Números 20:6 - Kashibo-Kakataibo Biblia

⁶ Usai kia kuakin atu ëbiani ꞌuri kuanx ka Moisés ꞌimainun Aarón xubusa okin chupa ꞌakë aín xëkuënu, nukutishi rantinpuruni aín bëmánanën me tikai tsóbuakëxa. Usaia ꞌikëbë ka Nukën ꞌIbu kushi ichuti mërakëxa,

Números 20:6 Iomraidhean Croise

Éxodo 16:10

Kixuan Aarónën atu kakëxun kuakian Israel unikaman bukuxun anu uni ꞌikëma me au bësukin iskankëxbi ka bënëtishi nëtë kuinsa mëuxuan, Nukën ꞌIbun ain kushin barin ꞌakësamaira okin pë́kakëx ichutia iskankëxa.

Éxodo 17:4

Usakian kakëxun ka Moisésnën ꞌakinun kixun Nukën ꞌIbu ñukákin kakëxa: —¿Añu karana ꞌën ënë unikamabëtan ꞌati ꞌain? Atun ꞌë maxaxan ꞌakin rëkanti ka ꞌuramara ꞌikën, kixun ka Moisésnën kakëxa.

Números 12:5

Kuankëbë ka Nukën ꞌIbun xubusa okin chupa ꞌakë aín xëkuë manámi anu kuin xapu unënkësa ꞌinua këxtuira ꞌinun ꞌibúkë anu ubúakëxa, ubuxuan anuxun kuënkëx ka Aarón ꞌimainun María anu kuankëxa,

Números 14:10

Ësakin kakëxun kuankin ka Israel unikaman a rabë́ maxaxan rëisatankëxa. Usakin ꞌaisa tankëbëbia xubusa okin chupa ꞌakë anuax, Nukën ꞌIbu kushi ichuti atumi chikirakëtia ka Israel unikaman isakëxa.

Números 14:5

Ësai atux kia kuati ka Moisés ꞌimainun Aarón rantinpuruni atubë kuëbikanantisama tani aín bëmánanën me tikai anua Israel unibu timë́kë atun ismainunbi ꞌiakëxa,

Números 20:7

usai mërakëbëtan ka Nukën ꞌIbun Moisés kakëxa:

Mateo 26:39

Cabiani ꞌurira cuani memi bëúmpucuti racábuquin ca aín Papa Dios cacëxa: —Papan, mix cuëëncëbëtan cana ꞌën bërí paë tantima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.