Números 21:6 - Kashibo-Kakataibo Biblia

⁶ Usai kikania kuakin ka Nukën ꞌIbun kamabi uni pitanun axa pianankë runu unimiakëxa, unimikëxuan runun pikëx ka ꞌitsaira Israel unibu këñuakëxa.

Números 21:6 Iomraidhean Croise

Isaías 30:6

Bërí kana ñuinakama Négueb menu ꞌikë akama ñui kin: a mex ꞌatimaira ꞌain ka anu paru ꞌinúankama axa kuëëkë, ꞌimainun runukama ꞌianan kapë́sa ñuina taëñu axa nuánkë akama ꞌikën. Burro ꞌimainun camello kaxunu puruxun ka ñu kupíkë Egipto me anua upa unikama ꞌikë anu buánti ꞌikën,

1 Corintios 10:9

Atúnbi —Nucën Papa Diosan sapi ca nu ꞌatimotima ꞌicë —quixun sinánquin ñu ꞌaisama ꞌatancëxbi ca runun picëx a unicama bamacëxa. A unicamaxa Nucën Papa Diosmi ꞌuchasaribi oi cananuna usaquinribi sinani Nucën ꞌIbu Jesúsmi ꞌuchatima ꞌain.

Deuteronomio 8:15

an ka anu uni ꞌikëma ënën menma kuan ꞌaisama me anua pianankë runu ꞌianan nibanta ꞌëo ꞌimainun ꞌumpax ñuma me anunbi nu bëakëxa, ꞌaínbi ka mapara irunuabi ꞌumpax mitsun xëanun ꞌimiakëxa,