Números 12:6 - Kashibo-Kakataibo Biblia

⁶ kuania ka Nukën ꞌIbun ësokin kakëxa: “Bërí kana mikama ësokin kain: An ꞌëx kikë bana uni ñuixunkë mitsunu ꞌikë kana ꞌën namámikësokin kanan kana namámikinribi kain;

Números 12:6 Iomraidhean Croise

Génesis 15:1

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

Génesis 20:7

ꞌAínbi kamina bërí, a xanu aín bënë ꞌinántëkënti ꞌain, ax ka an Dios kikë bana ñuixunkë ꞌikën, usa ꞌixun ka an mi ꞌë ñukáxunti ꞌikën, ñukáxunkëx kamina mix upitax tsóti ꞌain; usa ꞌain kamina bëríbi a uni aín xanu ꞌinántëkënti ꞌain, ami ꞌinankëbëma ka min xanu ꞌimainun min xubunu ꞌikë unikamaribi këñuti ꞌikën.

Génesis 28:12

Anuxun namákin, iskëxbi ka achúshi tapitinëx menuaxbi kuarutankëxa naínu sënën ꞌikë isakëxa, iskin ka anua Diosan ángelkama kuarumainun raírinëxribi ubuti nitsia isakëxa.

Génesis 28:16

Usakian kakëx aín ꞌuxkënuaxbi bësukin ka Jacobnën sinánkëxa: “Asérabi ka ënë menu Nukën ꞌIbu ꞌëbë ꞌikën kixun kana ꞌën ꞌunánkëma ꞌain.”

Génesis 37:5

Usakin aín xukë́nkaman ꞌakëxun ka Josénën achúshi ñantan namákëxa, namáxun ka aín xukënkama ñuixuankëxa ñuixunkëxbi ka atiaira xuamati ami nishakëxa,

Génesis 37:9

Usokin namátankëxun ka basikëbëtan Josénën amirbishi namátëkënxun aín xukë́nkama ñuixuankëxa. Ñuixunkin ka ësokin kakëxa: —¿ꞌËn kana namátëkënkin bari, ꞌuxë, mapai rabë́ ꞌimainun achúshi ꞌispa akamaxa ꞌëmi ñanati shaíkia isan kixun kaina ꞌunánkaniman?

Génesis 46:2

A imë́bi ka Diosan abë banakin Jacob ꞌikëbia Israel kakin anëkë a kuënkin namámikësokin kakëxa. Kakëxun ka an: —Ënu kana ꞌain kixun ka kakëxa.

2 Samuel 7:4

ꞌAínbi ka a imë́bi ami mërakin Diosan Natán kakëxa:

1 Reyes 3:15

Usakian, kakëx bësukin ka Salomónnën namákin kana ënë banakama kua kixun sinánkëxa. Usakin namábiani Gabaón ëmanua kuanx Jerusalén ëmanu bëbax anua Dios bunántisa okin axun kë kurin ratakakakë nankë ꞌikë anu kuanxun ka, anuxun atun ñu ꞌaisama ꞌakëkama mëníokanun unikama ꞌimikin Salomónnën ñuina rëxun Dios xaroxuankëxa. Usokin ꞌatankëxun ka aín piti ñukama chookin ꞌamitankëxun aín unikamabëtan piakëxa.

1 Reyes 3:5

Achúshi ñantan ka Gabaón ëmanuxun, ꞌuxkë namámikin Diosan Salomón kakëxa: Añu ñu kaina kuëënkin ꞌë ñukáti akana mi ꞌinánti ꞌai kixun ka Diosan kakëxa.

Job 4:13

Achúshi imë́ kana kamabi uníxa ꞌuxkënan bikëx ꞌuxan ꞌëxribi ꞌuxunbi, ꞌatimakin namáx a sinani masáti ꞌuxima ꞌiakën.

Salmos 105:15

ꞌËn kaískë unikama ꞌatima oxuma ꞌanan kamina an bana ñuikë ꞌën unikamaribi uisabi otima ꞌai kixun ka ꞌapukama kakëxa.

Salmos 89:19

Bërámabi kamina namámikësokin minmi kaískë unikama abë banakin kakën: ꞌIanan kamina ësairibi kiakën ꞌën unikamanua kana achúshi uni rakuëma kaísun, axa raíri unisama ꞌaish sinánñuira ꞌikë ꞌakinti ꞌai kiax kamina kiakën.

Éxodo 7:1

Usa ꞌain ka Nukën ꞌIbun Moisés katëkëankëxa: —Ka kuat, ꞌën kana mi ꞌësaribi ꞌixunmi Egiptonu ꞌikë ꞌapu faraónën ismainun ñu ꞌanun mi kain, ꞌimainun ka min xukë́n Aarón mix kikësa ꞌitanun banati ꞌikën.

Jeremías 23:25

Ësai ka Nukën ꞌIbu kiakëxa: ꞌËn kana kuan an bana ñuikë unikamax ka atúnbi namátankëx këmëi ꞌën isana namámikin atu ká kiax kia.

Jeremías 23:28

¡An Dios kikë bana ñuikë unin namáxun ka aín namákë ashi bëtsi ñu ñuikinma ñuiti ꞌikën, ꞌaínbi ka uin kara ꞌën bana ñuia an ꞌën banaishi ñui kiti ꞌikën! Usai ka Nukën ꞌIbu kiakëxa.

Ezequiel 1:1

ꞌËx kana sacerdote Ezequiel ꞌiakën, ꞌën papax ka Buzí kakë ꞌiakëxa, usa ꞌain ka mapai achúshi baritia ꞌapu Joaquín Judá menu uankë ꞌiakëxa, anúan rabë́ ꞌimainun rabë́ ꞌuxë ꞌikë ax mapai achúshi nëtë ꞌikë anun kana ꞌëx treinta baritia ꞌiakën. Usa ꞌain kana ꞌëx ñatanbiankin Babilonianu uankë a kamabëbi Quebar kakë baka kuëbí Babilonia menu ꞌikë anu ꞌiakën, anuxun kana naíkamë ꞌëo baaki panárabëkëbëtan Dios isakën. Usa ꞌain ka Diosan anbi ꞌë kakin aín mëkën ꞌënu nankësa ꞌinun aín kushi ꞌë tamiakëxa.

Daniel 2:19

A ꞌimë́bi ka ꞌunátisama ñu a Daniel Diosan uisokin namákë ꞌianan uisai ꞌiti kara ax ꞌikë kixun kakëxa, usakia kakëxun ka Danielnën Dios naínu ꞌikë a ꞌupiokin sinánxunkin,

Daniel 7:1

Achúshi imë́ kana anua Beltsasar Babilonia menu ꞌapu ꞌikin pëukë a bari anun namákësa okin ꞌëx Daniel ꞌixun isakën. Isun kana raíri a ꞌaisa akamaishi kuënëokën. Kuënëo aka ënëx ꞌikën.

Joel 3:1

“Ësai ka Dios kiaxa: Uínsaran nëtën karana axa ami nishkë unikaman tëmëraminuxun ꞌain menu uan ꞌën unikama bëtëkëni anun ka Judá menu ꞌikë ꞌimainun Jerusalén ëmanu tsóti ꞌën unikama utëkënti ꞌikën.

Números 24:4

usa ꞌixun kana ꞌën Diosan bëru ñunshinan ꞌë ꞌunánmikëxun upíokin unánkin ꞌaia ka Dios kushiira kushi an ꞌë namákësa okin ismianan ain banaribi ꞌunánmia.

Mateo 1:20

Usoquin sinántancëx ꞌuxun ca Josénën namáquin Nucën ꞌIbu Diosan xucë aín ángel achúshi isacëxa. Iscëxun ca cacëxa: —José, Davitan rëbúnqui, cana mi cain. Maríanën tuá ax ca Nucën Papa Diosan Bëru Ñunshin Upitan ꞌimicëxëshia ꞌicë ꞌicën. Usa ꞌain camina timaquinma min xanu ꞌinun María biti ꞌain.

Mateo 2:19

Usa ꞌain ca Herodes bama ꞌain Egiptonuxun namáquin Josénën Nucën ꞌIbu Diosan ángel achúshi isacëxa.

Mateo 23:31

Usai quiquin camina ꞌunanin, asérabi camina mitsux an Nucën Papa Dios quicë bana uni ñuixuncë unicama an ꞌá, atun rëbúnqui ꞌain.

Mateo 23:34

ꞌËn cana unicama ꞌën bana ꞌunánquian a uni ñuixunun ꞌimianan raíriribi ꞌën bana unicama ꞌunánminun ꞌimicëbi camina raíri ꞌanan raíri i curúsocënu matásun bamaminuxun ꞌain. Raíri camina anu timë́ti xubu anuxun rishquinuxun ꞌain. Raírinëan ꞌachushi ëmanuxun bana ñuixuniami mitsun bëtsi bëtsi ocëbëa bëtsi ëmanu cuancëbë anu mitsúxribi cuanxun camina usaribi oquin ꞌatëcënuxun ꞌain.

Mateo 23:37

Jerusalenu ꞌicë unicama, cana mitsu cain, mitsux camina an Nucën Papa Dios quicë bana uni ñuixuncë unicama ꞌanan a an aín bana ñuixunun xucë unicamaribi maxaxan ꞌá, mitsun raracama axa ꞌiásaribi ꞌain. ¿Uitishi oquin carana mitsu nuibaquin bërúanquin ꞌaquinsa tan? ꞌAtapanëan aín tuácama cuëntancëxun aín pëchin mapuxun bërúancësaribi oquin cana mitsu bërúanquin ꞌaquinsa tan. ꞌAquinsa tancëxbi camina mitsux cuëëncëma ꞌain.

Mateo 27:19

Pilatoa anuxun uni manania cuati, anu ꞌain ca aín xanun achúshi uni xuquin Pilato ësoquin camiacëxa: —Ënë uni cupí cana masáquin namáan. Ax ca ꞌuchañuma ꞌicën. Usa ꞌain camina a ꞌanun uni ꞌinántima ꞌain. Ësaquian aín xanun camicë banaribi sinánquin ca Pilatonën Jesús chiquíntisa tancëxa.

Lucas 1:11

Tsëpasa ñu xaroquinbi ca Zacaríasnën anuxun tsëpasa ñu xaroti a mëqueucüa an Nucën Papa Dios ꞌaquincë aín ángelcama achúshi ami chiquiracëtia mëracëxa.

Lucas 1:22

Usaquin sinánquian caíncëx chiquíquin ca Zacaríasnën banacasmaquin aín mëcënanshi sanánquin tanxuancëxa. Usaía ꞌicëbëtan ca unicaman —Nucën Papa Diosan ismicëxun ca anuxun a rabiti xubunuxun ñu isaxa —quixun sináncëxa.

Lucas 20:6

Nun nu, unían unicama nashiminun cacë ca Juan ꞌiacëxa quixun cati, ꞌaínbi ca ꞌapuma unicaman nu maxaxan ꞌati ꞌicën. Acaman ca aín bana cuaquin, Nucën Papa Diosan ca asérabi aín bana unicama ñuixunun quixun Juan xuacëxa quixun sinania.

Hechos 10:11

Iscë́xa naí panarabë́cëbë ca anuax chupa chaira, amácasa ꞌitánun aín rëbucamanu rabë́ ꞌimainun rabë́ oquin tëcërëcacë ꞌaish meu ubúacëxa.

Hechos 10:17

Usaía ꞌicëbë ca Pedro uisa cupí cara isa namáquin iscësoquin ñu isaxa quiax sináncasmacëxa. Usaía Pedro ꞌimainun ca Cornelionën xucë unicamax uinu cara Simonan xubu ꞌicë quixun ñucábianx aín xëcuënu bëbacëxa.

Efesios 4:11

An ca ax cuëëncësa oquían bëtsi bëtsi ñu ꞌanun aín unicama ꞌimia. Bëtsi bëtsi unix ca aín bana ñuixunuan ꞌimicë ꞌicën. Raírinën ca Nucën Papa Dios quicë bana unicama ñuixunia. Raírinën ca axa Jesucristomi catamëcëma unicama amia catamënun upí oquin ꞌaquinia. Raírinën ca axa ami catamëcë unicama upiti Jesucristo cuëëncësabi oi ínun áquinia. Raírinën ca uisai cara Nucën Papa Diosan bana cuënëocama quia quixun uni ꞌunánmia.

Deuteronomio 18:15

Usa ꞌaínbi ka Nukën ꞌIbu Diosan mitsunuaxa achúshi uni an Dios kikë bana ñuikë ꞌën mitsu ñuixunkësaribi okían ñuixunun ꞌimiti ꞌikën, aka mitsun rëbúnki kaman aín bana tanti ꞌikën.

Deuteronomio 18:18

ꞌËn kana atunuaxa achúshi uni an ꞌën bana ñuiti uni ꞌimiti ꞌain, min ꞌakësarabi okin an bana ñuixunun ꞌimiti ꞌain, an ka mitsun aintsibi ꞌixun ꞌën kakë banakama mitsu ñuixunti ꞌikën, ꞌimainun ka ꞌën kakë banakama abi mitsu ñuixuntëkënti ꞌikën.

Hebreos 1:1

Bëráma ca Nucën Papa Diosan nucën raracaman aín cushi ꞌunánan uisai cara aín uni ꞌiti ꞌicë quixun ꞌunánun, Nucën Papa Dios, an sinánmicë bana uni ñuixuncë unicamabë bananan namámiquin canan, bëtsi bëtsi ñu ismiquin canan, bëtsi bëtsi ñu ꞌaquinribi atu ismiacëxa.

Apocalipsis 11:10

A rabëtan Nucën Papa Diosan bana ñuixunquin atun ꞌuchacama sinánmicë cupí ca axa Nucën Papa Diosmi sináncëma unicama a rabë́ bamacë isi cuëënti ꞌicën. Cuëëni ca abëa nuibanancë unicamabë ñu ꞌinánanti ꞌicën.

Apocalipsis 11:3

A unicamaxa ꞌatimati anu nimainun cana an ꞌë ñuiquin unicama canun rabë́ uni xuti ꞌain. A uni rabë́ ax ca rabë́ olivos cacë iisa ꞌimainun rabë́ anu lamparín nanti ñusa ꞌicën. An ca ꞌën xucëxun ꞌaisamaira nëtë, mil doscientos sesenta, a nëtëcama ꞌë ñuiquin bana unicama ñuixunti ꞌicën. Atux ca masá nuitucë unían pañucësaribi chupa pañucë ꞌiti ꞌicën.

1 Samuel 28:6

Usai ꞌikin ka uisai kara Nukën ꞌIbubë banati ꞌikë kixun tankëxa, ꞌaínbi ka Nukën ꞌIbun an ñukákëxunbi kuatima ꞌianan namámikinbi ismiama ꞌikën, ꞌianan ka Urim kakë anbi kaima ꞌimainun an Dios kikë bana uni ñuixunkë akamanbi ñuixuama ꞌikën, usai kamina ꞌiti ꞌai kixun kanun ꞌamiama ꞌikën.

1 Samuel 3:15

Usai kia kuatankëx ka Samuel anua ꞌikë anubi pëkaratamainun ꞌuxakëxa. Anuxun ka pë́karakëma ꞌaínshi anuxun Nukën ꞌIbu rabikë aín xëkuë xëókakëxa. Xëókax ka Samuel namákësa okían iskë ñukama Elí ñuixuntimi rakuë́akëxa,

1 Samuel 3:21

ꞌImainun ka Nukën ꞌIbun amiribishi abë banakin Siló, kakë ëmanu anuxun Dios rabiti xubu ꞌikë anuxun katëkëankëxa. Anuxun ka aín bana ꞌunánkin Samuel ꞌunánmiakëxa.