Números 22:9 - Kashibo-Kakataibo Biblia

⁹ ꞌAínbi ka Diosan ami mërakin ësokin Balaam ñukákëxa: —¿Uinu ꞌikë unikama kara min ꞌitinu bëbakë ax ꞌik?

Números 22:9 Iomraidhean Croise

Génesis 16:8

anua mërakin ka ñukákëxa: —Agar, mix kamina Sarainën ñu mëëmikë aín, ¿uinuax kaina aín, ꞌimainun kaina uinu kuanin? —ꞌËx kana an ꞌë ñumëmikë xanu Sarai anuax abatin —kixun ka an kakëxa.

Génesis 20:3

ꞌaínbi ka a imë́bi ꞌapu Abimélec namámikin, Nukën ꞌIbu Diosan kakëxa: Mix kamina bamati ꞌain, xanumi bikë ax ka bënëñu ꞌikën.

Génesis 31:24

ꞌAínbi ka a imë́ Nukën ꞌIbu Diosan Labán arameo uni a namámikin kakëxa: ꞌËn kakëxun kamina kuati ꞌain, min piaka Jacob kamina ꞌatima banan katima ꞌain.

Génesis 4:9

Usokin ꞌakë ka Nukën ꞌIbun Caín ñukákin kakëxa: —¿Uinu kara min xukë́n Abel ꞌit? Kakëxunbi ka Caínën kakëxa: —Kana ꞌunániman. ¿ꞌËn karana ꞌën xukë́n nitsia bërúanti ꞌain?

Génesis 41:25

Usakian kakëxun ka faraón Josénën kakëxa: —Minmi ꞌapu ꞌixun rabë́okin namákë ax ka achúshi ñu ishi ñui kikë ꞌikën. Diosan ka mi ꞌunánmisa tania añu kaina ꞌati ꞌai kixun.

Éxodo 4:2

—¿Añu kara min mëkënumi tuinkë ax ꞌik? —kixun ka Nukën ꞌIbun ñukákëxa. —Ënëx ka achúshi tsati ꞌikë —kixun ka Moisésnën kakëxa.

Daniel 2:45

Usa ka minmi namákin aín bashinuaxa uínbi tarankëmaxi ukian me putusa ꞌitánun manë tunan, ꞌianan manë uxua, manë panshian, me tëi, ꞌimainun kuri, akama chakabëtsini aín bashinuax ꞌia iskë ax ꞌikën. Dios chaiira ꞌaish kushiira an ka usaía ꞌiti ñukama mi ismiaxa. Usa ꞌain ka minmi namákë ax asérabi ꞌimainun ꞌën mi ñuixunkë axribi asérabi ꞌikën.

Números 22:10

Kakëxun ka Balaamnën kakëxa: —Ax ka Moab kakë menu ꞌikë aín ꞌapu Balac Sipornën bakë bëchikë an ꞌë kanun xukë ꞌikën.

Números 22:20

Kakë a imë́ ka Diosan ami mërakin Balaam kakëxa: —A unibu mi bitsi uan kamina nirukiani abë kuanti ꞌain. Aínbi kamina ꞌën mi kakësabiokinshi ꞌati ꞌain.

Números 22:8

Ñuixunkëxun ka Balaamnën kakëxa: —Ënu kamina ënë imë́ ꞌuxti ꞌain, ënë imë́ kara Nukën ꞌIbu uisakin ꞌë kati ꞌikë kixun ñukátamainun. Ësokin kakëx ka Moabitanën xukë aín kushikama anu bërúakëxa.

Mateo 24:24

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Cana ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan ainan ꞌinun caíscë unicamaribi paránti sinánuxun ꞌaia.

Mateo 7:22

Anun ënë nëtëcama cëñúcë nëtën ca ꞌitsa unin ꞌë cati ꞌicën: Mix nun ꞌIbu ꞌain cananuna min cushínbi bana ñuixuan, min cushin ñunshin ꞌatima uninua chiquíanan cananuna min cushin uni itsin ꞌacëma ñu ꞌan.

Juan 11:51

Usai qui ca anbi sinani quiáma ꞌicën; ax a barin judíos sacerdotenën cushicaman ꞌapu ꞌixun ca Nucën Papa Diosan sinánmicëxun —judíos unicamaxa asábi ꞌinun ca Jesús bamati ꞌicë —quixun judíos ꞌapucama cacëxa.