Números 14:43 - Kashibo-Kakataibo Biblia

⁴³ Anun mi kuankanti anuxun ka amalecita ꞌimainun cananeo unikaman, kuania ꞌakanankinuxun mitsu kainia. Usa ꞌaínbi kamina Nukën ꞌIbun kakësokin mitsun ꞌaisamatan, usa ꞌain ka an bërí mitsu ꞌakintima ꞌikën.

Números 14:43 Iomraidhean Croise

Isaías 63:10

ꞌAínbi ka Nukën ꞌIbun kakëxun atun kuaisamatankëxa ꞌianan ka ꞌatimakin ñuikëx masá sinánkëxa; usakin ꞌakëxun ka axbi atumi nishkin atu ꞌakëxa.

Números 13:29

Négueb kakë me sënënakëkë anu ka amalecita unibu tsótia, ꞌimainun ka ain bashi niñu me anu hitita, jebuseo ꞌimainun amorreo, unibu tsómainun ka parúmpapa kuëbí Jordán kakë anu cananeo uniburibi tsótia.

Números 14:25

(Usa ꞌain ka me sapan anu amalecita ꞌimainun cananeo kakë unikama tsotia) anu kuanux kamina imë́ishi anu uni ꞌikëma me auküaxmi ukankë au kuatankëx parúmpapa xónsa kakë aubi kikiani kuanti ꞌain.

Números 14:42

Usa ꞌain kamina abi bana kuakësama obiani kuankantima ꞌain, Nukën ꞌIbu ka mitsubëma ꞌikën. Axa mimi nishkë unikaman ka abámikin mitsu ꞌati ꞌikën.

Números 14:44

Ësokian Moisésnën kakëxbi ka aín bashi niñu ꞌikë abu kikiani karaisa kuania atu ꞌaia tankatsi kiax bana purábiani ñunshinkiani kuankankëxa; kuankëbëtanbi ka bunántisa okin ꞌakë anua Diosan ñukama purukë a ꞌimainun Moisésnëxribi anua ꞌikankë anuax kuanima bërúakëxa.

Jueces 16:20

munuma kuënkëni kiakëxa: —¡Sansón mi ka filisteo unikaman ꞌaia ka bësut! Usai kikëbë ka aín bu tëakëma ꞌaísha ꞌikësa usai ꞌiisa sinani Sansón bësuakëxa, bësukinbi ka Nukën ꞌIbun ka ꞌë ëanxa kixun ꞌunánma ꞌikën.