Números 21:7 - Kashibo-Kakataibo Biblia

⁷ Usokëbë anua ꞌikë anu kuanxun ka Israel unibunën Moisés kakëxa: —¡Nukamax kananuna Nukën ꞌIbu ñui ꞌatimati bananan mi ñuiribi ꞌatimati banai ꞌuchan! ¡Usa ꞌain kamina Nukën ꞌIbu ënua runu nëtëminun kati ꞌain! Kakëxun ka Moisésnën atun ꞌuchakama tërënxunun Nukën ꞌIbu ñukáxuankëxa,

Números 21:7 Iomraidhean Croise

Génesis 20:17

Usokian kakëxun ka Abrahamnën Nukën ꞌIbu Dios ñukáxuankëxa, ñukáxunkëxun ka Nukën ꞌIbu Diosan Abimélec aín xanukëñunbi pëxkuakëxa. Usokin ꞌanan ka an ñu ꞌaxunkë xanukamaribi tuánun ꞌimiakëxa,

Génesis 20:7

ꞌAínbi kamina bërí, a xanu aín bënë ꞌinántëkënti ꞌain, ax ka an Dios kikë bana ñuixunkë ꞌikën, usa ꞌixun ka an mi ꞌë ñukáxunti ꞌikën, ñukáxunkëx kamina mix upitax tsóti ꞌain; usa ꞌain kamina bëríbi a uni aín xanu ꞌinántëkënti ꞌain, ami ꞌinankëbëma ka min xanu ꞌimainun min xubunu ꞌikë unikamaribi këñuti ꞌikën.

Job 42:10

Usokian an ꞌunánkë unikama ñukáxunkëxun ka Diosan, Job bëráma ꞌiásabi ñuñuira ꞌinun ꞌimitëkëankëxa ꞌimikin ka bëráma ꞌiasamairaia ñuñuira ꞌinun a inumikin rabë́ okin ñu ꞌinantëkëankëxa.

Job 42:8

Usa ꞌain kamina bërí ꞌëx mitsumi nishkë a nëtë́tanun, mapai achúshi ꞌimainun rabë́ vaca bërí kanikë këñun mapai achúshi ꞌimainun rabë́ carnero bibiani uinu kara ꞌën uni Job ꞌia anu a buani kuanti ꞌain, anuxun kamina a ñuinakama rëxun ꞌaímai këñutanun xaroti ꞌain. Usakin ꞌakëbëtan ka ꞌën uni Jobnën mitsu ꞌë ñukáxunti ꞌikën, ñukákëxun kana an ꞌë kakësabiokin, mitsu uisabi otima ꞌain, mitsun kamina asérabi ꞌë ñui upiti banaiman, ꞌën uni Job ax kikësai.

Éxodo 10:17

ꞌaínbi kamina ashikin ꞌëx mimi ꞌuchakë ënë ꞌëbë mëníonankin min Dios ꞌëribi ñukáxunti ꞌain, ñukákin kamina champu ꞌaisamaira ënë kara nëtë́mitima ꞌikë ñukáti ꞌain, nun ñu ꞌapákëkama ka ꞌaisamaira okin këñuia usa aín.

Éxodo 32:11

Ësai nishi kiabi ka abë banakin Moisésnën Dios ësokin kakëxa: ¿Nukën ꞌIbu uisoti karamina min unibu Egipto menua min kushínbi chikínbëtsinkin bëtankëxun min ami nishkin këñuti ꞌain?

Éxodo 32:30

Usakin ónkë pëkarakëbëtan ka Moisésnën unikama kakëxa: —Mitsux kamina ꞌatima ñuira ꞌai chaiira ꞌuchakan, usa ꞌain kana aín bashi mapërakëtankëx Diosbë banai kuanti ꞌain, mitsux ꞌuchakë kupín kara uisokin Nukën ꞌIbun ꞌë kaia kuati kuanti ꞌain.

Éxodo 8:28

Ësakin ka faraónën Moisés kakëxa: —Anu uni ꞌikëma menu kuantankëxun kamina ñuina rëtankëxun min Dios rabi kuanti ꞌain, ꞌaínbi kamina ꞌuraira kuantima ꞌain. ꞌImainun kamina ꞌëribi ñukáxunti ꞌain.

Éxodo 8:4

Usai ꞌika minubi këñuruanan, an mi ñu mëëxunkë min uni kamanubi ꞌiruanan a ëmanu ꞌikë unikamanuribi ꞌashá këñuruti ꞌikën.

Éxodo 8:8

Usai ꞌikëbëtan ka faraónën Moisés ꞌimainun Aarón kamiakëxa, kamikëxa aia ka: —Mitsun ꞌIbu kamina nun menua unikë ꞌashá ënëa nëtëminun ñukáti ꞌain, usakin mi ꞌakëbëtan kana ꞌën min unikama mitsun ꞌIbu rabikin ñuina xaroxuni kuantanun xuti ꞌain.

Jeremías 15:1

Ësakin ka Nukën ꞌIbun ꞌë kakëxa: Mitsun chaitiokë Moisés ꞌimainun Samuelnën ꞌë bëtánain nirakëxun usakin kamina ꞌatima ꞌai kixun kakëxunbi kana ënë unikama nuibatima ꞌain. Usa ꞌain kamina anu ꞌëx ꞌikë ënuax chikíkiania kuantanun ënë unikama kati ꞌain.

Jeremías 37:3

Usa ꞌain ka ꞌapu Sedequíasnën Israel uni rabë́, an bana ñuikë Jeremíasbë banatanun xuakëxa, akamax ka Jucal Selemíasnën bakë bëchikë ꞌimainun sacerdote Sofonías Maaseíasnën bakë bëchikë a rabë́ xukin ka ësokian katánun kakëxa: “Nukama kamina Nukën ꞌIbu Dios ñukáxunti ꞌain.”

Oseas 5:15

Usakin ꞌatankëx kana anu ꞌëx ꞌikë anu, atunbia sinanakin kana ꞌucha kixun ꞌë baritamainun kuanti ꞌain. Tëmërai bënë́kin ka atun ꞌë bariti ꞌikën.”

Números 11:2

Usai ꞌikëbë sharákin ka unikaman Moisés atua ꞌakinun kixun kakëxa, kakëxun ka Moisésnën Nukën ꞌIbu atu ꞌakinun kixun ñukáxuankëxa. Ñukáxunkëbë ka tsi rëkirukësa ꞌinun ꞌikë ax nëtë́akëxa.

Mateo 27:4

ꞌInánquin ca cacëxa: —ꞌËn cana ñancánbi ꞌuchañuma ꞌicëbi a uni mitsu ꞌinan. Usa ꞌaish cana ꞌëx ꞌuchañuira ꞌain. Cacëxunbi ca cacancëxa: —A ñu cananuna nun ꞌunaniman. Ax ca min ꞌuchabi ꞌicën, minbi camina mëníoti ꞌain.

Hechos 8:24

Cacëxun ca Simonan Pedro cacëxa: —Min ꞌë cacë bana usai ꞌëx ꞌiaxma ꞌinun camina mitsun Nucën ꞌIbu Dios ꞌë ñucáxunti ꞌain.

Romanos 10:1

ꞌËn xucë́antu, ësaquin cana mitsu cain, Israel uni judíos unicama Cristomi catamëtia ainan ꞌinun ië́miti cuëënquin cana Nucën Papa Dios ñucáxunin.

Deuteronomio 9:20

ꞌIanan ka Aarón xuamati ami nishkin bamamisa tankëxa, taniabi kana ꞌën anun rabanan në́kin Nukën ꞌIbu kakën;

Santiago 5:16

Usa ꞌain camina mitsúnmi min ꞌatimaquin sináncë a ñuixuananquin abëmi Jesucristomi catamëcë uni raíribë mia usa ñucama mëníoxunun Nucën Papa Dios ñucáxuananti ꞌain. Upíira oquin sinánquin ñucácë cupí ca Nucën Papa Diosan upí oquin uni ꞌaquinti ꞌicën.

1 Samuel 15:24

Ësokian kakëxun ka Saúlnën Samuel kakëxa: —ꞌËn kana Nukën ꞌIbun kakësama okin ꞌai ꞌuchan ꞌimainun kana min kakësokiribi ꞌakëma ꞌain, usa ꞌain kana atumi rakuë́kin añu ꞌanun kara ꞌë kaia usakinbi atu ꞌaxuan.

1 Samuel 15:30

—ꞌËx kana ꞌuchan —kiax ka Saúl amiribishi kítëkëankëxa—. Usa ꞌaínbi kana mi amiribishi katëkënin Israel kaman kushi ꞌimainun kamabi unikaman, ax ka asérabi nun ꞌapu ꞌikë kixun mi sinánun kamina ꞌëbë kuanti ꞌain. Usa ꞌain kamina ꞌëbë kuantëkëntankëxun Nukën ꞌIbu rabi kuanti ꞌain kixun ka katëkëankëxa.