Números 20:8 - Kashibo-Kakataibo Biblia

⁸ —Min tsati bikin kamina min xukën Aarónën mi ꞌakimainun unikama timë́ti ꞌain. Timë́këbëtan kamina atun ismainunbi min tsati bikin ꞌumpax anuax chikínun mapara kati ꞌain, kakëxa anuax ꞌumpax chikitia kamina isti ꞌain, isia ka unikaman xëamainun atun ñuinakamanribi xëati ꞌikën.

Números 20:8 Iomraidhean Croise

Génesis 18:14

¿Nukën ꞌIbun ꞌakasmati ñu kara ꞌaíma ꞌik? bëtsi bari ꞌirukëbë kana ꞌëx mi istëkëni uti ꞌain, ꞌimainun ka Sara achúshi tuáñu ꞌiti ꞌikën kixun ka kakëxa.

Nehemías 9:15

ꞌImainun kamina naínu ꞌikë pán ꞌakëñuma ꞌixuan pinun ꞌinánan ꞌumpaxribi maparanua shióbutia shimaxun xëanun ꞌinánkën. Usokin pain ꞌatankëxun kamina a ꞌinánkatsi kixunmi nun chaitiokëkama ká me a bitsia anu kuanun atu ꞌimiakën.

Salmos 105:41

ꞌImainun ka mapara panarabëkëbë anuax ꞌumpax chikíakëxa chikiti ka anu uni ꞌikëma memi ki baka rarasa ꞌinun ꞌumpax rakakëxa.

Salmos 33:9

An ka aín banakë anuinshia kamabi ñu uninun ꞌimiakëxa; ꞌianan ka ax usai ka ꞌiti ꞌikë kikëbë ñukamax usaibi ꞌiakëxa.

Éxodo 14:16

Min kamina min tsati bikin parúmpapa paná rabëtanun amiokin sananti ꞌain, anúan israel unibu kuantanua me rakati ëskitanun.

Éxodo 17:9

Usai atubë ꞌakanani aia kuakin ka Moisésnën an ꞌakinkë uni Josué a kakëxa: —Bërí kamina uni ax ꞌakanainsabi kaisti ꞌain, kaisbiani kuanx kamina amalecita uni kamabë ꞌakanani kuanti ꞌain. ꞌËx kana imëishi pëkarakëbë kuantakëx aín bashi mapërakëtankëx anuxun ꞌën tatsi anun Diosan ñu ꞌanun kakëxun ꞌakë ënë manámi okin tuíanx nitsi kuanti ꞌain.

Éxodo 4:17

Usa ꞌain kamina min tsati bibiani kuantankëxun anunbi ꞌën mi ꞌanun kakë usakinbi, atun uínsaranbi isama ñukama a isia rakuë́ë kantanun ꞌati ꞌain.

Éxodo 4:2

—¿Añu kara min mëkënumi tuinkë ax ꞌik? —kixun ka Nukën ꞌIbun ñukákëxa. —Ënëx ka achúshi tsati ꞌikë —kixun ka Moisésnën kakëxa.

Éxodo 4:20

Usakian kakëxun ka Moisés aín xanu ꞌimainun aín bëchikëkama burronu ꞌarubiani Egipto menu kuankëxa. Kuani ka aín tsati anúan Diosan ꞌamikëxun bëtsi ñu ꞌakë a buani kuankëxa.

Éxodo 7:20

Usakian Nukën ꞌIbun kakëxun ka Moisés ꞌimainun Aarónën an kakësabiokin ꞌakëxa. ꞌAkian Aarónën aín tsati birukin anun baka rishkikëbëishi ka ꞌumpax faraón ꞌimainun aín unikaman ismainunbi imi ꞌiakëxa.

Isaías 43:20

Usakin ꞌaia ka ñuina raëkëma, an ñuina bamakë ꞌain nami pikë ñuina chabu a ꞌimainun, ñuina pëchiñu avestrus kakë akamanribi ꞌë rabiti ꞌikën, usa ꞌain kana ꞌën anu uni ꞌikëma menu ꞌumpax kushiira chikiti manámi ki ꞌinun ꞌimin, ꞌimianan kana me anu ñu ꞌirukëmanu bakakama ꞌimin, ꞌimia ka ꞌën kaískë unikaman a ꞌumpax xëati ꞌikën,

Números 20:11

Ësokin kakinshia Moisésnën aín tsati manámi okin rabë́okin mapara taxkakëxa, taxkakëbëshi ka mapara mëuküax chaiira ꞌinun tanpëkuatsini ꞌumpax chikíakëxa. Usai ꞌia ka unikaman atun ñuina kamabëtan ꞌumpax xëakëxa.

Números 20:7

usai mërakëbëtan ka Nukën ꞌIbun Moisés kakëxa:

Mateo 21:21

Cacëxun ca Jesusan cacëxa: —ꞌËn cana asérabi mitsu cain, Nucën Papa Diosax ca cushiira ꞌianan ca ax quicësabi oquin ꞌaia quixun ꞌunáncë ꞌixun camina —ca ꞌatima ꞌicë —quixun sinánquinma —ca asérabi ꞌati ꞌicë —quixun sinánti ꞌain. Usaquin sináncë ꞌixunmi ꞌën ënë higuera ꞌacësoquinshi ñu ꞌaquinma ënë matáribi “ënuax ca parúmpapanu racati cuantan” quixun cacëx ca usai ꞌiti ꞌicën.

Lucas 11:13

Mitsux ꞌatima uni ꞌixunbi camina mitsun bëchicë upí ñu ꞌinanin. Mitsúnmi ꞌacësamaira oquin ca Nucën Papa Dios naínu ꞌicë, an a ñucácë uni aín Bëru Ñunshin Upí abëa ꞌinun ꞌinánti ꞌicën.

Juan 16:24

ꞌËnan ꞌixunbi camina ꞌëx quicësabi oquin añu ñubi Nucën Papa Dios ñucácancëma pain ꞌain. Ca ñucát. Ñucácëxun ca cuëëinra cuëënun an mitsu ꞌaxunti ꞌicën.

Hechos 1:14

A unicamax ca atúxa ꞌicësabi oi ꞌi, Jesusan xucë́antu ꞌimainun aín tita María ꞌimainun bëtsi xanucamabëribi timë́ax ami sinani Nucën Papa Diosbë banacëxa.

Josué 6:20

Usai ki Josué sënë́nkëbëtanshi ka aín carnero mancha banokankëxa. Bana oia kuatishi ka Israel suntárukamax, munuma kuënkëni sharati kikankëxa. Kikëbëshi ka ënën menma buinarakin ëma kënëarakë ax rurukubuakëxa. Usaia ꞌikëbë ami kikiani abákiani kuankin ami bëbarukin ëma ꞌibuakankëxa.

Josué 6:5

Usakin banokian aín sënë́nkë a upíira ꞌinun tsiskëpakin ꞌaia kuatia kushiira kuënkënkankëbë ka anun ëma bëararakin kënëara ax rurukubuti ꞌikën. Usai ꞌia isi ka suntárukama ëmami kikiani kuanti ꞌikën.

Apocalipsis 22:1

Usaquin ꞌë ismitancëxun ca angelnën anua Nucën Papa Dios ꞌimainun Carnero ꞌicësaribitia unin ꞌucha cupí bama, ax ꞌicë, anuaxa baca aín ꞌunpax bëxnan bëxnánquicë chiquitia ꞌë ismiaxa.

Apocalipsis 22:17

Usoquin caia ca Carnero ꞌicësaribitia unin ꞌucha cupí bama, Cristo, amia ax catamëcë unicamabëtan Nucën Papa Diosan Bëru Ñunshin Upitan —bënëtishi ca ut —quixun a caia. An atun bana cuacë unicamanribi ca —bënëtishi ca utëcën —quixun a cati ꞌicën. Shimaia uni ꞌunpax ꞌacatsi bënë́cësa usaribitia ax Jesuscristonan ꞌicatsi bënë́cë uni, an ca ami catamëquin Jesucristo —ëx cana minan ꞌiisa tani —quixun cati ꞌicën. Usaía ꞌia ca Cristonën ainan ꞌimianan xënibua ꞌaínbi abë ꞌinun ꞌimiti ꞌicën, cupímashi.