Números 20:2 - Kashibo-Kakataibo Biblia

² Usai atux a menu aínbia a xëati ꞌumpax ꞌaíma ꞌain ka Moisés ꞌimainun Aarón ñui sharati banai ki kamabi uni timë́kankëxa,

Números 20:2 Iomraidhean Croise

Éxodo 16:12

—ꞌËn kana Israel unibu ꞌë ñui ꞌatimai banaia kuan. Usa ꞌain kamina ësokin a unikama kati ꞌain: Xupibukëbëtan kana a piti nami mitsu ꞌinánti ꞌain. ꞌImainun kana ënë pëkarakëbëtan anun puchakimi pikanun pán mitsu ꞌinánti ꞌain. Usakin ꞌakin kamina ꞌëx kana min Dios ꞌai kixun ꞌunánti ꞌain.

Éxodo 16:2

Usa ꞌain ka anu uni ꞌikëma menuax Israel unibu Moiséskëñun Aarón kuami kikankëxa.

Éxodo 16:7

ꞌanan kamina imë́ishi pëkarakëbëtan ka Nukën ꞌIbun ain kushin usakin ñu ꞌaia kixun mitsun isti ꞌain; an ka mitsun ꞌatimai ami banakankëxun kuaxa. ¿Uisa kupín karamina mitsun nux karanuna ui ꞌai kixun ꞌunánima banain?

Números 14:2

Usai ꞌi ka kamáxbi atux Moisés ꞌimainun Aarón ñui ꞌatimati banai kanankëxa: “¡Uisa ꞌaish karanuna Egipto menuaxbi këñutima, anu uni ꞌikëma me ënuax bamai këñuti uakën!

Números 14:9

Usa ꞌain kananuna nun Nukën ꞌIbumi ꞌatimakin ñui, a menu ꞌikë unikamami uakamë iëoia rakuë́tima ꞌain, akamax ka nux ami rakuë́tisama ꞌikën; ꞌianan ka an atu ꞌakinti ꞌaíma ꞌikën, nux kananuna an nu ꞌakinti Nukën ꞌIbubë ꞌain. ¡Usa ꞌain kamina rakuë́tima ꞌikanin!

Números 21:5

bënëti ka Israel unikama Diosmi ꞌatimai bananan Moisésmiribi ꞌatimati banai kiakëxa: —¿Uisati karamina mitsun nu Egipto menua chikínbëtsían? ¿Anu uni ꞌikëma me ënuax këñun karamina nu bëan? ¡Ënë menu ka ꞌumpaxbi ꞌaíma ꞌimainun a pitibi ꞌaíma ꞌikën! ¡Nux kananuna ënë piti ratsushi pi atsani bënëtin!