Números 11:5 - Kashibo-Kakataibo Biblia

⁵ ¡Bëríbi kananuna nun sinanin Egipto menuxunu kupímashi tsatsa pianan! pepinu, santira, cebolla, ꞌimainun ꞌajos, akama kananuna piakën.

Números 11:5 Iomraidhean Croise

Éxodo 16:3

Ki ka ësai kanankëxa: Mitsun kamina anu uni ꞌikëma menuax numin ꞌi tëmërai këñunun nukama bëan, uisati kara Nukën ꞌIbun nu Egipto menuaxbi këñunun nu ꞌimikëma ꞌikën, anuxun kananuna ꞌakëñuma pananx tsókima kënti buákakin ꞌarukë puchákin nami nun kuëënkësa okin piakën.

Isaías 1:8

Usakin ꞌakëbë ka Jerusalén ëma axëshi bëruaxa, usa ꞌaish ka anu uvas ꞌapákë naë nëbëtsi ꞌuta ꞌakësashi ꞌikën, ꞌianan ka aín tuá piti melonar kakë ñu ꞌapáxun nëbëtsi xaban xabanbu ꞌinun kënëkë usaribi ꞌikën, ꞌianan ka a ëmax ami nishkë unikamainshi bëarabuinkë ꞌikën.

Números 14:2

Usai ꞌi ka kamáxbi atux Moisés ꞌimainun Aarón ñui ꞌatimati banai kanankëxa: “¡Uisa ꞌaish karanuna Egipto menuaxbi këñutima, anu uni ꞌikëma me ënuax bamai këñuti uakën!

Filipenses 3:19

Atúan ñunshínquin aín cuëëncësabi oquinshi ñu ꞌaia isquian unin —ñu ꞌaisama ca ꞌaia —quixun ñuicëxbi rabínquinma an ꞌacësabi oquin ꞌai ca rabitia. Jesucristomi sinánquinma ca ënë menu ꞌicë ñuishi sinania. Usaía ꞌicë cupí ca ainanma ꞌaish xënibua ꞌaínbi Nucën Papa Diosbë ꞌitima ꞌicën.