Números 22:41 - Kashibo-Kakataibo Biblia

⁴¹ Usakin ónkë pëkarakëbëtan ka Balacnën bibiankin Balaam matán me Bamot-baal kakë anu mapërakëxun kamaira iskinmabi anua Israel unikama bukukë aín xubu ismiakëxa.

Números 22:41 Iomraidhean Croise

Jeremías 19:5

ꞌAnan ka anuxun atun bakë bëchikëkama Baal kakë atun dios a ꞌaímai këñutanun xaroxunti ꞌakëxa, ꞌaínbi kana usakia ñu ꞌanun káma ꞌain, ꞌianan kana ꞌënbi usakin ka ñu ꞌati ꞌikë kixun sinánma ꞌain.

Números 22:40

kuanx aín ꞌikënu bëbaxun ka Balaam ꞌimainun abëa kuankë aín kushibu pimitia vaca ꞌimainun ovejakama an ñu mëëxunkë unikaman rëxun piti ꞌabiankin buánxunun kamiakëxa.

Números 23:1

Istánkëxun ka Balaamnën kakëxa: —Ënu kamina mapai achúshi ꞌimainun rabë́ okin maxá, maburukin anuxun ñuina xaroti ꞌë ꞌaxunti ꞌain. ꞌAtankëxun kamina mapai achúshi ꞌimainun rabë́ vaca bëna ꞌimainun mapai achúshi ꞌimainun rabë́ carneroribi ꞌë mëníoxunti ꞌain.

Números 23:13

Usai kiabi ka Balacnën amiribishi katëkëankëxa: —Amanuribi ꞌëbë kuanxun, kamina anuxun anua ꞌikankë a kamaira iskimabi aín kuainakëkë ashi isti ꞌain. Anuxun iskin kamina ꞌatima okin atu sinánxunti ꞌain.

Deuteronomio 12:2

Usa ꞌain kamina a menu ꞌikë unikama abë ꞌakanankin këñutankëxun anuxuan atun dios a rabikë, ain bashi, matá me ꞌimainun in papa pëñanakëkë a tëmúxuan atun, dios rabikë akama këñuti ꞌain.