Números 11:4 - Kashibo-Kakataibo Biblia

⁴ Anu ka Israel unikamabë mëskuax kuankë bëtsi menu ꞌikë unikama an pitishi sinánkë unikama atux pain nami pikatsi kia kuati. Israel unikamaxribi tsuákirui nami pikatsi kiax ini sharati kánani kikankëxa: “¡Uinua karanuna a piti nami mërati ꞌai kiax kánani kikankëxa!

Números 11:4 Iomraidhean Croise

Éxodo 12:38

Kuankëbë ka atubë bëtsi bëtsi menu ꞌikë unikamaxribi kuankëbë ꞌaisamaira uni kuankin atun ꞌarakakë ñuina ovejakama vacakama buánkëxa.

Éxodo 16:12

—ꞌËn kana Israel unibu ꞌë ñui ꞌatimai banaia kuan. Usa ꞌain kamina ësokin a unikama kati ꞌain: Xupibukëbëtan kana a piti nami mitsu ꞌinánti ꞌain. ꞌImainun kana ënë pëkarakëbëtan anun puchakimi pikanun pán mitsu ꞌinánti ꞌain. Usakin ꞌakin kamina ꞌëx kana min Dios ꞌai kixun ꞌunánti ꞌain.

Éxodo 16:3

Ki ka ësai kanankëxa: Mitsun kamina anu uni ꞌikëma menuax numin ꞌi tëmërai këñunun nukama bëan, uisati kara Nukën ꞌIbun nu Egipto menuaxbi këñunun nu ꞌimikëma ꞌikën, anuxun kananuna ꞌakëñuma pananx tsókima kënti buákakin ꞌarukë puchákin nami nun kuëënkësa okin piakën.

Números 11:18

ꞌAtankëxun kamina a unikama imë́ishi, nami pinúxa mëníokanun kati ꞌain. ꞌËn kana inia ësai atux kia kuan ¡Uinua karanuna a piti nami biti ꞌain! ¡Egipto menuax kananuna asábi ꞌiakën! Usai kia kuax ka Dios ësai kiakëxa, asábi ka ꞌën kana a piti nami atu ꞌinánti ꞌain,

Números 14:1

Usakian atun ñuia kuati ka Israel unikama rakuë́ti munuma sharati aín sinan bënëoi, a imë́ pëkarakuatsintamainun nitë́xëkankëxa.

Números 14:22

ui unikaman kara Egipto menuxun ꞌën kushin bëtsi unin akëma ñu ꞌaia isanan anu uni ꞌikëma menuxunribi ꞌaia iskinbi, anu uni ꞌikëma menuxun kakëxunbi ꞌën bana kuakëma ꞌikën,

Romanos 13:14

Usa ñucama ëni camina Nucën ꞌIbu Jesucristonën mitsu usai ꞌinun quixun sinánmicësabi oi ꞌiti ꞌain. Ënë nëtënu ꞌicë ñuishi sináncë uni an ñu ꞌatima ꞌacësaribi oquin ꞌati camina sinántima ꞌain.

1 Corintios 10:6

Nun atun ñu ꞌaisama ꞌati cuëëansaribi oquin cuëënuxunma, nun a ꞌunánti oi ca usai ꞌiacëxa.

1 Corintios 15:33

ꞌAtimati banacë unínma mi parania ca bërúancat. Ësaía uni quicë bana ax ca asérabi ꞌicën: “Upí ꞌixunbi ꞌatimatia bëtsi banaia cuaquin ca unin ꞌatimaquin sinánquin ñu ꞌatima ꞌati ꞌicën”.

Deuteronomio 9:22

Usonan kamina Taberá, Masá anuxun ꞌanan Quibrot-hataavá anuxunribi Nukën ꞌIbu kikësabi oi ꞌikinma mitsun nishmiakën.