Números 14:9 - Kashibo-Kakataibo Biblia

⁹ Usa ꞌain kananuna nun Nukën ꞌIbumi ꞌatimakin ñui, a menu ꞌikë unikamami uakamë iëoia rakuë́tima ꞌain, akamax ka nux ami rakuë́tisama ꞌikën; ꞌianan ka an atu ꞌakinti ꞌaíma ꞌikën, nux kananuna an nu ꞌakinti Nukën ꞌIbubë ꞌain. ¡Usa ꞌain kamina rakuë́tima ꞌikanin!

Números 14:9 Iomraidhean Croise

Génesis 48:21

Usakin katankëx sënë́nkin ka José kakëxa: —Ka kuat, ꞌëx kana ñuti ꞌurama ꞌain; usa ꞌaínbi ka Nukën ꞌIbu Dios ax mitsubë ꞌixun ka amiribishi min chaitiokëkama anu tsóa me anubi mi buántëkënti ꞌikën.

Nehemías 4:14

Usai anun ꞌakánanti biaxi rakuë́tia kana nirukin, aín sinan mëninshi unikama ꞌianan an ëmanuxun bana mëníokë unikama ꞌimainun raíri unikama ësokin kakën: “Nux kananuna atumi rakuë́tima ꞌain. Rakuë́kinma kamina mitsun sinánti ꞌain Dios ax kushiira ꞌianan chaiira ꞌixun ka atu rakuëmiti ꞌikën, ꞌimainun ka an mitsun bakë bëchikë bëbukama ꞌianan ꞌini bëchikë xanukama ꞌimainun mitsun xanukama këñunbi mitsun ëma upí ꞌinun bërúanti ꞌikën.”

Salmos 121:5

Nukën ꞌIbu ax ka an mi bërúankë a ꞌikën; usa ꞌixun ka Nukën ꞌIbu an uisaibi ꞌisama okin mi bërúankin ꞌakinia, uin kara an ꞌakësaribi okin mi rapasu ꞌixun ka mi ënkinma ꞌakinti ꞌikën.

Salmos 14:4

An ñu ꞌatima ꞌatishi sinánkë unikaman ka bana kuatima, usa ꞌixun ka atun pán unin pikësa usaribi okin ꞌën unikama këmëkin ꞌaia, usakin ka an Dios rabikëma unikaman ꞌaia.

Salmos 46:11

¡Kamabi kushiiñu Nukën ꞌIbu ax ka nubë ꞌikën! ¡Usa ꞌaish ka Jacobnën Dios ꞌiá ꞌaish nun Diosribi ꞌixun nu ꞌakinia!

Salmos 46:7

¡Nukën ꞌlbu kamabi kushiñuira ax ka nukamabë ꞌikën! ¡Jacobnën rabia Dios ax ka aminu katamëkë ꞌikën!

Salmos 46:8

Rikuatsinxun kamina ñukama chaiirabu, kamabi menu Nukën ꞌIbun ꞌakëkama a isi uti ꞌain:

Salmos 91:1

Uix kara Dios kamabi kushiñuira ꞌianan, manámi ꞌikë an bërúankë an ka

Éxodo 14:13

Usai kikaniabi ka Moisésnën kakëxa: —Kamina rakuë́kantima ꞌain. Mitsun kamina ꞌatima okin sinánkima chuámashirua tankin bëría Nukën ꞌIbun mitsu ꞌiëminuxun ñu ꞌaia isti ꞌain, uínsaranbi kamina egipcio unikama amiribishi bërími iskankësa okin istëkënxuma ꞌain.

Éxodo 33:16

Mixmi nubë kuankëbëtama kara uisaxun, ¿min uni Israelkama ꞌimainun ꞌënribi min kamina nu nuibakin ꞌakini kixun ꞌunánti ꞌain? Usakin min unikama ꞌimainun ꞌë ꞌakinkëx kananuna bëtsi menu ꞌikë unikamasamaira ꞌiti ꞌain.

Isaías 1:2

Kamabi ñu axa naínu ꞌikë ꞌimainun menu ꞌikë an ka Nukën ꞌIbu Dios ax ka ësai kiaxa kuati ꞌikën: “ꞌËn kana ꞌën bakë bëchikë bëbukama ꞌimainun xanukama chatanun kanioruakën, ꞌaínbi ka atux ꞌën bana kuaisama tani ꞌëmi nishakëxa.

Isaías 32:2

Usa ꞌaish ka atu achúshi achúshinëx suñu bëki nëtë masá kuatsinkëbë ñumi katamëkë usaribi ꞌiti ꞌikën, ꞌianan ka xëxá ꞌumpax shióbukian me ëskikë chabóti ꞌakë ain baí usaribi, ꞌianan anu uni ꞌikëma menua mapara chaiira an tupë́onkë ꞌain barin xarokëx ami katamëkë usaribi ꞌikanti ꞌikën.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 41:14

Ësai ka Nukën ꞌIbu asérabi kiakëxa: “Israel unikama Jacobnën rëbúnki ꞌitsamara ꞌaish kushimarasa unin iskëbi rakuëtima, ꞌaínbi kamina mitsux rakuë́tima ꞌain. ꞌËn kana mitsu ꞌakinin. ꞌËx Israel unikaman Dios upíira ꞌixun kana, mitsu bitëkënti ꞌain.

Isaías 63:10

ꞌAínbi ka Nukën ꞌIbun kakëxun atun kuaisamatankëxa ꞌianan ka ꞌatimakin ñuikëx masá sinánkëxa; usakin ꞌakëxun ka axbi atumi nishkin atu ꞌakëxa.

Jeremías 1:19

A unikamax ka mibë mëëananti ꞌikën, ꞌixunbi ka mi kanantima ꞌikën, ꞌëx kana mi bërúai mibë ꞌiti ꞌain. ꞌËn kana Dios ꞌixun kakësa okinbi asérabi mi ꞌakinti ꞌain.

Daniel 9:5

nukamax kananuna ꞌatima ñu ꞌai ꞌuchan; usai ꞌikin kananuna ꞌatima ñuira an; ꞌianan min usai tsóti kuëënkë a ꞌunánimabi ꞌian; usai ꞌikin kananuna a tanti min banakama kikësokin ꞌanan, min sinánmikësoi ꞌisama tan.

Daniel 9:9

ꞌAínbi kamina mix Dios ꞌixun nu nuibanan usai karanuna ꞌiisa tani uisai ꞌiabi nu nuibakë ax kuni asábi ꞌikën. Nukamax kananuna min kakësoi ꞌikëma ꞌain,

Números 13:30

Ësakin atun ñuixunia kuati sharákin Moisés ñukai kikania okin ka Caleb kakë uni an kamabi Israel unibu nëtëmikin, ësokin kakëxa: —¡Nun kananuna a mekama atubë ꞌakanantankëxun bitsi kuanti ꞌain! ¡Nux kananuna a unikama tupuma ꞌain, usa ꞌixun kananuna atu ꞌatankëxun aín me biti ꞌain!

Números 20:2

Usai atux a menu aínbia a xëati ꞌumpax ꞌaíma ꞌain ka Moisés ꞌimainun Aarón ñui sharati banai ki kamabi uni timë́kankëxa,

Números 24:8

Dios an Egipto menua chikinbëtsikin atu bëa ax ka atun Dios ꞌikën, usa ꞌaish ka vaca ain bënë raëkëma manchañu aín kushisa ꞌikën. Usa ꞌixun ka Israel unibunën axa ami nishkë unikama ñuina raëkëman nami pikësa okinshi abë ꞌakanankin; kupitanuma aín pian ꞌakin këñuti ꞌikën.

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.

Deuteronomio 31:6

Mitsux kamina kushi sinánñubu ꞌaish rakuë́ ꞌitima ꞌain; usai ꞌikamina atubë ꞌakanankin ꞌai atumi rakuë́tima ꞌain, usakin ꞌaia ka Diosan ënkinma abi atu ꞌanun mitsu ꞌakinti ꞌikën.

Deuteronomio 31:8

Nukën ꞌIbun ka mi kuania ꞌakinkin ëntima ꞌikën, usa ꞌain kamina rakuë́kin; kana ꞌaíma kixun sinántima ꞌain.

Deuteronomio 32:42

ꞌAkin kana ꞌën manë paka pia ꞌimainun manë xëtokë anun atu ꞌakin aín imin xëpukan kapabuinti ꞌain; ¡usakin kana atu këñuti ꞌain, usokin ꞌakëx achirabi abátima ꞌikën! ¡usakin kana a ramiokë ꞌimainun ñatankin bikë suntáru aín bu chaxkë́irabu ꞌimainun ꞌapu akamabi ꞌati ꞌain!

Deuteronomio 7:18

¡Usa aín kamina mix atumi rakuë́tima ꞌain! Rakuë́kinma kamina Diosan ka ꞌapu faraón ꞌimainun egipcio unikama ismainunbi ñu chabu ꞌakëxa kixun sinánti ꞌain;

Deuteronomio 7:21

Usa ꞌain kamina atumi rakuë́tima ꞌain, nukaman ꞌIbu Dios kushiira ax, mitsubë ꞌain ka atux mimi rakuë́ti ꞌikën.

Deuteronomio 9:7

Mitsun kamina uínsaranbi anu uni ꞌikëma menuxua Nukën ꞌIbu Diosan kakëxunbi kuaisama tan bana a manutima ꞌain. ꞌIanan kamina Egipto menuax chikíkin ꞌásabiokin ënë menu bëbakinbi, an kakësabiokin ꞌaisama tankanin.

Filipenses 1:27

Ësaíshi ꞌiti camina sinánti ꞌain, ainan ꞌaish camina Cristo quiásabi oi ꞌiti ꞌain. ꞌËx mitsu isi cuananbi, cuanquinmabi cana, mitsux camina bëtsibë nuibanani Jesucristomi catamënun ꞌaquianani quixuan unin ñuia cuaisa tanin.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.