Números 21:5 - Kashibo-Kakataibo Biblia

⁵ bënëti ka Israel unikama Diosmi ꞌatimai bananan Moisésmiribi ꞌatimati banai kiakëxa: —¿Uisati karamina mitsun nu Egipto menua chikínbëtsían? ¿Anu uni ꞌikëma me ënuax këñun karamina nu bëan? ¡Ënë menu ka ꞌumpaxbi ꞌaíma ꞌimainun a pitibi ꞌaíma ꞌikën! ¡Nux kananuna ënë piti ratsushi pi atsani bënëtin!

Números 21:5 Iomraidhean Croise

Éxodo 14:11

Ñukákin ka Moisésribi ësokin kakëxa: —¿Uisati karamina anuaxbi bamanuma Egipto menua nu chikínbëtsinkin anu uni ꞌikëma me ënuax bamanun nu bëan? ¿Añu kupín kaina nu ësokin ꞌan? ¿Uisa kupín kaina nu Egipto menua chikían?

Éxodo 15:24

Usa ꞌain ka Israel unibunëx ñukákanani Moisésmi ꞌatimati banai tsuákirui kanankëxa: ¿Añu ꞌumpax karanuna xëati ꞌain?

Éxodo 16:15

Usai ñu ꞌia iskëma ꞌaish ka Israel unibu ratuti kanankëxa: “¿Añu kara ënëx ꞌik?” Kananiabi ka Moisésnën kakëxa: Ënëx ka Nukën ꞌIbun mitsu piti ꞌinánkë pán a ꞌikën.

Éxodo 16:31

Usa ꞌain ka Israel unibunën bikin a piti maná kakin anëakëxa. Ax ka uxua ꞌaíshbi cilantro kakë ñu bëru uxua usa ꞌaish, buna rëpakëñun mëskuxun pán pikësa ꞌiakëxa.

Números 11:20

Usokin ꞌinánkëxun ka unikaman achúshi ꞌuxë ꞌimikin nami piti ꞌikën, a nami pikëxuan aín rëkinanbi chikíkin namin tënankëx ami kuinsati anábukin istisamatankin ka timati ꞌikën, atúnbi ka ꞌën ꞌakinkëxunbi Nukën ꞌIbu ka nubë ꞌikë kixun sinanima ꞌën kuamainunbi ꞌatimati banai ini kikanxa: ¿Uisakatsi karanuna Egipto menuax chikían?

1 Corintios 10:9

Atúnbi —Nucën Papa Diosan sapi ca nu ꞌatimotima ꞌicë —quixun sinánquin ñu ꞌaisama ꞌatancëxbi ca runun picëx a unicama bamacëxa. A unicamaxa Nucën Papa Diosmi ꞌuchasaribi oi cananuna usaquinribi sinani Nucën ꞌIbu Jesúsmi ꞌuchatima ꞌain.