Números 20:14 - Kashibo-Kakataibo Biblia

¹⁴ Usa ꞌain ka Moisésnën Cadés, kakë me anuxun Edom kakë menu ꞌikë ꞌapu ësokin katánun uni xuakëxa: “Min aintsi israel unikaman ka ësokin mi kanunkixun nu xuaxa: Minbi kamina upíokin ꞌunan nukamax kananuna ꞌaisamaira tëmërai kixun.

Números 20:14 Iomraidhean Croise

Génesis 25:23

usakian ñukákëxun an kakëxa: “Min pukumëu ka tuá rabë́ ꞌikën, ax ka rabë́ ëma ꞌiti ꞌikën, usa ꞌaish bakënkëma ꞌaíshbi ubionania. Achúshinëx ka kushiira ꞌaish bëtsisama ꞌiti ꞌikën, aín apan ax ka aín ꞌanáka meu ꞌiti ꞌikën, usa ꞌain ka ꞌanáka ax kushiira ꞌinuxun ꞌaia.”

Génesis 25:25

A paian Rebeca bakënkë ax ka ranshin ꞌaish raninbaë ꞌiakëxa, usa ꞌikë ka a tuá Esaú kakin anëakëxa.

Génesis 25:26

Usai ꞌikin aín apan Esaú aín taë tsiputu tuinbëtsini aín ꞌanáka chikíakëxa, usaía ꞌikë a ka Jacob kakin anëakëxa. Usaia aín xanu Rebeca a tuá rabë́ bakënkë ꞌain ka Isaac ax setenta baritiañu ꞌiakëxa.

Génesis 32:29

—Bërí kamina ꞌë kati ꞌain, uisakin anëkë karamina mix ꞌain —kixun ka Jacobnënribi ñukákëxa. ꞌAínbi ka uni an kakëxa: —¿Uisoti karamina ꞌën anë ꞌë ñukatin? Usokin kakëxun anuxun upíokin sinánxunbiani ka a uni kuankëxa.

Amós 1:11

Ësai ka Nukën ꞌIbu kia: “Edomnu ꞌikë unikaman ka ꞌitsaira ꞌaisama ñu axa, usa ꞌikë kana ꞌaimama ꞌikima atu tëmëramiti ꞌain; atun ka nuibakinma aín manë xëtokë tuínxun aín xukë́n Israel unikama nuibianxun ꞌakëxa. Usakin ꞌai ka kana nuibati ꞌai kixun sinanima atumi nishakëxa.

Malaquías 1:2

Ësai ka Dios kia: ꞌËn kana mitsu nuibatin. ꞌAínbi kamina mitsun ësokin ꞌë kain: ¿Uisaxun karanuna min kamina nukama nuibati kixun ꞌunánti ꞌain? Kakëxun ka Diosan atu kaia: ꞌËn kana mitsu xukë́n rabë́ ꞌikëbi nuibakën, nuibakin kana Esaú ꞌimainun Jacob aira abëtan ñu ꞌati kuëënxun nuibakën,

Números 13:26

Cadés kakë anu uni ꞌikëma me Parán anubi rikuatsiankëxa. Anu ka Moisés, Aarón ꞌimainun kamabi israel unibu ꞌiakëxa. Anu bëbatankëxun ka uisa kara a mekama ꞌiaxa a ꞌimainun an buánkë bimi akama ismianan a menu ꞌikë unibu isbiankë akamabi Moiséskëñun israel unibu ñuixuankëxa.

Números 20:15

Nun chaitiokëkamax ka Egipto menu kuanx anu ꞌitsa baritia tsóakëxa, ꞌaínbi ka egipcio unibunën atu ꞌasaribiokin nuribi ꞌatima okëxa, nun chaitiokëkama ꞌasaribiokin;

Números 20:22

Usokian ꞌakëx ka kamabi Israel kama Cadés kakë me anu paían ꞌikë anuax chikíkiani Hor kakë aín bashi ami kikiani kuankëxa.

Josué 2:10

Nun kananuna ꞌunanin mitsux Egipto menuax chikíküatsini ukëbëtan ka Diosan anun sikarakënun parúmpapa xónsa kakë a aín nëbë́tsi ëski panárabënun ꞌimiakëxa. ꞌImainun kananuna ꞌunanin mitsun kamina Sihón ꞌimainun Og, amorreo kakë unibunën ꞌapu rabë́ axa Jordán kakë baka ꞌukëmanan bukukë a aín unikama këñunbi maërakatanun këñuakën.

Josué 2:9

ꞌËn sinánkëxun ka Nukën ꞌIbun mitsunan ꞌinun ënë me mikama ꞌinánti ꞌikën, usa ꞌain kananuna nukamax ꞌitsaira rakuë́tin. Usa ꞌain ka axa ënë menu tsókë unikama mitsux ukë kuati rakuëtan bamaia.