Números 20:19 - Kashibo-Kakataibo Biblia

¹⁹ Kixun kakëxunbi ka Israel unikaman amiribishi katëkëankëxa: —Anun kuanunmi nu kakë bai cha anuinshi kuankin min me naëkë kamanua ꞌumpax mëraxun xëanan nun ñuinakama xëamixun kananuna mi kupíoti ꞌain. Usa aín kananuna min me ënuaxëshi bënëkiani kuanti ꞌain.

Números 20:19 Iomraidhean Croise

Éxodo 12:38

Kuankëbë ka atubë bëtsi bëtsi menu ꞌikë unikamaxribi kuankëbë ꞌaisamaira uni kuankin atun ꞌarakakë ñuina ovejakama vacakama buánkëxa.

1 Samuel 6:12

ꞌArukin sënë́onkëbë ka vaca rabë́ ax Bet-semes kakë menu anun kuanti bain ami kikiani ꞌain tuá kuëëni vaca ꞌinkësai ꞌikiani kuani, amo pátsinima a puntëishi kuankëxa. Kuamainun ka mapai achúshi filisteo ꞌapukama ax, a kaxú kuani Bet-semes kakë me sënënakëkë anu a nuibiani kuankëxa.