Biblia Todo Logo
Bìoball air-loidhne

- Sanasan -




Números 13:27 - Kashibo-Kakataibo Biblia

27 Ñuixunkin ka ësokin Moisés kakëxa: —A ñachatanunmi nu xukë me anu kananuna bëban. Bëbaxun kananuna kamabi isan a mex ka upíira ꞌikën, anuax ka vaca, oveja ꞌimainun carnero kamabi ñuina ax upiti kania, ꞌimainun ka ënë bimikamax a menuxun ꞌapákë ꞌikën.

Faic an caibideil Dèan lethbhreac




Números 13:27
22 Iomraidhean Croise  

ꞌAkin ka ëmakama upíokian kënëarakama a ꞌimainun me upíbu anu ñu ꞌapákëxa upiti kookë ꞌimainun atun xubu anua ñu upíirabu bukúnkë a ꞌianan anua atun ꞌumpax biti me kinikë upíirabu a ꞌianan atun uvas ꞌapákë a ꞌianan olivos ꞌimainun raíri i bimi an tuákë akama bikankëxa; bitankëx ka a menu upíokin puchákin pi xuati atun kuëënkësa oi ꞌi tsókankëxa.


ꞌImainun ka ësokinribi ꞌë kaxa, an isa Egipto me anuaxmi tëmërakankë ënua mitsu chikínbiankin anua cananeos, hititas, amorreos, ferezeos, heveos ꞌimainun jebuseos; unikama ꞌikë me anu mitsu buánti ꞌikën, ax ka me achúshi anua ñuinanën xumañukama a ꞌimainun a piti ñu ꞌitsaira ꞌianan ñu ꞌaisamaira ꞌikë a ꞌikën.


Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.


A mex ka anu a piti ñu ꞌaisamaira ꞌimainun buna rëpa ꞌaisamaira ꞌumpax iskësa ꞌianan anu tsótisa upí ꞌianan anuxun kamabi ñuina kanionan anu ñu ꞌapátisa ꞌikën. ꞌAínbi kana ꞌëx mitsubë kuantima ꞌain, mitsubë kuankinbi atuna mitsu këñunun ꞌimin. Mitsux kamina bana kuakëma unibuira ꞌain.


kamabi Israel unikama kakëxa: —¡Nun nu ñachabëtsinkë me ax ka upíira ꞌianan anuxun ñuina ꞌarakai anu tsótisa ꞌiaxa!


Nukën ꞌIbun nu kuëënkin buánxun ka, a menu nu atsínun ꞌimikin nu ꞌinánti ꞌikën. A menuax ka a kuti ñu ꞌaisamaira ꞌinun bimimainun a ꞌarakati ñuinakamax upíbuira ꞌinun kaiti uakamë ꞌëoia.


chikinbëtsinkin ka anua piti ñu ꞌaisamaira ꞌikë ënu bëakëxa, bëtankëxun ka anua a xëati ñu buna rëpasa ꞌaisamaira ꞌianan a piti ñuribi ꞌaisamaira ꞌikë ënë menu nu bëakëxa.


Uínsaran karana aín chaitiokama kásabiokin a menu atsini unun ꞌimi anun ka sinanatëkëntima okin a anua a piti ñu ꞌaisamaira ꞌimainun a xëati buna rëpa ꞌaisamaira ꞌikë, a menuxun puchákin pianan xëai xuakanti ꞌikën, usai ꞌikinbi ꞌë rabiti ënkin bëtsi dios kamaishi rabiti ꞌikën, usakin ꞌai ꞌëmi manukin ꞌëx usai ꞌiti kia banakama manuti ꞌiti ꞌikën.


Usa aín kamina, ꞌën aintsi Israelkama mitsun, a bana tankin ax kikësabiokin ꞌati ꞌain. Usakin ꞌakëbë a mitsun ꞌati ñukama upí kuankëbë kamina achúshi ëma ꞌai ënë menu ꞌuakamë ꞌëoti ꞌain, anua a xëati ñu buna rëpasa ꞌaisamaira ꞌianan a piti ñuribi ꞌaisamaira ꞌikë kixuan Diosan mitsun chaitiokëkama ká anu kuanti ꞌain.


Usai kuani ka anu uni ꞌikëma menu, cuarenta baritia ꞌimi nitsi axa Egipto menuax chikíkiani kuankë unikama maëakëxa. A unikaman ka Nukën ꞌIbun kakësabiokin ñu ꞌaisama tankëxa, usa ꞌikë ka an sinanatëkëntima okin atu ësokin kakëxa, mitsux kamina a me ꞌinánnuxun ꞌën min chaitiokëkama ka anua ꞌaisamaira a piti ñu ꞌimainun a xëati ñu ꞌitsaira ꞌikë a menu kuantima ꞌain.


Lean sinn:

Sanasan


Sanasan