënuax anúan maëti nëtë ꞌikëbë ka këñuti ꞌikën.

Números 23:18

Usakin ñukákëx ka ësai ki Balaam banai kiakëxa: Balac Sipornën bëchikë ꞌën mi kamainun kamina upíokin kuati ꞌain.

Lucas 21:33

Naí, me acamax ca cëñúti ꞌicën, ꞌaínbi ca ꞌën banaxa nëtë́timoi usabi ꞌain camabi ñu ꞌëx quicësabi oi asérabi ꞌiti ꞌicën.

Romanos 11:29

Bëráma judíos unibu —ꞌënan ca mitsu ꞌimainun mitsun rëbúnqui ꞌiti ꞌicë —quixun Nucën Papa Diosan cá ꞌain ca a banacama usabi ꞌiti ꞌicën. Nucën Papa Diosan ca —mitsux camina ꞌënan ꞌiti ꞌai —quitancëxun bëtsioquin sinántëcënima.

Romanos 9:6

Israelnën rëbúnqui judíos unicama camáxira Nucën Papa Diosnanma ꞌaínbi cananuna sinántima ꞌain, Nucën Papa Diosan ca aín quicësabi oquin Israel unicama ainan ꞌimiama ꞌicë quixun. Israelnën rëbúnqui ꞌaíshbi ca axa Nucën Papa Diosmi sináncëmacamax asérabi Nucën Papa Diosnanma ꞌicën.

2 Timoteo 2:13

Axa quicësabi oquinu ꞌacëbëtanmabi ca ax cëmëma ꞌixun asérabi ax quicësabi oquin Nucën Papa Diosan ꞌaia.

Tito 1:2

Usa ꞌixun cana ainan ꞌaish ca uni xënibua ꞌaínbi aín nëtënu abë ꞌiti ꞌicë quixun unicama ꞌunánmin. Ax asérabi cëmëma ꞌaish ca Nucën Papa Dios bëráma, me ꞌimainun camabi ñu uniosama pain ꞌaíshbi, ësai ca ꞌën unicama ꞌën nëtënu ꞌëbë ꞌiti ꞌicë quiax quiacëxa.

Hebreos 6:18

Usa ꞌain cananuna an ca ax quicësabi oquin ꞌaia quixun ꞌunánan, axa —sinanatëcëntimoquin cana mitsu cai —quicë cupí ca an asérabi usoquin ꞌati ꞌicë quixun ꞌunanin. Usaquin ꞌunánquin cananuna ꞌunanin, nun nu an nu ꞌaquinun ñucácë ꞌixun ca nu asérabi ꞌaquinti ꞌicë quixun. ꞌUnánan cananuna ami catamëquin —aín bana quicësabi oi cana asérabi ainan ꞌaish aín nëtënu abë ꞌiti ꞌai —quixun ꞌunanin.

Hebreos 7:21

Levitan rëbúnquinën ca ꞌën unicama ë ñucáxunti ꞌicë quixun ca Nucën Papa Diosan sinanatëcëntimoquin cáma ꞌicën. Usa ꞌixúnbi ca an sinanatëcëntimoquin caquin, Jesús asérabi an unicama a ñucáxunti ꞌimiacëxa, aín bana cuënëo ësai quicësabi oquin: Nucën ꞌIbu Diosan ca sinanatëcëntimoquin aín Bëchicë ësaquin cacëxa: Mix camina nëtë́timoi usabi sacerdote, an ꞌën unicama ꞌë ñucáxunti, a ꞌain, Melquisedec ꞌiásaribi, quixun.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.

Santiago 4:5

Nucën Papa Diosan bana cuënëo ax ca ësai quia: “Nucën Papa Diosan ca ainan ꞌicë nu ñuñaia. Usa ꞌain ca an nubë ꞌinun nu ꞌináncë aín Bëru Ñunshin Upí ax bëtsi ñu ꞌaquinmanu ax cuëëncësa oquinshi ꞌati cuëënia”. A banax ca asérabi ꞌicën. Usa ca ax ꞌicë quixunu ꞌunánti oquin ca Nucën Papa Diosan aín uni usoquin cuënëomiacëxa.

1 Samuel 15:29

Nukën ꞌIbu Dios an ka Israel kama upí ꞌinun ꞌimiti ꞌikën, ax ka paránani këmëi banaima, ꞌianan ka uni ꞌikësai ñu ꞌakatsi kiax kana ꞌaíma kiax kítëkënima.

1 Samuel 3:12

A nëtë ꞌikëbëtan kana a nëtënbi, uisakin aín aintsi anuxun karana Elí kan usaibia ꞌinun ꞌimiti ꞌain.