Números 12:8 - Kashibo-Kakataibo Biblia

⁸ ꞌimainun kana abë banai an unánkë unibë bësúnax banakësai banain, ꞌimainun kana kuaisabi ꞌitánun abë banakin ꞌënbi kain. ¿Usa ꞌaínbi karamina mitsux a ñui ꞌatimai banain?”

Números 12:8 Iomraidhean Croise

Génesis 32:30

Usa ꞌain ka a me Penuel kakin anëi Jacob kiakëxa: “Nukën ꞌIbu Diosbë kana isanairan usa ꞌaínbi kana bamakëma ꞌain.”

Éxodo 19:19

Usaia ꞌimainun ka aín manë bana okë a munu paian bania kuakëxbi amiribi amiribi ꞌi kushiira ꞌinun banakëxa; banamainun ka Diosan abë banakin Moisés kaná banakësai banakin kakëxa.

Éxodo 20:4

Usa ꞌain ka uisa ñubi ꞌanan, a rabinuxun unisa okin ñu unionan, naí manámia ꞌikë ñubi tankin ꞌatima ꞌikën, ꞌianan ka me ꞌukëmëu ꞌikë ñubi tankin ꞌanan parúmpapa ꞌukëmëu ꞌikë menu ꞌikë akama tankin ꞌatima ꞌikën.

Éxodo 33:11

Diosbë banai ka Moisés ain ꞌunánkë unibëa uni isánani banakësa ꞌinun banakëxa, usai anuax banatankëx ka Moisés anua ꞌikankë anubi kuantëkëankëxa. ꞌAínbi ka uni bëna Josué kakë Nunnën bëchikë an ꞌakinkë xubusa okían ꞌakë a bërúankë ax uínsaranbi anuax kuaiama ꞌikën.

Éxodo 33:19

ꞌAínbi ka Nukën ꞌIbun ësokin kakëxa: —ꞌËx kana nuibanairakë ꞌain, usa ꞌain kana uikama karana ꞌakinsa tani akama ꞌakinti ꞌain. ꞌAkianan kana mi nuibakin ꞌën anëmi ñuinun mi ꞌimianan uikama karana nuibati akama nuibati ꞌain.

Éxodo 33:23

Usokin inúkin mi ꞌatankëxun ꞌën mëkën bikëbëtan kamina ꞌën kaxuishi isti ꞌain ꞌaínbi kamina ꞌën bëmánan istima ꞌain.

Éxodo 34:30

Usai aín bëmánan chabáchabákikë ꞌaish aia Moisés iskin ka Aarón ꞌimainun Israel unikaman ami rakuë́kin Moisés ꞌurama oma ꞌikën.

Proverbios 1:6

uisai kara ñu ꞌunairakë unikama ax bëtsi ñuikësai kia anbi kuanan, bëtsi ñu ñui banakë ꞌimainun a ꞌunánti banakama kikë abi uisai ki kara a banakama kia abi kuatia.

Isaías 40:18

¿Uinu ꞌikë bëtsi uni kamabëtan sënën kara Dios ꞌikë kixun kaina mitsun kati ꞌain? ¿Uisa ñu mitsúnbi uniokë ax kara asaribi ꞌiti ꞌik?

Isaías 46:5

¿Ui kaina mitsun ax ka ꞌësaribi ꞌikë kixun kati ꞌain? ¿Ui iskësa karana ꞌëx ꞌai kixun kaina mitsun sinánkanin?

Números 14:14

Kuakin ka Canaán menu tsókë unikama ñuixunti ꞌikën. Atúnribi ka min kamina ënë unikama atubë ꞌixun, ꞌakini kixun ñuikania kuaxa, ꞌimainun kamina an unánkë unibë uni bësúnax banakësari banain, ꞌimainunribi kamina min nëtë kuinsa axa atubë ꞌinun ꞌimin, ꞌimainun kamina nëtën kuinsa mëu rëkuë́n kiankin atu buánan imë́ribi tsi rëkirukësa a isia anunbi kuanun atu ꞌimian.

Mateo 13:35

Jesusan ca usaquin bana ñuixunti ꞌicë quiax ca an Nucën Papa Dios quicë bana uni ñuixuncë unix bëráma quiacëxa, ësai qui: ꞌËn cana bana itsi ñuicësoquin ñuiquin bana ñuixunti ꞌain, uinsaranbia unin ꞌunánma ñu ñuiquin cana unicama ñuixunti ꞌain.

Lucas 10:16

Caxun ca a xuti unicama ësaquinribi cacëxa: —An mitsun bana cuacë uni, an ca ꞌën banaribi cuatia. ꞌImainun ca an mitsun bana cuaisama tancë uni, an ꞌën banaribi cuaisama tania. An ꞌën bana cuaisama tancë uni, an ca Nucën Papa Dios, an ënë menu ꞌë xua, aín banaribi cuaisama tania.

Juan 1:18

Uinu ꞌicë unínbi ca Nucën Papa Dios isáma ꞌicën. Aín Bëchicë Achúshi, axa aín Papabë ꞌicë, an cuni ca uisa cara Nucën Papa Dios ꞌicë quixun nu ꞌunánmiacëxa.

Juan 15:15

Usa ꞌain cana ꞌën ñu mëëmicë uni camina ꞌai quixun mitsu caiman. An ñu mëëxuncë unin ca uisoquin ñu ꞌati cara an ñu mëëmicë unin sinania quixun ꞌunanima. ꞌËbë nuibanancë unicama camina ꞌai quixun cana mitsu cain. Usa ꞌicë cana ꞌën Papan ꞌë cacë ñucama mitsu ꞌunánmian.

Juan 15:24

Atúan isnun ꞌën uni itsin ꞌacëma ñu ꞌacëma ꞌain ca atux usabi ꞌitsíanxa. Usa ꞌaínbi ca ꞌën ꞌacë ñucama isaxa. A cupí ca ꞌëmi nishanan ꞌën Papamiribi nishaxa.

1 Corintios 13:12

Espejo upíirama ꞌaínu upí oquin anun ñu iscëma usaribi oquin cananuna uisaira cara Nucën Papa Diosan sinan ꞌicë quixun camaira ꞌunaniman. Usa ꞌaínbi cananuna aín nëtënu ꞌixúinra ꞌunánti ꞌain. Bërí cana camabiira ꞌunaniman. Usa ꞌixunbi cana ꞌunánti ꞌain, an ꞌë ꞌunáncësaribi oquin.

2 Corintios 3:18

Usa ꞌain cananuna bëmápucucësama ꞌixun, Jesús ca asérabi Cristo ꞌicë quixun ꞌunani ami catamëti ainan ꞌain. Barían pëcaquin espejo ichucësaribi oquin ca Jesucristonënbi asaribi ꞌinun aín upí nu ꞌinania. Usaquian nu ꞌacëx cananuna bërámanu ꞌá ñucama ëuncubiani Jesucristo cuëëncësabi oi bëtsi sinánñu ꞌaish, asaribi ꞌin. Aín Bëru Ñunshin Upitanbia ꞌimicëx cananuna usai ꞌin.

Deuteronomio 18:15

Usa ꞌaínbi ka Nukën ꞌIbu Diosan mitsunuaxa achúshi uni an Dios kikë bana ñuikë ꞌën mitsu ñuixunkësaribi okían ñuixunun ꞌimiti ꞌikën, aka mitsun rëbúnki kaman aín bana tanti ꞌikën.

Deuteronomio 34:10

Usa ꞌaínbi ka uínsaranbi Israel menu bëtsi an Nukën ꞌIbu kikë bana uni ñuixunkë axa Moisés ꞌikësaribiti aín ꞌIbubë aín ꞌunánkë unibë uni banakësai ꞌikë ꞌaíma ꞌiakëxa,

Deuteronomio 4:15

Amiribishi ka Moisésnën Israel unikama katëkëankëxa: A nëtë́an nukamabë Dios tsi rëkirukësa nëbëtsinuax banai aín bashi Sinaí kakë anuax kikëbëtan kamina a ñu ñubi iskanma ꞌain. Usa ꞌain kamina bëruinra okanti ꞌain,

Colosenses 1:15

Uinu ꞌicë unínbia Nucën Papa Dios istima ꞌaínbi ca unían uisa cara Nucën Papa Dios ꞌicë quixun ꞌunánun asaribi ꞌaish aín Bëchicë ënë menu uacëxa. Añu ñubi unitisama ꞌain ca axira pain aín Papabë ꞌiacëxa.

1 Tesalonicenses 4:8

Usa ꞌain ca, ui unin cara nun mitsu ꞌunánmicë banacama ënë cuaisama tania an, unin banama, Nucën Papa Dios, an aín Bëru Ñunshin Upí nu ꞌináncë, aín bana timaia.

1 Timoteo 6:16

Nucën Papa Dios axëshi ca cëñutima usabi ꞌia. Ax ca uíxbi bëbaquiantisama oquian pëcacë nëbë́tsi ꞌicën. Uínu ꞌicë unínbi ca a isáma ꞌicën. Istisama ca ax ꞌicën, uínbi ca a isima. Ax cushiira cushi ꞌicë ca xënibua ꞌaínbi camabi unicama ꞌimainun ángelcamanribi a rabiti ꞌicën. Usaquin ca ꞌati ꞌicën.

Hebreos 1:1

Bëráma ca Nucën Papa Diosan nucën raracaman aín cushi ꞌunánan uisai cara aín uni ꞌiti ꞌicë quixun ꞌunánun, Nucën Papa Dios, an sinánmicë bana uni ñuixuncë unicamabë bananan namámiquin canan, bëtsi bëtsi ñu ismiquin canan, bëtsi bëtsi ñu ꞌaquinribi atu ismiacëxa.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

2 Pedro 2:10

Nucën ꞌIbu Diosan ca anbia masáquin sináncë ꞌixun ñunshínquin ꞌatima ñu ꞌanan aín bana cuacëma unicama asérabi uisoquin cara ꞌati ꞌicë usoquin ꞌati ꞌicën. A unicaman ca rabínquinma ax cuëëncësa oquinshi ñu ꞌaisama ꞌanan, ami racuë́quinma Nucën Papa Diosan ꞌimicë ꞌicëbi unin cushicamaribi ꞌatimaquin ñuia.

Judas 1:8

Usa ꞌaínbi ca axa Sodoma ꞌimainun Gomorranu ꞌicë unicama usai ꞌiá ꞌunanibi, mitsu parani mitsubë timë́cë unicama an, sinánñumasa ꞌaish aín xanuma ꞌaínbi xanubë ꞌianan bana cuacëma ꞌixun, Nucën ꞌIbu Diosmi sinánquinma cushi unicama ꞌimainun uisa cushi cara, ángelcamaribi ꞌatimaquin ñuia.