Números 22:7 - Kashibo-Kakataibo Biblia

⁷ Ësokin kamia ka Moabnu ꞌikë aín kushibu ꞌimainun Madiánu ꞌikë aín kushibu anribi anun Israel kama ꞌatima okin sinánxunia kupíoti kuríki buani kuanxun uinu kara Balaam ꞌia anu bëbaxun Balacnën kakë banakama ñuixunkin kakëxa.

Números 22:7 Iomraidhean Croise

Isaías 1:23

Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Números 22:8

Ñuixunkëxun ka Balaamnën kakëxa: —Ënu kamina ënë imë́ ꞌuxti ꞌain, ënë imë́ kara Nukën ꞌIbu uisakin ꞌë kati ꞌikë kixun ñukátamainun. Ësokin kakëx ka Moabitanën xukë aín kushikama anu bërúakëxa.

Números 23:23

Jacobnën rëbúnki Israel unibukama ka ñunshinan aín kushin ꞌanun ꞌamikëxunbi uisabi otima ꞌikën; Israel unibu ka ñubë́ unikaman uisabi oima. ¡Usa ꞌaish ka bërí Israel unikama ësakin kaisa ꞌikën Uiti ñu upí ishi kara Diosan mitsu ꞌaxuanxa kixun!

Números 24:1

Usa ꞌaínbi ka Balaamnën Nukën ꞌIbun iskëxa an Israel unibu upíokin sinánxunkë ax asábi ꞌikë ꞌunánkëxa, usa ꞌain ka amiribishi nëtë itsin kuakësa okin Diosan usaía ꞌiti ñukama ñuikin kakëxun kuatëkëni kuanma ꞌikën, kuantëkënkima ka anuxunbi anu uni ꞌikëma me ami bësukinshi isakëxa.

Romanos 16:18

Usa unin ca Nucën ꞌIbu Jesucristo cuëëncësabi oquin ꞌaquinma aín cuëëncësa oquinshi ꞌaia. Atux ca an Nucën Papa Diosan bana upí oquin ꞌunáncëma unicamabë upiti banaibi cëmëia. Usaquin paránquin ca aín bana cuanun uni sinánmia.

Tito 1:11

A unicaman ca curíqui biti cupíshi unicama parántisa tanquin bëtsi bana ñuixunquin, bëtsi bëtsi uni ꞌimainun aín xubunu ꞌicëcamaribi, atun sináncësa oquian sinánun quixun sinánmia. A unicama camina amiribishi uni parántëcëanxma ꞌinun cati ꞌain.

2 Pedro 2:15

A unicaman ca Nucën Papa Diosan bana quicësabi oquin ꞌaquinma ñu ꞌatima ꞌaia. Usa ꞌaish ca Balaam, Beornën bëchicë, axa ꞌiásaribiti ꞌia. Balaanën ca an Nucën Papa Dios quicë bana uni ñuixuncë uni ꞌixunbi curíqui biti sinánxun ñu ꞌatima ꞌati sináncëxa.

Judas 1:11

A unicaman ñu ꞌatima ꞌacë cara Nucën Papa Diosan uisoti ꞌicën. Cainan ñu ꞌatima ꞌásaribi oquin ꞌanan ca Balaam an ꞌásaribiquin curíqui biti sinánxun ñu ꞌatima ꞌaia. Coré ax ca Nucën Papa Diosan cacëxuan Moisésnën ñuicë bana cuaisama tanquin, uni raíri Moisésmi nishquin tsuáquirumicë cupí, bamacëxa. Cain, Balaam, Coré, acamaxa ꞌiásaribiti ca a unicama cënúti ꞌicën.