Números 20:16 - Kashibo-Kakataibo Biblia

¹⁶ usakin ꞌakëxun kananuna Nukën ꞌIbu nu ꞌakinun kixun sharákin ñukákën, ñukákëxun kuankin ka aín ángel achúshi Diosan xuakëxa, xukëxun ka Egipto menua nu chikíankëxa. Usa ꞌain kananuna bërí, Cadés kakë ëma anua min me sënënakëkë anu ꞌain.

Números 20:16 Iomraidhean Croise

Éxodo 14:10

Atu nukui kuania faraón ꞌimainun egipcio suntárukama ꞌaisamaira kiania ꞌurakëo isi ka Israel unibu ratuti ꞌitsaira rakuë́akëxa, rakuëkin ka munuma banakin Nukën ꞌIbu atu ꞌakinun kixun ñukákankëxa.

Éxodo 14:19

Usai israel unibu kuani parúmpapa abu kikiani kuankëbë ka Diosan ángel rëkuë́nkiankë ax atu kaxú tsianakëxa, tsianakëbë ka usaribiti nëtë kuin rëkuë́nkiankë axribi suntárukama a bëarati Israelkama kaxú tsianakëxa.

Éxodo 33:2

ꞌËn ángel kana an mitsu kuania rëkuëonxun buánti xuti ꞌain. ꞌImainun kana ꞌën a menua ꞌikë ëmakama cananeos, amorreokama, hititas, ferezeos, heveos ꞌimainun jebuseos akaman menumi mitsux bukunun chikínti ꞌain.

Éxodo 6:5

Usa ꞌain kana Israel unikamax bërí ꞌitsaira tëmëraia ꞌunan, ꞌimainun ka egipcio unibunën ñu mënun ubíokin ꞌamia, usa ꞌain kana ꞌën unikamabë mënionani kia a sinan.

Daniel 6:22

ꞌËn Diosan ka ꞌë uisabi oima paru ꞌinúankama kuëëtsë́kinun an ꞌimiti ain ángel xuaxa, Diosan ka ꞌëx kana uisa ñu ꞌatimabi ꞌakëma ꞌai kixun ꞌunánan ꞌën kana uisa ñu ꞌatimabi mix ꞌapu ꞌikë ꞌaxunkëma ꞌai kixun ꞌunánxa.

Números 20:15

Nun chaitiokëkamax ka Egipto menu kuanx anu ꞌitsa baritia tsóakëxa, ꞌaínbi ka egipcio unibunën atu ꞌasaribiokin nuribi ꞌatima okëxa, nun chaitiokëkama ꞌasaribiokin;

Deuteronomio 4:34

¿Anu kara bëtsi dios an ëma achúshi kaískin bëtsi ëmakama nëbë́tsinuxun, ꞌitsaira ñu ꞌanan atun iskëma, bëtsi bëtsi ñu ꞌakin atu rakuëmikin aín kushínbi Egipto menuxun nukama chikínbëtsinkin Diosan bëa usaribi okin ꞌakë ꞌiti ꞌik?

Deuteronomio 4:37

An ka nun chaitiokëkama nuibakëxa, ꞌimainun ka aín rëbúnkikamaribi ainan ꞌinun kaískin, aín kushínbi Egipto menua chikíankëxa.