Números 22:23 - Kashibo-Kakataibo Biblia

²³ Bain kuankinbi ka burron Nukën ꞌIbun ángel aín manë xëtokë tuíanx bai nëbëtsi nikë isakëxa, isi ka anúan kuankë bai a ꞌimainun amo ki abákëxa; abatia okin ka bainubi kuantëkënun kixun Balaamnën aín burro mëëakëxa.

Números 22:23 Iomraidhean Croise

2 Reyes 6:17

Ësokin katankëxun ka Eliseonën Dios ësokin abë banakin kakëxa: “ꞌËn kana ësokin mi ñukatin, ꞌËn ꞌIbu an ꞌë ñu mëëxunkë uni kamina bërí min ismiti ꞌain.” Kixun kakëxun ka Diosan Eliseo an ñu mëëxunkë uni ismiakëxa, ismikëxun ain bashikama anua Diosan suntárukaman tsi rëkirukësa ꞌixun bëararakë isakëxa.

Números 22:22

Kuanía aín burronu ꞌirukiani kuankëbë ka an ñu mëëxunkë uni rabë́ axribi abë kuankëxa. ꞌAínbi ka Nukën ꞌIbu kuania oi ꞌitsaira ami nishakëxa. Usaia nishkëbë ka aín ángel anúan kuankë bai anun inútisama okin bëarati nirakëakëxa.

Números 22:24

Usokëbë ka Nukën ꞌIbun ángel anúan kuankë bai kuëbí ñu ꞌapákë amo rabë́ maxá chaiorukin kënëkë nëbëtsi nirakëakëxa.

Hechos 22:9

Usaquian ꞌë cacëbëtan pëquia isquinbi ca axa ꞌëbë cuancë unicaman ꞌëbëa banaia cuama ꞌicën.

Josué 5:13

Achúshi nëtë́n Jericó ꞌurama ꞌixun ka Josuénën, ami achúshi uni aín manë xëtokë tuianx a bëmáno nikë isakëxa. Isi a ꞌurama obiani kuankin ka ñukákëxa: —¿Mix karamina nubë ꞌikë kama a ꞌain, ama ꞌaish kaina numi nishkë unikama a ꞌain?

2 Pedro 2:16

An cacëxunbia aín bana cuacëma cupí ca Nucën Papa Diosan, ñu ꞌatima ꞌaxunma ꞌanun quixun anúan cuancë aín burro bëaracëxa. Bëaracëx Nucën Papa Diosan ꞌimicëx, uni ꞌicësari banaquin, ca aín burron Balaam sinanamiacëxa. A unicamax ca Balaam ꞌiásaribiti ꞌia.

Judas 1:11

A unicaman ñu ꞌatima ꞌacë cara Nucën Papa Diosan uisoti ꞌicën. Cainan ñu ꞌatima ꞌásaribi oquin ꞌanan ca Balaam an ꞌásaribiquin curíqui biti sinánxun ñu ꞌatima ꞌaia. Coré ax ca Nucën Papa Diosan cacëxuan Moisésnën ñuicë bana cuaisama tanquin, uni raíri Moisésmi nishquin tsuáquirumicë cupí, bamacëxa. Cain, Balaam, Coré, acamaxa ꞌiásaribiti ca a unicama cënúti ꞌicën.